Հովիկ Հայրապետյանը շարունակեց հաղթարշավը

Հայաստանի շախմատի ակադեմիայում ընթացող Անդրանիկ Մարգարյանի 11-րդ հուշամրցաշարի 3-րդ տուրն էլ հաղթական էր միանձնյա առաջատար Հովիկ Հայրապետյանի համար:

Հայ գրոսմայստերը շարունակելով հաղթարշավը, պարտության մատնեց իրանցի Բարդիա Դանեշվարին: Հովիկ Հայրապետյանը 3 միավորով շարունակում է վստահորեն գլխավորել մրցաշարային աղյուսակը:

Առաջատարից կես միավոր է հետ մնում Ռուդիկ Մակարյանը, որն առավելության հասավ Արմեն Բարսեղյանի նկատմամբ: Վերջինս 3-րդ անընդմեջ պարտությունը կրեց:

2-ական միավորով հաջորդ տեղերում են  Սերգեյ Լոբանովն ու Լևոն Բաբուջյանը: Լոբանովը հաշտություն կնքեց Դենիս Լազավիկի հետ, իսկ Բաբուջյանը հաղթեց Մամիկոն Ղարիբյանին:

Վերջապես առաջին միավորը վաստակեց մրցաշարի գեղեցիկ սեռի միակ ներկայացուցիչ Աննա Սարգսյանը՝ պարտության մատնելով Արման Միքայելյանին:

Հովիկ Հայրապետյանը ստանձնեց միանձնյա առաջատարի դերը

Միացի՛ր հայկական ամենասպորտային Instagram-ին: