fbpx

Հենրիխ Մխիթարյանը հեղինակավոր FourFourTwo-ին պատմել է իր կարիերայի ամենահիշարժան դրվագների մասին (տեսանյութ)

Հայաստանի հավաքականի և «Արսենալի» կիսապաշտպան Հենրիխ Մխիթարյանը FourFourTwo-ի հետ համար լուսանկարվել է և պատմել իր կարիերայի ամենահիշարժան դրվագների մասին: Հայ ֆուտբոլիստը պատմել է, թե ինչպես է հոր շնորհիվ սիրահարվել  ֆուտբոլին և առաջին քայլերը կատարել: Մխիթարյանը հիշել է իր կարիերայի ուկրաինական տարիները, խոսել «Բորուսիայում» ունեցած դժվարությունների մասին, Անգլիայի Պրեմիեր լիգա տեղափոխվելու իր երազանքի մասին և վերջում ընդգծել, որ նա Ալեքսիս Սանչեսի գործարքի մաս չի կազմել:

Ներկայացնում ենք հարցազրույցի թարգմանված տարբերակը:

«Իմ առաջին ֆուտբոլային հիշողությունը՝ հորս ֆուտբոլ խաղալն էր: Նա ֆուտբոլիստ էր և իմ շարժիչ ուժն է: Նրա պատճառով ես սկսեցի զբաղվել ֆուտբոլով, փորձում էի կատարյալ խաղացող դառնալ: Բայց այդ ժամանակ ես չէի կարողանում լիարժեք հասկանալ, թե ով է նա ինձ համար: Բայց նրա մահվանից հետո, երբ ես վերադարձա Երևան, նրա մասին խոսակցություններից հասկացա, թե ինչպիսի լավ ֆուտբոլիստ և մարդ է եղել նա: Ես գնացի Բրազիլիա 13 տարեկան հասակում: Այդ ժամանակ հեշտ չէր տնից հեռու լինելոը:

Ես ինձ հարց էի տալիս, թե արդյոք ցանկանում եմ ֆուտբոլիստ դառնալ: Ես Բրազիլայում ունեի թիմակիցներ, որոնք Հայաստանից էին և կար 1 հայ մարզիչ: Դա հետաքրքիր փորձ էր, քանի որ լրիվ այլ մշակույթ էր իրենից ներկայացնում: Նրանց մարզումները նույնպես տարբերվում էին: Ես Բրազիլիայում դպրոց էի գնում, որպեսզի պորտուգալերեն սովորեմ: Այդ ժամանակ տեսնում էի Բրազիլիայի և Հայաստանի մշակույթների տարբերությունը: Ուկրաինայում իմ առաջին թիմը Դոնեցկի «Մետալուրգն» էր, որի կազմում խաղում էր բրազիլացի Ֆաբինյոն: Պորտուգալացի ֆուտբոլիստներ նույնպես կային թիմում: Նրանց հետ փորձում էի պորտուգալերեն խոսել, սակայն հեշտ չէր, քանի որ ես մոռացել էի պորտուգալերենը:

Բացի այդ, նրանք լրիվ այլ կերպ էին խոսում: Ես փորձում էի հիշել բոլոր բառերը և դրանք իմ բառապաշարի մեջ մտցնել: Հետո, երբ գնացի Շախտյոր, ամեն ինչ ավելի հեշտ դարձավ: «Շախտյորում» 12 բրազիլացի կար և դու ցանկացած պարագայում պետք է շփվեիր նրանց հետ, իսկ դրա համար պետք էր պորտուգալերենին տիրապետել: Ես չէի մտածում, որ «Շախտյորում» կկարողանամ ռեկորդ գրանցել: Թիմը հարձակվողական ֆուտբոլ էր ցուցադրում և չուներ լուրջ մրցակիցներ: Այնտեղ գոլ խփելը հեշտ էր: Պետք էր պարզապես ճիշտ պահին ճիշտ տեղում հայտնվել: Ես խաղում էի այնպիսի ֆուտբոլիստների հետ, ինչպիսիք են Դուգլաս Կոստան, Վիլիան, Ֆերնանդինյոն և Լուիս Ադրիանոն: Բորուսիա տեղափոխվելուց հետո ես ինձ վրա մեծ ճնշում էի գործադրում:

Հետևե՛ք VNews.am-ին նաև Youtube-ում, Instagram-ում և Telegram-ում:

1 2

«Ես պատրաստ եմ կրկին աշխատել». Վենգերը պատմել է՝ երբ է վերադառնալու մարզչական գործունեությունը

Մարկոսի ցուցանիշը, Մովսիսյանի հոբելյանական գոլը և Հայրապետյանի փայլուն վիճակագրությունը

«Ալեքսանդրը դամբարանում 4 անգամ շուռ եկավ». Հայաստան-Մակեդոնիա խաղի գնահատականները

«Արսենալի» պաշտոնական էջը անդրադարձել է Հենրիխ Մխիթարյանի ելույթին ազգային հավաքականում

«Արսենալը» և ՊՍԺ-ն հետևում են «Ատլետիկոյի» կիսապաշտպանին

Ֆաբրեգասը կարող է վերադառնալ Իսպանիա

ՊՍԺ-ն հրաժեշտ կտա իր առաջատար կիսապաշտպանին

«Տոտենհեմը» դիտարկում է նոր գլխավոր մարզչի թեկնածուի

«Մանչեսթեր Յունայթեդը» կբարձրացնի իր պաշտպանի աշխատավարձը

«Հեփի Բդեյ»․ Մեսութ Օզիլի կարիերայի լավագույն գոլերից մեկը, եթե ոչ լավագույնը (տեսանյութ)

«Մանչեսթեր Յունայթեդի» հարձակվողը պատրաստ է տեղափոխվել Իտալիա

Զլատան Իբրահիմովիչն ու Մինո Ռայոլան առայժմ բանակցություններ չեն սկսել

Ժոզե Մոուրինյոն «Մանչեսթեր Յունայթեդի» համար ցանկանում է ձեռք բերել 4 ֆուտբոլիստի

ՊՍԺ-ն սկսել է հետաքրքրվել «Մանչեսթեր Յունայթեդի» աստղով

Լորան Կոսյելնին ասել է, թե որն է Ֆրանսիայի հավաքականից հեռանալու իրական պատճառը

Մխիթարյան VS Մովսիսյան, և հավաքականի ձախողման շուրջ մյուս մտքերը