Հալանդը ռեկորդի հեղինակ է դարձել Չեմպիոնների լիգայում

«Բորուսիայի» հարձակվող Էրլինգ Հալանդը դուբլի հեղինակ դարձավ Չեմպիոնների լիգայի խմբային փուլի 4-րդ տուրի «Բրյուգեի» հետ խաղում (4:0):

Չեմպիոնների լիգայում նորվեգացի ֆուտբոլիստը ընդհանուր առմամբ մասնակցել է 12 հանդիպման ու դարձել 16 գոլի հեղինակ։ Հարձակվողը ամենաարագն է հասել 15 գոլի նշաձողին մրցաշարի պատմության ընթացքում։ Հոլանդացի Ռուդ վան Նիստեռլոյին դրա համար պահանջվել է 19 խաղ, ինչպես և իսպանացի Ռոբերտո Սոլդադոյից։ Հարի Քեյնը այդ ցուցանիշին է հասել 20-րդ հանդիպմանը։

Կրիշտիանու Ռոնալդուն հեղինակել է 15-րդ գոլը ՉԼ-ում իր 51-րդ հանդիպմանը, Մեսին՝ 29-րդ, Լևանդովսկին՝ 25-րդ։

Հալանդը «Բորուսիա» էր տեղափոխվել «Զալցբուրգից» 2019 թվականի դեկտեմբերին։

Միացի՛ր հայկական ամենասպորտային Instagram-ին: