fbpx

Հակոբ Սերոբյանը ամփոփեց աշխարհի առաջնությունում հայ մարմնամարզիկների ելույթները և խոսեց հետագա ծրագրերի մասին

Հայաստանի մարմնամարզության հավաքականի գլխավոր մարզիչ Հակոբ Սերոբյանը լրագրողների հետ հանդիպմանը ամփոփեց Դոհայում կայացած աշխարհի առաջնությունը, գնահատակներ տվեց հայ մարզիկների ելույթներին և խոսեց մարզաձևում առկա խնդիրների մասին:

Մեր մարմնամարզիկները այս ստուգատեսում պատմական հաջողությունների էին հասել: Մեր 5 մասնակիցներից 3-ը իրավունք էին ստացել մասնակցելու առանձին գործիքների եզրափակիչներին: Բացի այդ, Արթուր Դավթյանը առաջինն է Հայաստանը ներկայացնող մարմնամարզիկներից , որը Հայաստանի անկախանալուց հետո կարողանում է աշխարհի առաջնությունում բազմամարտում տեղ զբաղեցնել աշխարհի 10 լավագույնների շարքում:

«Մինչև մեկնելը մենք նպատակ էինք դրել եզրափակիչ մտնել: Եվ ստացվեց: Ճիշտն ասած՝ Եվրոպայի առաջնությանը շատ անհաջող էինք մասնակցել և դա իմ մեղավորությունն էր: Ես հիվանդացել էի և քիչ էի մարզվել տղաների հետ: Բայց աշխարհի առաջնությանը լավ պատրաստվեցինք, հավաք անցկացրինք ու ամեն ինչ հաշվարկած մեկնեցինք Դոհա»:

Հայ մասնագետը խոսքով Արթուր Թովմասյանը օղակների վարժությանը իր ամբողջ ներուժը չցուցադրեց և եթե մի փոքր ավելի հմուտ լիներ, կարող էր և մրցանակային տեղ զբաղեցնել: Արթուրն էլ, իր հերթին, համաձայնեց մարզչի հետ՝ շեշտելով, որ շարունակելու է քրտնաջան մարզվել ու պատրաստվել հաջորդ աշխարհի առաջնությանը:

Արթուր Դավթյանն էլ ամփոփելով իր ելույթները նշեց, որ հենացատկի վարժության եզրափակիչում փորձի պակասը ու լարվածությունը թույլ չտվեցին պայքարել բարձր հորիզոնականների համար:

Հ. Սերոբյանը նաև պատմեց, որ հանդիպում է ունեցել սպորտի և երիտասարդության հարցերի նորանշանակ փոխնախարար Գևորգ Լոռեցյանի հետ և ներկայացրել մարզաձևում առկա խնդիրները: Հայ մասնագետը խոսել է ժամանակակից գործիքների պակասի, մարզադպրոցները վերանորոգելու ու բանակի խնդիրների մասին:

Մեր հավաքականը արդեն նոյեմբերի 20-ից կսկսի մասնակցել վարկանշային մրցաշարերի, որտեղ խաղարկվելու են 2020 թվականի Տոկիոյի օլիմպիական խաղերի ուղեգրեր:

Հետևե՛ք VNews.am-ին նաև Youtube-ում և Instagram-ում:


«Դիտյատինի գավաթ»․ Հայ մարմնամարզիկները ոսկե մեդալ են նվաճել թիմային հաշվարկում

Դիտյատինի գավաթին կմասնակցի 2 հայ մարմնամարզիկ

Արթուր Թովմասյանը կմասնակցի Եվրոպական խաղերին

Մարմնամարզության հավաքականի գլխավոր մարզիչ Հակոբ Սերոբյանն ամփոփում է Եվրոպայի առաջնությունը (տեսանյութ)

Մարմնամարզության ԵԱ. Արթուր Դավթյանը 8-րդ տեղը գրավեց բազմամարտում (տեսանյութ)

Մարմնամարզության ԵԱ. Արթուր Դավթյանը բազմամարտի եզրափակչում է, Վահագն Դավթյանն ու Արթուր Թովմասյանը՝ օղակներ վարժության

Մեկնարկում է մարմնամարզության Եվրոպայի առաջնությունը

Հակոբ Սերոբյանը՝ աշխարհի գավաթի մասին. «Շատ լավ ելույթ ունեցանք, կարելի է ասել, որ ոչ մի թիմ նման արդյունավետություն չունեցավ»

Հայտնի է մարմնամարզության Հայաստանի հավաքականի կազմը Եվրոպայի առաջնության համար

Ուղիղ եթեր. Աշխարհի գավաթի ամփոփում. Հակոբ Սերոբյանի և մարմնամարզիկների ասուլիսը

Աշխարհի Գավաթ. Արթուր Դավթյանը նվաճեց հավաքականի 3-րդ մեդալը

Աշխարհի Գավաթ. Արթուր Թովմասյանը՝ արծաթե, Վահագն Դավթյանը բրոնզե մեդալակիրներ

Աշխարհի Գավաթ․ Մարմնամարզիկ Արթուր Դավթյանը եզրափակիչում է

Աշխարհի գավաթ. Հայ մարմնամարզիկները եզրափակիչում են

Հայտնի են մարմնամարզության Հայաստանի չեմպիոններն ու մրցանակակիրները

Արթուր Դավթյանը բազմամարտի Հայաստանի չեմպիոնն է