Հայաստանի լավագույն հարձակվողներից մեկը մոտ է «Նոա» տեղափոխվելուն

Հայաստանի առաջնության փոխչեմպիոն «Նոան» մոտ է թիմից հեռացող իր ռմբարկու Մաքսիմ Մայրովիչին  փոխարինող գտնելուն: Երևանյան ակումբի կազմը, ամենայն հավանականությամբ, կհամալրի Գեղամ Հարությունյանը:

VNews.am-ին հայտնի դարձավ, որ հարձակվողն արդեն տևական ժամանակ է մարզվում է «Նոայի» մշակած ծրագրով: 30-ամյա ֆուտբոլիստը «Գանձասար-Կապանի» կազմում 2020 թվականի սեպտեմբերին աքիլեսյան գարշապարի պատռվածք էր ստացել և երկար ժամանակ ապաքինվում էր: Այժմ նա մարզումների է վերադարձել, սակայն որոշ ժամանակ կպահանջվի լիարժեք պատրաստ լինելու համար:

Հարությունյանն առանց թիմ է մնացել, երբ «Գանձասար-Կապանը» հայտարարեց VBET Հայաստանի Պրեմիեր լիգայից դուրս գալու որոշման մասին: Երեկ` հունվարի 16-ին հարձակվողը հրաժեշտ տվեց ակումբին` նշելով. «Դուք միշտ կլինեք իմ սրտում»:

Գեղամը «Գանձասարում» անցկացրած 152 խաղում դարձել է 54 գոլի ու 11 գոլային փոխանցման հեղինակ:

Միացի՛ր հայկական ամենասպորտային Instagram-ին: