«Հենո-400». Հենրիխ Մխիթարյանի համար «Ուիգանի» հետ խաղը հոբելյանական էր - VNews
Բաժիններ

«Հենո-400». Հենրիխ Մխիթարյանի համար «Ուիգանի» հետ խաղը հոբելյանական էր

«Ուիգանի» հետ Անգլիայի գավաթի խաղարկության 1/16 եզրափակիչ հանդիպումն ակումբային մակարդակով Հենրիխ Մխիթարյանի հոբելյանական՝ 400-րդ խաղն էր պաշտոնական մրցումներում: Հերթական հոբելյանը հայ ֆուտբոլիստը նշեց՝ «Մանչեսթր Յունայթեդում» բացելով գոլերի հաշիվը նաև Անգլիայի գավաթի մրցաշարում: Տպավորիչ այդ ցուցանիշին հասնելու համար հայկական ֆուտբոլի ներկայիս աստղին 11 մրցաշրջան պահանջվեց:

Ակումբային մակարդակով պաշտոնական առաջին հանդիպումը Մխիթարյանն անցկացրել է 2006թ. հունիսի 27-ին «Ուլիսի» հետ կայացած առաջնության 12-րդ տուրի խաղում: 77-րդ րոպեին, երբ «Փյունիկը» հաշվի մեջ արդեն առջևում էր 3:0 հաշվով, Սամվել Պետրոսյանն Էդուարդ Պարցիկյանի փոխարեն խաղադաշտ դուրս բերեց 17-ամյա պատանի Մխիթարյանին, ով արդեն իր մասին գովեստով խոսելու առիթ էր տվել «Փյունիկ-2-ում» ունեցած արդյունավետ  ու գրագետ խաղի շնորհիվ:

Հայկական ֆուտբոլում Մխիթարյանի ակումբային կարիերան կարճ տևեց՝  ընդամենը 3,5 տարի: «Փյունիկի» կազմում չհասցնելով նույնիսկ 100 պաշտոնական խաղ անցկացնել, Հենրիխը հայտնվեց Դոնեցկի «Մետալուրգում», որտեղից սկսվեց նրա արտասահմանյան փայլուն կարիերան:

Մխիթարյանի ֆուտբոլային տաղանդը հատկապես վառ դրսևորվեց «Շախտյորում» 2012/13թթ. մրցաշրջանում: Ուկրաինայի առաջնությունում Հենրիխը պարզապես հիացրեց իր արդյունավետությամբ: Անցկացրած 29 հանդիպումներում խփած 25 գնդակով նա ճանաչվեց Ուկրաինայի առաջնության լավագույն ռմբարկու և արդյունավետության նոր ռեկորդ սահմանեց՝ գերազանցելով Կիևի «Դինամոյի» ճանաչված ռմբարկուներ Սերգեյ Ռեբրովի (1997/98թթ.) և Մաքսիմ Շացկիխի (2002/2003թթ.) արդյունքը, որոնք 22-ական գոլի հեղինակ էին դարձել: Հարկ է նշել, որ մինչ օրս Մխիթարյանի արդյունավետության ռեկորդը ոչ մեկին չի հաջողվել նույնիսկ կրկնել:

Դորտմունդի «Բորուսիան» հայկական ֆուտբոլի աստղին խաղային ունակությունները նորովի դրսևորելու ավելի լայն հնարավորություն ընձեռեց: Թիմի կազմում անցկացրած 3 մրցաշրջանների ընթացքում Մխիթարյանը պաշտոնական մրցումներում 140 խաղ անցկացրեց, ինչը նրա արտասահմանյան ակումբային կարիերայում առայժմ ռեկորդային արդյունք է:

VivaroNews.am-ը ներկայացնում է Հենրիխ Մխիթարյանի ցուցանիշները տարբեր ակումբներում տարբեր մրցաշարերում:

Թվական Ակումբ Ա Գ Ս Ե ԸՆԴ
2006-2009 «Փյունիկ» 70 15 1 6 92
2009-2010 «Մետալուրգ» Դոնեցկ 37 2 6 45
2010-2013 «Շախտյոր» 72 11 2 21 106
2013-2016 «Բորուսիա» Դորտմունդ 90 17 1 32 140
2016-2017 «Մանչեսթր Յունայթեդ» 12 2 3 17

Հենրիխ Մխիթարյանը դարձավ հայ ֆուտբոլիստներից 17-րդը, ով իր ակումբային կարիերայի ընթացքում պաշտոնական մրցումներում հատեց 400-րդ խաղի սահմանագիծը: Իսկ ահա արտերկրի ակումբներում անցկացրած խաղերի քանակով Հենրիխը յուրօրինակ ռեկորդակիր է: Արտասահմանյան 4 ակումբների կազմում Մխիթարյանն ընդհանուր առմամբ 308 խաղ է անցկացրել:

400-ի խորհրդանշական ակումբի անդամների ցանկը գլխավորում է հայկական ֆուտբոլի անվանի վետերաններից մեկը՝ Սարգիս Հովսեփյանը, ով 1992-2012թթ. ընթացքում «Փյունիկի», Սանկտ Պետերբուրգի «Զենիթի» և Մոսկվայի «Տորպեդո-Մետալուրգի» կազմում ընդհանուր առմամբ 651 խաղ է անցկացրել:

VivaroNews.am-ը ներկայացնում է ակումբային մակարդակով (միայն բարձրագույն խմբի թիմերում) պաշտոնական մրցումներում 400 և ավելի խաղ անցկացրած ֆուտբոլիստների ցուցանիշները: Դրանք ներառում են ՀՀ առաջնություններում (Ա), ՀՀ գավաթի (Գ), Սուպերգավաթի (Ս), եվրոգավաթների (Ե) և ԱՊՀ երկրների «Համագործակցության գավաթի» (ԱՊՀ) խաղարկություններում, ինչպես նաև արտերկրի ակումբներում (ԱԵ) անցկացրած պաշտոնական խաղերը:

Ֆուտբոլիստներ Ա Գ Ս Ե ԱՊՀ ԱԵ ԸՆԴ
1.Սարգիս Հովսեփյան 365 66 3 26 13 178 651
2.Հովհաննես Թահմազյան 461 83 6 20 6 576
3.Արթուր Քոչարյան 357 67 1 11 2 82 520
4.Տիգրան Դավթյան 409 62 3 31 505
5.Համլետ Մխիթարյան 192 44 2 18 7 231 494
6.Կարեն Ալեքսանյան 324 52 4 21 10 80 491
7.Արթուր Ոսկանյան 254 43 3 16 6 123 445
8.Գևորգ Կասպարով 294 45 4 20 10 59 432
9.Արթուր Պետրոսյան 214 45 2 8 6 155 430
10.Արամ Ոսկանյան 216 46 2 9 155 428
11.Արարատ Հարությունյան 336 68 3 17 3 427
12.Աղվան Մկրտչյան 271 50 5 32 19 49 426
13.Դավիթ Գրիգորյան 299 47 2 15 3 54 420
14.Կարեն Դոխոյան 205 30 1 12 3 164 415
15.Արսեն Ավետիսյան 329 62 3 14 7 415
16.Ալեքսանդր Թադևոսյան 275 42 3 21 13 58 412
17.Հենրիխ Մխիթարյան 70 15 1 6 308 400

Աշոտ Հայրապետյան

Միացի՛ր հայկական ամենասպորտային Instagram-ին:


Ֆոնսեկա. «Մխիթարյանի մասնակցության վերաբերյալ կասկածներ ունեմ»

«Ռոմայի» հավանական մեկնարկային կազմը «Ուդինեզեի» հետ խաղում

Բոլոր ճանապարհները բերեցին Հռոմ. Ինչու Մխիթարյանը ճիշտ վարվեց՝ մնալով «Ռոմայում» ու հեռանալով «Արսենալից»

Ամեն ինչ դեռ առջևում է. Մխիթարյանի բոլոր գոլերն ու գոլային փոխանցումները «Ռոմայում» (տեսանյութ)

Մխիթարյանը կխզի պայմանագիրը «Արսենալի» հետ

«Մանչեսթեր Յունայթեդը» վստահ առավելության հասավ «Բրայթոնի» նկատմամբ (տեսանյութ)

Մխիթարյան․ «Ուզում ենք՝ «Ռոման» լինի թոփ-ակումբ, ունենա հաղթանակներ և նվաճի տիտղոսներ»

«Միշտ ուզում ենք «Ռոմայում» տեսնել Միկիի պես ֆուտբոլիստների»․ Ակումբի գլխավոր տնօրեն

«Ռոման» պաշտոնական հայտարարություն է տարածել Հենրիխ Մխիթարյանի ապագայի վերաբերյալ

Մխիթարյանը և թիմակիցները նախապատրաստվում են «Ուդինեզեի» դեմ խաղին (լուսանկարներ)

Հենրիխ Մխիթարյանի գործողություններն ընդդեմ «Միլանի» (տեսանյութ)

Մխիթարյանը՝ 21-րդ դարում ամենաշատ գոլային փոխանցում կատարած ֆուտբոլիստների ցանկում

Աղբյուր. Մխիթարյանը կմնա «Ռոմայում» մինչև օգոստոս

Կայացել է Անգլիայի գավաթի կիսաեզրափակիչ փուլի վիճակահանությունը

Մխիթարյանի ելույթի գնահատականը «Միլանի» դեմ խաղում

«Միլանը» հաղթեց «Ռոմային», Մխիթարյանը մասնակցեց հանդիպմանը (տեսանյութ)