Հայտնի է՝ երբ կորոշվի՝ ծանրամարտը լինելո՞ւ է Օլիմպիական ծրագրում, թե՞ ոչ

Ինչպես ավելի վաղ հայտնի է դարձել, ծանրամարտն Օլիմպիական ծրագիրը լքելու վտանգի առաջ է:

Ծանրամարտի տեղն Օլիմպիական խաղերում վտանգի տակ էր հայտնվել, երբ փաստաբան Մակլարենն անկախ զեկույցում ներկայացրել էր Տոմաշ Այանի նախագահության ժամանակ թույլ տրված անօրինակությունները։

Քննչական խումբը պարզել էր, որ IWF-ի հաշիվներից բացակայում է 10,4 միլիոն դոլար, իսկ 40 դրական դոպինգ փորձարկումները կոծկվել են։ Ընդ որում՝ սա զեկույցի միայն առաջին մասն էր։

ՄՕԿ-ի նախագահ Թոմաս Բախն այսօր կայացած մամուլի ասուլիսի ընթացքում հայտարարել է, որ Օլիմպիական խաղերի ծրագրում ծանրամարտի լինել-չլինելու հարցը կորոշվի Տոկիոյի մարզահանդեսից հետո:

Միացի՛ր հայկական ամենասպորտային Instagram-ին: