fbpx
Բաժիններ

Հայ շախմատիստներից միայն 8-ամյա Նիկոլայ Հովյանն է մեդալների հավակնում

Բաթումում ընթացող շախմատի աշխարհի պատանեկան առաջնությունը մոտենում է վերջնագծին: Մրցաշարի ավարտից 2 տուր առաջ Հայաստանի 29 շախմատիստներից միայն ամենակրտսեր տարիքային խմբում հանդես եկող Նիկոլայ Հովյանն է դեռևս պահպանում մեդալ նվաճելու հնարավորությունը: 8-ամյա պատանին 9-րդ տուրում հաղթելով թուրք Էդիզ Գուրելին, վաստակեց 6,5 միավոր: Դա հայ շախմատիստների մեջ այս պահին լավագույն արդյունքն է: Հովյանը 2 միավորով է հետ մնում առաջատարից:

Տարիքային այս խմբում հանդես եկող Ռուդոլֆ Փաշիկյանը հաղթեց, իսկ Մենուա Հակոբյանը ոչ-ոքի խաղաց: Փաշիկյանն ունի 5 միավոր, Հակոբյանը՝ 4,5:

Հայ շախմատիստներից երկրորդ արդյունքն ունի մինչև 12 տարեկան աղջիկների մրցաշարի մասնակից Մարիամ Մկրտչյանը: Նա հաշտություն կնքեց թուրք Սիլա Կագլարի հետ ու վաստակեց 6 միավոր: Մարիամը 2 միավորով է հետ մնում աղյուսակը գլխավորող ռուսաստանցի ՖԻԴԵ-ի վարպետ Բիբիսարա Ասաուբաևայից:

Մեր մյուս շախմատիստուհիներից այս տուրում հաղթեցին Աստղիկ Հակոբյանը և Հասմիկ Քոչինյանը: Ասյա Եդիգարյանը ոչ-ոքի խաղաց, իսկ Մարիետա ու Նադեժդա Խաչատրյանները պարտվեցին:

Ցավոք, Բաթումում իր հնարավորություններից ցածր է հանդես գալիս մինչև 12 տարեկան պատանիների Եվրոպայի այս տարվա չեմպիոն Մամիկոն Ղարիբյանը, ով պարտվելով Էկին Օզենիրին, 5,5 միավորով նահանջեց 28-րդ հորիզոնական և վերջնականապես զրկվեց մրցանակային տեղերի համար պայքարելու հնարավորությունից:

Տուրը հաղթական էր տարիքային այս խմբում հանդես եկող Գոռ Գրիգորյանի, Սարգիս Սարգսյանի և Սևակ Մանուկյանի համար:

Մինչև 10 տարեկան տղաների մրցաշարում Արսեն Դավթյանը ոչ-ոքի խաղաց ու վաստակեց 6 միավոր: Նրան կես միավոր է զիջում Հայկ Գրիգորյանը, ով ևս հաշտություն կնքեց մրցակցի հետ: Հաղթանակներ տոնեցին Գոռ Սարգսյանը, Էմին Օհանյանն ու  Էրիկ Հակոբյանը:

Մինչև 10  տարեկան աղջիկների մրցաշարում մեր պատվիրակներից լավագույն արդյունքն ունեցող Սեդա Բադալյանը հաղթեց ու վաստակեց 5,5 միավոր: Հաջողությունն ուղեկցեց նաև 4 միավոր վաստակած Թամար Գոգինյանին: Անհաջողության մատնվեց Անետա Ասկարյանը, իսկ Նարե Մեյրոյանը հաշտություն կնքեց մրցակցի հետ:

Ամենակրտսեր տարիքային խմբում Անգելինա Ղուկասյանը պարտվեց Սյուզաննա Առաքելյանին, ով վաստակեց 4,5 միավոր: 4 միավոր ունի Էմմա Մխիթարյանը, ով հաղթանակ տոնեց վրացի Նինո Չիխենկելիի նկատմամբ:

 

 

Միացի՛ր հայկական ամենասպորտային Instagram-ին:


    • Ընթերցեք նաև

Սամվել Տեր-Սահակյանը գլխավորեց աղյուսակը

Մարիա Գևորգյանն անկասելի է

Շախմատիստուհիներն աչքի ընկան արդյունավետ խաղով

Սուսաննա Գաբոյանը պահպանեց առաջատարի դիրքը

Սամվել Տեր-Սահակյանը հաղթեց չեմպիոնին ու գլխավորեց աղյուսակը

Գործող չեմպիոնուհին պարտությամբ մեկնարկեց

Մ16 օլիմպիադա. Հայաստանի հավաքականը բավարարվեց 12-րդ տեղով

Մ16 օլիմպիադա. Հայաստանի հավաքականը մեդալների հավակնորդների թվում է

Մ16 օլիմպիադա. Հայաստանի հավաքականը մոտեցավ առաջատարների խմբին

Մ16 օլիմպիադա. Հայ պատանիները հաղթեցին թուրքերին

Մ16 օլիմպիադա. Հայ պատանիներն առայժմ 12-րդ տեղում են

Մ16 օլիմպիադա. Պատանի հայ շախմատիստները 14-րդ տեղում են

Աշխարհի պատանեկան առաջնություն. Շանթ Սարգսյանը հավակնում է աշխարհի չեմպիոնի տիտղոսին

Աշխարհի պատանեկան առաջնություն. Շանթ Սարգսյանը չեմպիոնական մրցավազքում կարևոր հաղթանակ տոնեց

Աշխարհի պատանեկան առաջնություն. Աստղիկ Հակոբյանն ու Շանթ Սարգսյանը հետապնդում են առաջատարներին

Աշխարհի պատանեկան առաջնություն. Աստղիկ Հակոբյանը կես միավոր է զիջում առաջատարներին