Իբրա-Կադաբրա. Զլատանի 10 լավագույն գոլերը. (Տեսանյութ) - VNews
Բաժիններ

Իբրա-Կադաբրա. Զլատանի 10 լավագույն գոլերը. (Տեսանյութ)

Զլատանի և լավ գինու մասին մասին համեմատություններից արդեն նավթալինի հոտ է գալիս: Ցանկալի է՝ ինչ-որ նոր բան մտածել: Սակայն, ամեն անգամ այդ մասին մտածելուց մարդու ուղեղի վրա կոշտուկներ են առաջանում: Նա 38 տարեկան է, 38-ում դուք գուցե երկրորդ փորձից նոր ոտքի կանգնեք բազմոցից, կամ ալարեք ոտքով բարձրանալ ձեր շենքի 12-րդ հարկ: Իսկ նա 38 տարեկանում գոլեր է խփում: Այն էլ ինչպիսին: Ահա այսպիսին:

Z-Կլասիկ. Իբրահիմովիչի սուպերգոլը չփրկեց «Լոս Անջելես Գելեքսիին» պարտությունից (տեսանյութ)

Այո, գուցե Զլատանը չունի Չեմպիոնների լիգա, ոմանց նման լացուկոծ չի դնում «Ոսկե գնդակ» չստանալու համար: Նա ինքն իրեն ավելի բարձր է համարում դրանից: Շվեդ ֆուտբոլիստն անկասկած հոգու խորքում երազում էր նվաճելու ՉԼ-ն ու անհատական ամենակարևոր պարգևը ֆուտբոլում, սակայն Եվրոպայում մեծ աղմուկ հանելուց ու լուրջ պարգևի չհասնելուց հետո որոշեց թքել ամեն ինչի վրա, կտրել օվկիանոսը և ուժերը փորձել լրիվ այլ միջավայրում:

Լրիվ նոր առաջնությունն ու անծանոթ խաղամակարդակը նրան չխանգարեցին մնալ ամենահետաքրքիրն ու շլացուցիչ գոլեր խփել: Հարգանքի տուրք տալով մեծանուն ֆուտբոլիստին, որոշեցինք առանձնացնել նրա կարիերայի լավագույն 10 գնդակները: Սակայն հավատացեք, ավելի քան 500 գոլից առնվազն 70-ն արժանի են առանձնահատուկ վերաբերմունքի: Մեր տարբերակն այսպիսին է:

Զլատան VS Իտալիա

2004 թվականը եվրոպական ֆուտբոլում բացահայտումների տարի էր: Ավարտական մրցաշրջանի արդյունքում Չեմպիոնլիգյան «լոշտակը» խաղարկում էին «Մոնակոն» ու «Պորտուն», իսկ Պորտուգալիայում կայացած Եվրոպայի առաջնությունում ոսկե մեդալները նվաճեց Հունաստանի հավաքականը: Հին մայրցամաքի ֆուտբոլային ստուգատեսին իրեն դրական կողմից դրսևորեց Շվեդիայի հավաքականը (Դանիայի հետ խայտառակությունը չհաշված), ու հատկապես երիտասարդ հարձակվող Զլատան Իբրահիմովիչը:

23-ամյա ֆուտբոլիստը Եվրոյի ընթացքում դարձավ թիմի առանցքային ֆուտբոլիստը, իսկ Իտալիայի հավաքականի հետ դրամատիկ հանդիպման վերջնամասում նրա խփած գնդակը դարձավ մրցաշարի ամենագեղեցիկներից մեկը՝ դառնալով Զլատանի այցեքարտը: Իբրան խառնաշփոթ իրավիճակում ցատկ կատարեց ու առանց դարպասին նայելու, կրկնով անկասելի հարված կատարեց:

Զլատան VS ՆԱԿ Բրեդա

2004 թվականի ընթացքում Իբրահիմովիչը տպավորեց բոլոր տեսանկյուններից: Եվրոյի ընթացքում նրա ցուցադրած խաղը գրավեց եվրոպական թոփ թիմերի ուշադրությունը: Հաղորդվում էր, որ 2004-ին շվեդ հարձակվողի համար «Ռեալը» պատրաստ է վճարել 70 միլիոն եվրո: Պարզ էր՝ տաղանդավոր ֆուտբոլիստն «Այաքսում» երկար չի մնալու…

2004 թվականի օգոստոսի 22-ին, երբ դեռ Զլատանը խաղում էր «Այաքսում» և տրանսֆերային պատուհանը բաց էր, նա խփեց իր կարիերայի լավագույն անհատական գոլերից մեկը: ՆԱԿ-ի խեղճ պաշտպաններն ու դարպասապահն ամեն կերպ փորձեցին փրկել իրենց թիմին, սակայն հանճարը մնում է հանճար:

Զլատան VS «Ֆիորենտինա»

Զատան Իբրահիմովիչը ոչ միայն գերազանց է իրեն դրսևորում անհատական մրցապայքարում ու լավ է ցատկում օդում, այլև տուգանայինների մեծ վարպետ է: Ունենալով աստվածատուր գերազանց տվյալներ՝ Զլատանը հուժկու հարվածների է տիրապետում ինչպես հարազատ աջ, այնպես էլ «հարևանի» ձախ ոտքով: Դրանում առիթ են ունեցել համոզվելու մի շարք փորձառու դարպասապահներ:

2009-ի մարտի 15-ին Զլատանն իր այդ փորձառուների շարքում ավելացրեց նաև ֆրանսիացի Սեբաստիան Ֆրեյին: «Ֆիորենտինայի» դարպասապահը «Ինտերի» հետ հանդիպման վերջին վայրկյաններին ստիպված էր պատ կազմել իր ֆուտբոլիստներից՝ մրցակցի տուգանային հարվածից պաշտպանվելու համար: Սակայն տեսանյութը ցույց է տալիս, որ անգամ եթե ամբողջ Ֆլորենցիան էլ գար օգնության, Զլատանի հարվածը բառի բուն իմաստով «կծակեր անծակ պատը»՝ 110 կմ/ժ արագությամբ:

Միացի՛ր հայկական ամենասպորտային Instagram-ին:

1 2 3

Ինիեստան իդեալական ֆուտբոլիստ է կազմել այն խաղացողներից, որոնց հետ ելույթ է ունեցել

Իտալիայի գավաթի կիսաեզրափակիչի ու եզրափակիչի ժամանակացույցը

Հիգուայինը վնասվածք է ստացել մարզման ժամանակ

Աղբյուր. Մեսին վնասվածքի պատճառով կարող է բաց թողնել 10 օր

ՊՍԺ-ն նոր գին է սահմանել Նեյմարի համար

Լուկակուն ԱՄՆ-ում կատարվածից հետո նամակով դիմել է սևամորթներին

Մեսին չի մասնակցել ընդհանուր խմբով մարզմանը

«Բարսելոնայի» ֆուտբոլիստը մերժել է «Լիվերպուլին»

Կրիշտիանու Ռոնալդուն ժամանել է «Յուվենտուսի» մարզմանը դրա մեկնարկից 4 ժամ առաջ

«Բարսելոնան» Պիկեին փոխարինողին փնտրում է «Մանչեսթեր Սիթիում»

Դեմբելեն ցանկանում է տեղափոխվել Իտալիա

Հայտնի է՝ որքան է կազմելու Լաուտարոյի աշխատավարձը «Բարսելոնայում»

Տեր Շտեգենը՝ «Բարսելոնայից» հեռանալու շշուկների մասին

Ալբան ոչ միանշանակ է արտահայտվել Նեյմարի վերադարձի վերաբերյալ

Տոդիբոն վերադառնալու է «Բարսելոնա»

«Բարսելոնայի» 5 ֆուտբոլիստի կորոնավիրուսի թեստը դրական է եղել