Հայտնի է՝ երբ կկայանան «Բարսելոնայի» նախագահական ընտրությունները

«Բարսելոնայի» պաշտոնական կայքը հրապարակել է ակումբի նախագահական ընտրությունների անցկացման նոր ժամկետը:

Ընտրությունները տեղի կունենան 2021 թվականի մարտի 7-ին: Քվեարկությունը կկայանա 9-ից 21 ժամվա ընթացքում՝ առանց ընդմիջման:

«Կառավարման կոմիտեն ցանկանում է ընդգծել, որ այս ընտրություններն անցկացվելու են COVID-19-ով պայմանավորված որոշակի սահմանափակումներով:

Ամեն ինչ կկազմակերպվի առողջապահական մարմինների կանոնակարգերին և առաջարկներին համապատասխան՝ ընտրողների առողջությունն ու անվտանգությունն ապահովելու նպատակով»,- նշված է հայտարարության մեջ:

Հիշեցնենք, որ «Բարսելոնայի» նախագահի պաշտոնը ստանձնելու 2 հիմնական թեկնածուները Ժոան Լապորտան և Վիկտոր Ֆոնտն են:

Ապշեցուցիչ թվեր. «Բարսելոնան» հայտնեց՝ որքան պարտք ունի

Միացի՛ր հայկական ամենասպորտային Instagram-ին: