Հայաստանի հավաքականն առաջին անգամ է ընտրական մրցաշարը սկսել 3 անընդմեջ հաղթանակով - VNews
Բաժիններ

Հայաստանի հավաքականն առաջին անգամ է ընտրական մրցաշարը սկսել 3 անընդմեջ հաղթանակով

Հայաստան - Ռումինիա հանդիպումը՝ 10 փաստով

31.03.2021 Armenia 3 2 Romania 30 scaled - Հայաստանի հավաքականն առաջին անգամ է ընտրական մրցաշարը սկսել 3 անընդմեջ հաղթանակով
Խաղի մանրամասները

տուր

01 Հունվար 1970 - 16:49

-

-

Հայաստանի ազգային հավաքականը ռումինացիների հետ գերդրամատիկ մրցավեճում հաղթանակ տոնելով, 100 տոկոսանոց արդյունքով գլխավորում է 2022թ. աշխարհի առաջնության ընտրական մրցաշարի J խմբի մրցաշարային աղյուսակը: Նման ֆանտաստիկ արդյունք ՀՀ հավաքականն իր ողջ պատմության ընթացքում երբեք չէր գրանցել:

Հանդիպման ամենաուշագրավ իրադարձությունները ներկայացնումենք 10 փաստի տեսքով:

1․ Ռումինիայի հավաքականի հետ անցկացրած 6-րդ խաղում մեր ընտրանին վերջապես առաջին հաղթանակը տոնեց: Մինչ այդ միակ միավորը ռումինացիների հետ մրցավեճում ՀՀ հավաքականը Բեռնար Կազոնիի գլխավորությամբ վաստակել էր մրցակցի հետ առաջին խաղում՝ 2004թ. նոյեմբերի 17-ին Երևանում կայացած աշխարհի առաջնության ընտրական մրցախաղն ավարտելով ոչ-ոքի՝ 1-1, ընդհատելով մեկնարկային 4 հանդիպումներում կրած պարտությունների շարքը: ՀՀ հավաքականին պարտությունից փրկել էր 61-րդ րոպեին Կարեն Դոխոյանի խփած գնդակը:

31.03.2021 Armenia 3 2 Romania 31 960x640 - Հայաստանի հավաքականն առաջին անգամ է ընտրական մրցաշարը սկսել 3 անընդմեջ հաղթանակով

Էդուարդ Սպերցյանը՝ հավաքականում նորամուտը գոլով նշած ամենաերիտասարդ 2-րդ ֆուտբոլիստ

Դրանից հետո կայացած 4 հանդիպումներում մեր ֆուտբոլիստներին չէր հաջողվել գրավել ռումինացիների դարպասը՝ փոխարենը բաց թողնելով 10 գոլ: Այնպես որ, մեր ֆուտբոլիստներից 444 րոպե պահանջվեց ռումինացիների դարպասը կրկին գրավելու համար:

2․ Աշխարհի և Եվրոպայի առաջնությունների ընտրական մրցաշարերում Հայաստանի հավաքականն առաջին անգամ 3 անընդմեջ հաղթանակով է մեկնարկել: Բացի այդ էլ, միայն 3-րդ խաղում, դարպասը 241 րոպե շարունակ անառիկ պահելուց հետո, ՀՀ հավաքականն ընտրական մրցաշարում առաջին գոլը բաց թողեց:

Մինչ այդ, ընտրական մրցաշարերում 3 տուրից հետո լավագույն արդյունքը (4 միավոր) գրանցվել էր 2000, 2004 և 2012թթ. Եվրոպայի առաջնությունների ընտրական մրցաշարերում: Իսկ աշխարհի առաջնությունների ընտրական մրցաշարերում լավագույն ցուցանիշը (3 միավոր) գրանցվել էր 2014թ. մրցաշարում Վարդան Մինասյանի օրոք:

31.03.2021 Armenia 3 2 Romania 28 960x640 - Հայաստանի հավաքականն առաջին անգամ է ընտրական մրցաշարը սկսել 3 անընդմեջ հաղթանակով

Մովսիսյանից և Լևանդովսկիից հետո դա հաջողվեց Սպերցյանին․ Էդուարդը՝ հոբելյանական գոլի հեղինակ

3․ Հայաստանի հավաքականը բարելավեց անընդմեջ տոնած հաղթանակների իր ռեկորդային ցուցանիշը՝ 5-րդ անգամ հաղթանակած հեռանալով խաղադաշտից: Ընդ որում ընտրական մրցաշարում մեր ֆուտբոլիստները 3-րդ անընդմեջ հաղթանակը տոնեցին՝ կրկնելով 2011թ. Վարդան Մինասյանի օրոք գրանցված ռեկորդը, երբ Եվրոպայի առաջնության ընտրական մրցախաղերում հաջորդաբար հաղթել էին Անդորրայի (3-0), Սլովակիայի (4-0) և Մակեդոնիայի (4-1) ընտրանիներին:

4․ Հայաստանի հավաքականը ևս երկու ռեկորդային ցուցանիշ բարելավեց: Մեր ընտրանին 8-րդ անպարտելի խաղն անցկացրեց և 10-րդ անընդմեջ խաղում գրավեց մրցակիցների դարպասները՝ ընդհանուր առմամբ խփելով 16 գնդակ:

5․ ՀՀ հավաքականն իր պատմության մեջ 3-րդ անգամ մարտին 3 խաղ անցկացրեց և առաջին անգամ բոլոր հանդիպումներում էլ հաղթեց: Մինչդեռ 1999թ. անցկացրած մարտյան 3 խաղերում էլ մեր հավաքականը պարտվել էր ընդհանուր 0-6 հաշվով: Իսկ 2005թ. մարտին անցկացրած 3 խաղերից միայն մեկում էր հավաքականը հաղթել՝ պարտվելով 2-ում:

31.03.2021 Armenia 3 2 Romania 14 960x640 - Հայաստանի հավաքականն առաջին անգամ է ընտրական մրցաշարը սկսել 3 անընդմեջ հաղթանակով

«Հերոսները». Հայաստանի հավաքականի ֆուտբոլիստների գնահատականները Ռումինիայի հետ խաղում

Հայաստանի հավաքականը մարտին անցկացրած 28 հանդիպումներում 7-րդ հաղթանակը տոնեց: Մնացած խաղերից 5-ն ավարտվել է ոչ-ոքի, 16-ում մեր ընտրանին պարտվել է: Մեր ֆուտբոլիստները խփել են 20 գոլ, սեփական դարպասը բաց են թողել 47 գնդակ:

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:

1 2

Կապառոս. «Հերոս» բառը բոլորովին դուր չի գալիս ինձ»

Կամո Հովհաննիսյանը դարձավ Սարգիս Հովսեփյանի գլխավորած «400-ի ակումբի» անդամ

Կապառոսը՝ Շվեդիայի և Խորվաթիայի դեմ խաղերի մասին․ «Ազգային հավաքականի համար չկան ընկերական հանդիպումներ»

Կապառոս․ «Առաջին բառերը, որ ասացի տղաների՞ն․ մենք պետք է իսկական թիմ լինենք»

Տիգրան Բարսեղյանը Ղազախստանի առաջնության տուրի խորհրդանշական թիմում է

Ալեքսանդր Կարապետյանի կարիերայի պատմությունը. ՀՖՖ TV-ի նոր ֆիլմը (տեսանյութ)

«Աստանան» հաղթել է, Բարսեղյանն ու Հարոյանը՝ գոլային փոխանցման հեղինակ (տեսանյութ)

Խոակին Կապառոսն ու մարզչական շտաբը պատվաստվել են կորոնավիրուսի դեմ

Կապառոս. «Իսպանիա – Հայաստան Սևիլիայո՞ւմ. ո՛չ, դա կլինի Կատարում»

«Եթե հրավեր ստանամ Հայաստանի հավաքականներից, կընդունեմ այն». Ինչպես է ԱՄՆ-ում ծնված հայը հայտնվել Իսպանիայում

Թոփ-15 ամենաթանկարժեք հայ խաղացողներն այս պահին՝ ըստ Transfermarkt-ի

Խորվաթիա – Հայաստան. Հայտնի է դարձել հանդիպման անցկացման վայրը

«Աստանան» Բարսեղյանի գոլի շնորհիվ հաղթանակ տոնեց․ նրանք գլխավորում են աղյուսակը (տեսանյութ)

Տիգրան Բարսեղյանն առաջ է մղել «Աստանային» տպավորիչ գոլով (տեսանյութ)

Սպերցյանի՝ արկածներով լի ելույթը, Բալեկյանը խաղաց մեծ աստղի դեմ, Ոսկանյանի թիմի «հերոսական» հաղթանակը (տեսանյութ)

«Անկուշտների Սուպերլիգա». Ֆինանսական 5 ամենամեծ սկանդալները ֆուտբոլում