Հայտնի է՝ երբ կմեկնարկի նոր մրցաշրջանը Ֆրանսիայում

Կորոնավիրուսով պայմանավորված համավարակի պատճառով անավարտ մնաց Ֆրանսիայի առաջնությունը: Սակայն շուտով կմեկնարկի նոր մրցաշրջանը։ Ինչպես հայտնում են ֆրանսիական ԶԼՄ-ները, արդեն որոշված է, թե երբ է Ֆրանսիայի առաջնությունը վերադառնալու նոր մրցաշրջանում։

Մասնավորապես RMC Sport-ը գրում է, որ Լիգա 1-ի ղեկավարները որոշում են կայացնել վերադառնալ օգոստոսի 22-ին։ Նոր մեկնարկող մրցաշրջանի օրացույցի հետ կապված սակայն դեռ պետք է հստակություն մտցնել։

ՈւԵՖԱ-ի կազմկոմիտեն դեռ պետք է ժողով անցկացնի։ Այն նախատեսված է անցկացնել հունիսի 17-ին։ Մասնավորապես այդ ժողովի ժամանակ պետք է հստակեցվեն դեռևս ընթացքի մեջ գտնվող եվրագավաթների մրցաշրջանի ավարտական հատվածի անցկացման ժամկետները։ Միայն դրանից հետո Ֆրանսիայի Ֆուտբոլի Ֆեդերացիան իր կայքում կհրապարակի նոր մեկնարկող առաջնության պաշտոնական օրացույցը։

Միացի՛ր հայկական ամենասպորտային Instagram-ին: