Հենրիխ Մխիթարյան. «Չեմ կարծում՝ «Ռոմա» տեղափոխությունը նահանջ քայլ է» - VNews
Բաժիններ

Հենրիխ Մխիթարյան. «Չեմ կարծում՝ «Ռոմա» տեղափոխությունը նահանջ քայլ է»

Հայաստանի ազգային հավաքականի ավագ Հենրիխ Մխիթարյանը վերադարձել է Իտալիա: Այս րոպեներին ընթանում է մեր ֆուտբոլիստի առաջին ասուլիսը` որպես «Ռոմայի» ֆուտբոլիստ: Մխիթարյանը պատասխանում է լրագրողների հարցերին:

«Ես ցանկացած դիրքում ինձ լավ եմ զգում: Կարևորն այն կապված լինի հարձակման ու արդյունավետության հետ: Իմ դիրքը, իհարկե, ենթահարձակվողի դիրքն է: Այնտեղ ես ինձ ավելի ազատ եմ զգում: Սակայն եզրերից էլ եմ սիրում խաղալ: Ընդ որում՝ տարբերություն չկա՝ ձախից, թե աջից: Ես նախըտրում եմ խաղալ հարձակմանը մոտ: Վերջնական որոշումը մարզիչն է կայացնում:

Այնպես ստացվեց, որ նախորդ շաբաթվա ընթացքում Երևանում հանդիպեցի իմ ներկա թիմակիցներին: Իտալիայի հետ խաղից հետո մենք առաջին անգամ հանդիպեցինք Ֆլորենցիին, զրուցեցինք խաղի, «Ռոմայի» մասին: Այնուհետև մի քանի օր անց խաղի ու ակումբի գործերի մասին զրուցեցինք Ջեկոյի հետ, անգամ այսօր մարզմանը, քննարկեցինք խաղը, դրվագները: Բայց հավաքականն արդեն անցյալում է, հիմա ակումբի մասին ենք մտածելու:

Հավաքականում ես խաղում եմ ենթահարձակվողի դիրքում, ազատ եմ գործում, բայց խաղի վերջում ես փորձում եմ խաղալ հարձակվողի դիրքում, որ գոլ խփեմ, հաջողություն բերեմ հավաքականին: Անգլիայում հիմնականում կառուցող դեր էի կատարում, կապող օղակ էի պաշտպանության ու հարձակման միջև, դրա համար էլ արդյունավետ չէի: Ես ուրախանում եմ, երբ գոլ եմ խփում կամ գոլային փոխանցում եմ կատարում: Դրանից եմ հաճույք ստանում:

Ես հետևում էի «Շախտյորի» ելույթներին Չեմպիոնների լիգայի նախորդ խաղարկության խաղերին: Ես իհարկե, չեմ հետազոտել խաղը առավել ուշադրությամբ, սակայն կարող եմ ասել, որ տպավորված եմ թիմի հարձակվողական ներուժով: Նրանք մեծ թիմերի նկատմամբ հաղթանակներ տարան: Հուսամ՝ Ֆոնսեկան կբերի իր հետ հաղթանակներ ու մենք կուրախացնենք երկրպագուներին:

Ես շատ նամակներ եմ ստացել «Ռոմայի» ֆաներից, նրանք ուրախ էին, ես էլ եմ ուրախ գալու համար: Հիմա կարևորը «Ռոման» է, ես չեմ վախենում ճնշումից, ես միշտ եմ եղել ճնշման տակ: Թոփ խաղացողը չպետք է դրանից խուսափի, չվախենա ճնշումից կամ քննադատությունից, ես 30 տարեկան եմ ու գիտեմ՝ ինչպես հաղթահարեմ այդ ամեն ինչը:

Ես ընտրեցի «Ռոման» որովհետև դա մեծ հնարավորություն է ցույց տալու իմ ունակությունները: Ամեն ինչ եղել է շատ արագ: Զանգ եմ ստացել իմ գործակալից, և նա ասել է, որ պետք է շտապեմ Հռոմ: Ոչինչ չեմ քննարկել: Գումարի մասին անգամ խոսք չի գնացել: Եկել եմ այստեղ նոր մարտահրավերի համար:

Նախ, ես լքեցի Անգլիան ու այլևս չեմ ցանկանում խոսել դրա մասին: Ես չեմ կարծում, որ «Ռոմա» տեղափոխվելով նահանջ քայլ եմ կատարել: Այն մեծ թիմ է՝ մեծ պատմությամբ, հույս ունեմ այստեղ կհարմարվեմ: Երևի չհարմարվեցի Անգլիային ու անգլիական ֆուտբոլին: Ինձ համար կապ չունի՝ որտեղ ես խաղում, կարևորը հաճույք ստանաս, «Արսենալում» վերջին 1 ամիսը ես երջանիկ չէի, դրա համար եկա այստեղ երջանիկ լինելու ու հաճույք ստանալու համար», – ասել է Մխիթարյանը:

Հենրիխ Մխիթարյանը առաջին մարզումն է անցկացրել «Ռոմայի» հետ (լուսանկար)

Միացի՛ր հայկական ամենասպորտային Instagram-ին:


«Արսենալ». Բոլոր տրանսֆերներն այս ամառ

Լակազետը կարող է կարիերան շարունակել Իտալիայում

«Ռոման» մտադիր է հրաժեշտ տալ 2 ֆուտբոլիստի

«Նրա հնարամտությունն ու դինամիզմը «Ռոմային» ԵԼ ուղեգիր տվեցին». Մխիթարյանն ու մրցաշրջանի կարևորագույն խաղերը

Ա Սերիա․ Մխիթարյանը «Ռոմայի» ամենաշատ գոլային պահեր ստեղծած ֆուտբոլիստների թվում է

Ա Սերիա․ Մխիթարյանը «Ռոմայի» ամենաշատ հարված կատարած ֆուտբոլիստների եռյակում է

Աղբյուր․ Հայտնի է՝ «Արսենալը» երբ կհայտարարի Վիլիանի հետ պայմանագիր կնքելու մասին

Պոչետինոն կարող է դառնալ Մխիթարյանի մարզիչը

Մխիթարյանը համաձայնության է հասել «Ռոմայի» հետ ու ևս մեկ տարի կխաղա Հռոմում

«Արսենալի» պահեստայինից՝ «Ռոմայի» առաջատար. Մխիթարյանի վերածնունդի մրցաշրջանը

«Ռոմա»․ Բոլոր տրանսֆերներն այս ամառ

Մխիթարյանի գնահատականները՝ «Սևիլիայի» դեմ խաղում

Հենրիխ Մխիթարյան. «Փորձեցինք ցույց տալ մեր լավագույն որակները, բայց չստավեց»

Ինչպես Ջանլուկա Մանչինին հեռացվեց խաղադաշտից ավելացված ժամանակի 10-րդ րոպեին (տեսանյութ)

ԵԼ․ Մխիթարյանն ու «Ռոման» լքում են պայքարը, «Բայերը» քառորդ եզրափակիչում է (տեսանյութ)

«Ռոման» առաջին կեսից հետո պարտվում է, «Բայերի» խաղում հաշիվը չի բացվել (տեսանյութ)