fbpx
Բաժիններ

Շախմատի 43-րդ օլիմպիադա. Հայաստանի հավաքականների հաղթարշավը շարունակվեց

Հայաստանի տղամարդկանց և կանանց հավաքականները շարունակեցին իրենց հաղթարշավը Բաթումում ընթացող շախմատի համաշխարհային 43-րդ օլիմպիադայում: 3-րդ տուրում հայ շախմատիստները 2,5-1,5 հաշվով պարտության մատնեցին թուրքերին,  իսկ կանանց հավաքականը 3,5-0,5 հաշվով համոզիչ հաղթանակ տարավ հույների նկատմամբ:

Եթե նախորդ տուրում ղազախների հետ մրցախաղում Հայաստանի տղամարդկանց հավաքականին հաղթանակ էր պարգևել թիմի առաջատար Լևոն Արոնյանը, ապա թուրքերի հետ մրցավեճում վճռորոշ եղավ Հրանտ Մելքումյանի հաղթանակը Էմրե Ջանի նկատմամբ: Մելքումյանն օլիմպիադայում 2-րդ հաղթանակը տոնեց:

Մյուս պարտիաներն ավարտվեցին ոչ-ոքի: Միավորը բաժանեցին Լևոն Արոնյանն ու Մուստաֆա Յիլմազը, Գաբրիել Սարգսյանն ու Դրագան Սոլակը, Հայկ Մարտիրոսյանն ու Մուհամեդ Բաթուհան Դաստանը:

Հայաստանի հավաքականը 6 միավորով շարունակում է ընթանալ առաջատարների խմբում:

Առայժմ հիանալի են հանդես գալիս նաև հայ շախմատիստուհիները, որոնք շատ կարճ ժամանակահատվածում լուծեցին հույների հարցերը: Էլինա Դանիելյանը հաղթեց Աննա-Մարիա Բոցարիին, Մարիա Կուրսովան էլ առավելության հասավ Եկատերինա Պավլիդուի նկատմամբ: Շատ վստահ է խաղում Աննա Սարգսյանը, ով մրցաշարում 3-րդ անընդմեջ հաղթանակը տարավ: Նրա մրցակցուհին Անաստասիա Ավրամիդուն էր:

Միակ կես միավորը հույներին զիջեց Լիլիթ Մկրտչյանը, ով հաշտություն կնքեց Ստավրուլա Ցոլակիդուի հետ:

Հայաստանի կանանց հավաքականն էլ 6 միավորով պահպանեց տեղն առաջատարների խմբում:

Միացի՛ր հայկական ամենասպորտային Instagram-ին:


    • Ընթերցեք նաև

Grand Chess Tour. Արոնյանը պարտվեց Լիժենին ու կպայքարի 3-րդ տեղի համար

Grand Chess Tour. Արոնյան-Լիժեն մրցախաղում առայժմ հավասարակշռություն է

Grand Chess Tour. Արոնյանը մեկնարկեց ոչ-ոքիով

Լևոն Արոնյանը Լոնդոնում կվիճարկի Grand Chess Tour-ի չեմպիոնի տիտղոսը

Լևոն Արոնյանը կմասնակցի Grand Chess Tour-ի եզրափակիչ փուլին

Tata Steel Chess India. Լևոն Արոնյանն անհաջողության մատնվեց կայծակնային մրցախաղում

Tata Steel Chess India. Լևոն Արոնյանն առայժմ 4-րդ հորիզոնականում է

Tata Steel Chess India. Լևոն Արոնյանն առաջին հաղթանակը տոնեց

Tata Steel Chess India. Լևոն Արոնյանն անվստահ մեկնարկեց

Լևոն Արոնյանը կմասնակցի Grand Chess Tour-ի 7-րդ փուլին

Լևոն Արոնյանը՝ Grand Chess Tour-ի 6-րդ փուլի հաղթող

Grand Chess Tour. Լևոն Արոնյանը հավակնում է գլխավոր մրցանակին

Grand Chess Tour. Լևոն Արոնյանն առաջատարին հետապնդողների թվում է

Grand Chess Tour. Լևոն Արոնյանն առաջին պարտությունը կրեց

Grand Chess Tour. Լևոն Արոնյանը հաջող է մեկնարկել

Լևոն Արոնյանը կմասնակցի Grand Chess Tour-ի 6-րդ փուլին