Հայաստանի հավաքականը պայքարը կշարունակի 1/8 եզրափակչից - VNews
Բաժիններ

Հայաստանի հավաքականը պայքարը կշարունակի 1/8 եզրափակչից

Այսօր վերջնագիծը հատեց արագ շախմատի առցանց օլիմպիադայի նախնական փուլը: Ցավոք C խմբում հանդես եկող Հայաստանի հավաքականին չհաջողվեց քառորդ եզրափակչի ուղեգիր նվաճել:

Մեր շախմատիստները եզրափակիչ փուլում պայքարը կշարունակեն 1/8 եզրափակչից, որի հանդիպումները կկայանան օգոստոսի 27-ին:

Անգլիայի ընտրանու հետ կայացած սկզբունքային մրցախաղում 2,5-3,5 հաշվով պարտություն կրելուց հետո Հայաստանի հավաքականը նույնպիսի արդյունքով զիջեց նաև Ռուսաստանի ընտրանուն: Ռուսների հետ մրցավեճում վճռորոշ էր Հայկ Մարտիրոսյանի կրած պարտությունն Ալեքսեյ Սարանայից:

Լևոն Արոնյանը հաշտություն կնքեց Յան Նեպոմնյաշչնու հետ, իրենց պարտիաները ոչ-ոքի ավարտեցին նաև Գաբրիել Սարգսյանը, Էլինա Դանիելյանը, Լիլիթ Մկրտչյանն ու Աննա Սարգսյանը: Ավարտական՝ 9-րդ տուրում Հայաստանի հավաքականը 5-1 հաշվով պարտության մատնեց Եգիպտոսի ընտրանուն:

Մեր թիմից հաղթանակներ տոնեցին Լևոն Արոնյանը, Էլինա Դանիելյանը, Լիլիթ Մկրտչյանը,
Աննա Սարգսյանը և Հայկ Մարտիրոսյանը: Միակ պարտությունը կրեց Սամվել Տեր-Սահակյանը:

Այսպիսով, 9 մրցախաղերում Հայաստանի հավաքականը վաստակած թիմային 12 միավորով զբաղեցրեց 3- րդ տեղը և իրավունք ստացավ շարունակելու պայքարը մեդալների համար 1/8 եզրափակչից: Նույնքան միավոր էր վաստակել նաև Ռումինիայի ընտրանին, որին մեր հավաքականը գերազանցեց բոլոր պարտիաներում վաստակած միավորների ընդհանուր քանակով:

C խմբի հաղթող ճանաչվեց Ռուսաստանի հավաքականը, որի հաշվին 18 միավոր գրանցվեց: Ռուսները պայքարի մեջ կմտնեն քառորդ եզրափակչից: 13 միավորով 2-րդ տեղը զբաղեցրած բուլղարացիները 1/8 եզրափակչի ուղեգին նվաճեցին:

Միացի՛ր հայկական ամենասպորտային Instagram-ին:


Լևոն Արոնյան. «Եթե պետք լինի, ես կմիանամ Հայոց բանակին»

Altibox Norway Chess. Արոնյանը հաղթեց Կառլսենին և եզրափակեց լավագույն եռյակը

Altibox Norway Chess. Արոնյանը հաղթեց «արմագեդոնում»

Altibox Norway Chess. Արոնյանը կրկին պարտվեց «արմագեդոնում»

Altibox Norway Chess. Արոնյանն «արմագեդոնում» կրկին պարտվեց Ֆիրուջային

Altibox Norway Chess. Կարուանան ռևանշի հասավ Արոնյանի նկատմամբ

Altibox Norway Chess. Լևոն Արոնյանը կրկին ստանձնեց առաջատարի դերը

Altibox Norway Chess. Արոնյանը զիջեց առաջատարի դիրքը

Altibox Norway Chess. Արոնյանը Կարուանայի հետ գլխավորեց աղյուսակը

Altibox Norway Chess. Արոնյանն առաջին հաղթանակը տոնեց

Արոնյան. «Ես այլևս չեմ կարող լռել, քանի որ իմ երկիրը հարձակումների է ենթարկվում Թուրքիայի ու Ադրբեջանի կողմից»

Արոնյանն արժանացավ 27500 դոլար պարգևավճարի

Հաղթական մեկնարկից հետո Արոնյանը վատթարացրեց ցուցանիշները

Արագ շախմատի մրցաշարում Արոնյանը բաժանեց 5-7-րդ տեղերը

Լևոն Արոնյանը զիջեց առաջատարի դիրքը

Լևոն Արոնյանն առաջատարներից մեկն է