«Հոֆենհայմը» հաղթեց խոշոր հաշվով, Սարգիս Ադամյանը մասնակցեց մրցավեճին (տեսանյութ)

Խաղի մանրամասները

Գերմանիա, Բունդեսլիգա, Խմբային Փուլ 22 տուր

21 Փետրվար 2021 - 21:00

4

ՏՍԳ 1899 Հոֆենհայմ

0

Վերդեր Բրեմեն

1 - 0 Իլա Բեբու - 26`

2 - 0 Քրիստոֆ Բաումգարտներ - 44`

3 - 0 Մունաս Դաբուր - 49`

4 - 0 Ժորժինյու Ռյուտեր - 90`

Հայաստանի ազգային հավաքականի հարձակվող Սարգիս Ադամյանը փոխարինման է մտել հանդիպման 81-րդ րոպեին:

27-ամյա ֆուտբոլիստը Բունդեսլիգայի ընթացիկ առաջնությունում անցկացրել է 10 խաղ (բոլոր դեպքերում էլ փոխարինման է մտել)՝ դառնալով 1 գոլի ու 2 արդյունավետ փոխանցման հեղինակ:

«Հոֆենհայմը» 22 մրցավեճից հետո վաստակել է 26 միավոր և զբաղեցնում է 11-րդ հորիզոնականը:

«Վերդերը» 21 հանդիպումից հետո ունեցած 23 միավորով 12-13-րդ տեղերն է կիսում նույնքան միավոր իր ակտիվում գրանցած «Աուգսբուրգի» (22 մրցավեճ) հետ:

«Հոֆենհայմին» չէր հաջողվել հաղթանակ տոնել Բունդեսլիգայում իր նախորդ 3 խաղում՝ գրանցելով 1 ոչ-ոքի, 2 պարտություն:

«Վերդերը» չի հաղթել առաջնությունում իր վերջին 3 հանդիպումներում՝ գրանցելով 2 ոչ-ոքի, 1 պարտություն: Բրեմենյան թիմը Բունդեսլիգայում վերջին հաղթանակին հասել է հունվարի 23-ին, երբ 18-րդ տուրում հյուրընկալվելիս 4-1 հաշվով առավելության է հասել «Հերտայի» նկատմամբ:

Այս թիմերի միջև ներքին առաջնությունում կայացած վերջին 5 մրցավեճում 3 անգամ հաղթել է «Հոֆենհայմը», 1 անգամ՝ «Վերդերը», 1 դեպքում գրանցվել է ոչ-ոքի:

Դորտմունդի «Բորուսիան» ջախջախեց «Շալկեին», Հալանդը՝ չքնաղ գոլի հեղինակ (տեսանյութ)

Միացի՛ր հայկական ամենասպորտային Instagram-ին: