Հայկ Մարտիրոսյանը 3 լավագույններից մեկն էր

Շախմատի միջազգային առցանց մրցաշարում Հայաստանի ներկայացուցիչներից առավել հաջողը Հայկ Մարտիրոսյանի ելույթն էր: 9 հնարավորից վաստակած 7 միավորով Հայկը Իգոր Կովալենկոյի և Լևան Պանցուլայայի հետ ցույց տվեց լավագույն արդյունքը՝ լրացուցիչ գործակիցներով զբաղեցնելով 2-րդ հորիզոնականը: Նրանցից յուրաքանչյուրը 2333 դոլար պարգևավճար կստանա:

Հայկ Մարտիրոսյանը մրցաշարում անպարտելի մնաց՝ տոնելով 5 հաղթանակ, 4 պարտիա ավարտելով ոչ-ոքի:

Մանուել Պետրոսյանը 6 միավորով զբաղեցրեց 6-րդ տեղը: Ավարտական տուրում նա պարտվեց Իգոր Կովալենկոյին: Այլապես հաղթանակի դեպքում Մանուելը կարող էր Հայկի հետ դրամական խոշոր պարգևի արժանանալ: Սամվել Տեր-Սահակյանն ու Արման Միքայելյանը վաստակած 5 միավորով զբաղեցրին համապատասխանաբար 24-րդ և 28-րդ տեղերը:

Airthings Masters. Լևոն Արոնյանը կշարունակի պայքարը քառորդ եզրափակչում

Միացի՛ր հայկական ամենասպորտային Instagram-ին: