fbpx

Ինչպես Հայաստանն ու Ադրբեջանը ֆիններին զրկեցին ուղեգրից. Դիմակայության պատմությունը Ֆինլանդիայի հավաքականի հետ

Խաղի մանրամասները

Եվրոպա, ՈւԵՖԱ Եվրոպայի առաջնություն, Որակավորման Փուլ 2 տուր

26 Մարտ 2019 - 21:00

0

Հայաստան

2

Ֆինլանդիա

0 - 1 Ֆրեդրիկ Յենսեն - 14`

0 - 2 Պյուրյու Սոյրի - 78`

Ֆինլանդիայի ընտրանու հետ Հայաստանի հավաքականի դիմակայությունն ավելի հարուստ պատմություն ունի՝ միանգամից 2 ընտրական փուլեր, ընդ որում՝ իրար հետևից:

Սեպտեմբերի 8, 2004 թ, Աշխարհի Առաջնություն, ընտրական փուլ

Հայաստան 0-2 Ֆինլանդիա

Գոլերը՝  1-0՝ Երեմենկո՝ 23’, 2-0՝ Ֆորսել՝ 68’

Հոկտեմբերի 9, 2004 թ, Աշխարհի Առաջնություն, ընտրական փուլ

Ֆինլանդիա 3-1 Հայաստան

Գոլերը՝  1-0՝ Կուկի՝ 8’, 2-0՝ Երեմենկո՝ 28’, 2-1՝ Շահգելդյան՝ 32’, 3-1՝ Կուկի՝ 87’

Եթե բոսնիացիների հետ մեր պայքարը միայն Աշխարհի առաջնության ընտրական փուլերում է եղել, ապա Ֆինլանդիայի ընտրանու հետ ճանապարհները հատվել են նաև Եվրոպայի առաջնության խմբային փուլ դուրս գալու համար պայքարում։

Այս տարիներին Ֆինլանդիայի հավաքականում իրենց փայլուն խաղով աչքի էին ընկնում Յարի Լիտմանենն ու Սամի Հյուպիան։ Երիտասարդ տարիներն անցկացնելով «Լիվերպուլի» ու «Բարսելոնայի» նման ակումբներում՝ Լիտմանենն այս տարիներին արդեն ավարտել էր իր եվրոպական ճամփորդությունը և խաղում էր առավել համեստ ակումբում՝ ֆինլանդական «Լախտիում»։ Մինչդեռ Սամի Հյուպիայի համար սա ծաղկուն ժամանակաշրջան էր․ փայլուն ելույթներ անգլիական «Լիվերպուլի» կազմում և Չեմպիոնների լիգայի 2 եզրափակիչներ։ Կային նաև ԱՊԼ-ում կայուն խաղաժամանակ ստացող Միքայել Ֆորսելը և նախկին ԽՍՀՄ տարածքում աչքի ընկնող Ալեքսեյ Երեմենկոն: Այսօրվա Ֆինլանդիայի հավաքականը չի հիշեցնում նախկինը՝ ինչը պայմանավորված է թե՛ առաջատար ֆուտբոլիստների բացակայությամբ, թե, առհասարակ, թիմի խաղամակարդակով ու գրանցած արդյունքով։

Մինչդեռ, մեր հավաքականը ծանր տարիներ էր ապրում՝ հույսը դնելով 2000-ականների սակավաթիվ ֆուտբոլային ազգանունների վրա՝ Քարամյաններ, Հակոբյաններ, հավերժ թվացող Սարգիս Հովսեփյան և այլք: Ֆինների դեմ առաջին խաղում՝ դեռ 2004-ին, մեր հավաքականը մարտի դուրս բերեց նոր սերնդի առաջին հերոսին՝ 17-ամյա Էդգար Մանուչարյանին, որն ամիսներ անց հայտնվելու էր հոլանդական «Այաքսում»։

Հայաստանի հավաքականի հետ դիմակայության առաջին փուլում Ֆինլանդիան հեշտությամբ 6 միավոր ավելացրեց իր հաշվին, թեև ոչ մի շանս չուներ թիկունքում թողնելու առաջին դեպքում՝ Հոլանդիայի հավաքականին ու նվաճելու ԱԱ 2006-ի ուղեգիր։ Ի դեպ, Ֆինլանդիան երբեք էլ չի խաղացել մեծ մրցաշարում:

Հոկտեմբերի 7, 2006թ, Եվրոպայի Առաջնություն, ընտրական փուլ

Հայաստան 0-0 Ֆինլանդիա

Նոյեմբերի 11, 2006թ, Եվրոպայի Առաջնություն, ընտրական փուլ

Ֆինլանդիա 1-0 Հայաստան

Գոլը՝  1-0՝ Նուրմելա՝ 10’

 

Հաջորդ, 2008թ. Եվրոպայի առաջնության ընտրական փուլում Ֆինլանդիայի հավաքականը անուններով շարունակում էր բացահայտ առավելություն պահել մեր թիմի նկատմամբ, բայց եթե Բեռնար Կազոնին ուղղակի հաշտվեց այդ անհավասարության հետ, ապա Յան Պորտերֆիլդը կարողացավ արժանի դիմակայություն ապահովել մրցակցի դեմ՝ պոկելով առաջին միավորը ֆիններից ու բաց թողնելով միայն 1 գնդակ: Ուշագրավն այն էր, որ այդ ժամանակ հավաքականում չկային աստղեր, բայց թիմը կայուն ու վստահ խաղ էր ցույց տալիս: Մեր հավաքականը հաղթանակներ էր տոնում Լեհաստանի, Ղազախստանի դեմ խաղերում, իսկ Պորտուգալիայի ընտրանու դեմ խաղում, որի կազմում էր նաև Կրիշտիանու Ռոնալդուն, խփված 1-ական գնդակներով գրանցել ենք  ոչ-ոքի արդյունք։

Հետաքրքիր էր նաև այն, որ մեր հավաքականը կարողացավ միավոր պոկել Ֆինլանդիայից այն ժամանակ, երբ մրցակիցը շատ ավելի լավ էր հանդես գալիս: Ֆինլանդիային ընդամենը 3 միավոր բաժանեց ԵՎՐՈ 2008-ի եզրափակիչ մրցաշարից, մինչդեռ նախորդ ընտրական փուլում նրանք գրավել էին 4-րդ տեղը առանց որևէ շանսի: Այդ անգամը ֆինները Լեհաստանի ու Պորտուգալիայի նման հակառակորդներից վաստակեցին ընդհանուր առմամբ 6 միավոր՝ չկրելով ոչ մի պարտություն այս գիգանտներից, մինչդեռ Հայաստանի հետ ոչ-ոքին ու Ադրբեջանից կրած պարտությունը իսկական դրամայի վերածեց ընտրական փուլը՝ զրկելով նրանց ուղեգրից:

Նելլի Մելքոնյան

Հետևե՛ք VNews.am-ին նաև Youtube-ում և Instagram-ում:


«Դիեգո Ռոսի Մարաշլյանի հարցը այս պահին փակ է». Արմեն Մելիքբեկյան

«Փյունիկ» – «Լոռի» հանդիպումն ընդհատվեց երկրպագուների ակցիայի հետևանքով (տեսանյութ)

Արթուր Վանեցյան. «Ազգային հավաքականի գլխավոր մարզչի փոփոխություն չի նախատեսվում» (տեսանյութ)

Արամ Հայրապետյան. Մոռացված տղայից մինչև հավաքականի փրկիչ (տեսանյութ)

Ինչո՞ւ եք զայրանում, հավաքականի առջև որևէ խնդիր դրված չէ

ՖԱՖ-ի երթը՝ Հայաստան – Ֆինլանդիա խաղից առաջ (տեսանյութ)

Հայաստանի հավաքականի վատագույն մեկնարկը ԵՎՐՈ-ի ընտրական փուլերում

Երևանյան ցրտաշունչ երեկոն՝ հավաքականի պարտության ուղեկցությամբ․ VNews-ի ֆոտոշարքը Հայաստան – Ֆինլանդիա խաղից

Արաս Օզբիլիս. «Այսօր մինչև վերջ փորձեցինք, բայց չստացվեց» (տեսանյութ)

Արամ Հայրապետյան. «Երևի պահերի իրացումը չբավականացրեց» (տեսանյութ)

Գևորգ Ղազարյան. «Մեզ պետք էր միայն հաղթանակ» (տեսանյութ)

Արմեն Գյուլբուդաղյանց. «Երիտասարդ մի շարք ֆուտբոլիստներ արդեն շանս են ստանում հավաքականում»

Ուղիղ. Արմեն Գյուլբուդաղյանցի մամուլի ասուլիսը Ֆինլանդիայից կրած պարտությունից հետո (տեսանյութ)

Ուղիղ. Ֆինլանդիայի գլխավոր մարզիչ Մարկու Կաներվայի հետխաղային մամուլի ասուլիսը (տեսանյութ)

Կրկին հիասթափություն․ Հայաստանի հավաքականը պարտվեց Ֆինլանդիայի ընտրանուն (տեսանյութ)

Մրցակիցը պատժեց․ Ֆինլանդիայի հավաքականը կրկնապատկեց իր առավելությունը (տեսանյութ)