Հայ 9 շախմատիստներից 7-ը հաղթանակով մեկնարկեցին աշխարհի առաջնությունում - VNews
Բաժիններ

Հայ 9 շախմատիստներից 7-ը հաղթանակով մեկնարկեցին աշխարհի առաջնությունում

շախմատ

Հայ պատանի շախմատիստները բավական հաջող մեկնարկեցին Խանտի Մանսիյսկում անցկացվող շախմատի աշխարհի պատանեկան առաջնությունում: Հայաստանի 9 ներկայացուցիչներից 7-ը հաղթանակով սկսեցին մրցաշարը: Միակ պարտությունը կրեց մինչև 14 տարեկանների մրցաշարում հանդես եկող Շանթ Սարգսյանը՝ սևերով զիջելով ռուսաստանցի Ռոստիսլավ Մարչուկին: Տարիքային նույն խմբում հանդես եկող Արթուր Դավթյանը սևերով հաղթեց Դանիայի ներկայացուցիչ Սոնդերգարդ Թհիբոյին, իսկ Քրիստինե Սմբատյանը ոչ-ոքի խաղաց Լիտվան ներկայացնող Մարիա Սիբաևայի հետ:

Մ-16 և Մ-18 մրցաշարերում հանդես եկող մեր 6 շախմատիստներն էլ մեկնարկային տուրում հաղթեցին մրցակիցներին: Մինչև 16 տարեկանների մրցաշարում Արփինե Գրիգորյանը հաղթեց ԱՄՆ-ի ներկայացուցիչ Ջուլիա Սևիլային, Հայկ Մարտիրոսյանն առավելության հասավ իսրայելցի Շակեդ Տիֆերետի նկատմամբ, իսկ Դավիթ Միրզոյանը պարտության մատնեց վրացի Շոթա Խոդաշնելիին:

Մինչև 18 տարեկանների Եվրոպայի այս տարվա չեմպիոն Մանուել Պետրոսյանը հաղթելով ֆրանսիացի Կլեմենտ Մեյնիերին, իր բարձր լրացուցիչ գործակցի շնորհիվ գլխավորեց մրցաշարային աղյուսակը: Մանուելը ՖԻԴԵ-ի իր վարկանիշով (2530) երկրորդն է մասնակիցների մեջ ռուսաստանցի Մաքսիմ Վավուլինից հետո (2582):

Հաղթանակ տարավ նաև մինչև 18 տարեկանների Հայաստանի այս տարվա չեմպիոն Արամ Հակոբյանը, որի մրցակիցը ղազախ Այրատ Սադուբաևն էր: Սիրանուշ Ղուկասյանն էլ պարտության մատնեց սլովակ Յանա Լիսկինսկային:

Միացի՛ր հայկական ամենասպորտային Instagram-ին:


    • Ընթերցեք նաև

Հայ պատանի շախմատիստները 3-րդն են Եվրոպայում

Հայաստանի հավաքականը քառորդ եզրափակչում է

Հայտնի են Հայաստանի հավաքականի մրցակիցներն արագ շախմատի առցանց օլիմպիադայում

Լավագույն ցուցանիշը Հայաստանի վերջին 13 առաջնություններում․ Մորի Կոնեի խելահեղ մրցաշրջանը

Մանուել Պետրոսյանը՝ Ստեփան Ավագյանի հուշամրցաշարի հաղթող

Ռոբերտ Արզումանյանը՝ «Ուրարտու-2»-ի գլխավոր մարզիչ

Թրեբլ ձևակերպած առաջին հայկական ակումբը․ Լուծարված «Ցեմենտի»/«Արաքսի» դերը հայկական ֆուտբոլում

Տիգրան Հարությունյանը՝ «Աերոֆլոտի» B մրցաշարի հաղթող

Չեմպիոնության համար պայքարը հասավ գագաթնակետին

Սամվել Տեր-Սահակյանը գլխավորեց աղյուսակը

Մարիա Գևորգյանն անկասելի է

Մրցաշարում երկիշխանություն հաստատվեց

Միակ հաղթանակը տոնեց Ռոբերտ Հովհաննիսյանը

Սուսաննա Գաբոյանը պահպանեց առաջատարի դիրքը

Սամվել Տեր-Սահակյանը հաղթեց չեմպիոնին ու գլխավորեց աղյուսակը

Արման Փաշիկյանը ստանձնեց միանձնյա առաջատարի դերը