Ինչպիսի՞ն կլիներ «Շիրակի» կազմը, եթե պահպաներ իր առաջատար ֆուտբոլիստներին - VNews
Բաժիններ

Ինչպիսի՞ն կլիներ «Շիրակի» կազմը, եթե պահպաներ իր առաջատար ֆուտբոլիստներին

VivaroNews.am-ն ընթերցողներին է ներկայացնում «Շիրակի» ներկայիս մեկնարկային օպտիմալ կազմի իր տարբերակը՝  հաշվի առնելով վերջին 10 մրցաշրջանների (2007-2016/17թթ.) ընթացքում թիմից հեռացած և այժմ այլ ակումբներում հանդես եկող առաջատար ֆուտբոլիստներին: Այսինքն, եթե մի պահ պատկերացնենք, որ նշված ժամանակահատվածում «Շիրակին» հաջողվել է  պահպանել իր առաջատար ֆուտբոլիստներին, ապա թիմը Հայաստանի ընթացիկ առաջնության գարնանային հատվածին կներկայանար հետևյալ օպտիմալ մեկնարկային կազմով:

Դարպասապահ

Անատոլի Այվազով – Վերջին տարիներին «Շիրակում» հաճախակի են փոխվել դարպասապահները: Նրանցից գյումրեցիների կազմում հուսալի խաղով առավել աչքի է ընկել Հայաստանի ազգային հավաքականի թեկնածու Անատոլի Այվազովը: Հայաստանում ֆուտբոլային կարիերան «Փյունիկում» սկսած և երկու մրցաշրջանների ընթացքում երկրի չեմպիոնի, գավաթակրի ու սուպերգավաթակրի տիտղոսներին արժանացած 20-ամյա դարպասապահը «Շիրակի» կազմում ընդգրկվեց նախորդ առաջնության ավարտից հետո:

Արդեն Եվրոպա լիգայի մրցաշարում Այվազովը ցուցադրեց իր վարպետությունը: Գորիի «Դիլայի» հետ պատասխան խաղում նա ոչ միայն անառիկ պահեց սեփական դարպասը, այլև աչքի ընկավ հետխաղյա 11մ հարվածաշարի ժամանակ՝ հետ մղելով Կվիրկվելիայի հարվածը:

Երիտասարդ դարպասապահը եվրոգավաթների մեկ խաղարկության ընթացքում անխոցելիության նոր ռեկորդ սահմանեց՝ 260 րոպե շարունակ դարպասն անառիկ պահելով: Նա գերազանցեց Չեմպիոնների լիգայի ընթացիկ խաղարկությունում փորձառու Գևորգ Կասպարովի ռեկորդային ցուցանիշը, ով 234 րոպե շարունակ գոլ բաց չէր թողել:

Հայաստանի ընթացիկ առաջնության աշնանային հատվածում էլ Անատոլի Այվազովը հուսալիորեն պաշտպանեց «Շիրակի» դարպասը՝ մեծապես նպաստելով թիմի հաջող մրցելույթներին: Առաջնության 17 հանդիպումներում Այվազովն ընդամենը 8 գոլ բաց թողեց, 9 խաղում դարպասն անառիկ պահեց:

Առաջնությունում էլ Այվազովը տարիքային նոր ռեկորդ սահմանեց: 20–ամյա դարպասապահը 2016թ. առաջնության հանդիպումներում 12 անգամ դարպասն անառիկ պահեց՝ գերազանցելով այդ տարիքում Կարեն Բաբայանի ռեկորդային ցուցանիշը (10 անառիկ):

Anatoly Aivazov

Ձախ պաշտպան

Աղվան Դավոյան – Վերջին տարիներին 26-ամյա ֆուտբոլիստն իր հուսալի խաղով վաստակել է թիմի մեկնարկային կազմում հանդես գալու իրավունքը: Նա անմնացորդ նվիրվում է խաղին, պայքարի մեջ մտնում մրցակիցների հետ: Պաշտպանությունից հարձակման անցնելիս էլ Աղվան Դավոյանն իր կարևոր դերակատարությունն ունի թիմում: Արագաշարժ ֆուտբոլիստը սիրում է միանալ գրոհող խաղընկերներին՝ դիմելով եզրային ճեղքումների:

Կենտրոնական պաշտպաններ

Բորիս Կադիո Դիդիե – Իվուարցի ֆուտբոլիստը «Շիրակում» առաջին խաղից սկսած իր հաստատուն տեղն էր զբաղեցրել թիմի պաշտպանության կենտրոնում՝ աչքի ընկնելով հուսալի խաղով, խաղընկերներին ժամանակին փոխօգնության գալով: Նա իրեն վստահ էր զգում նաև օդային պայքարում: Ընդամենը 1,5 մրցաշրջան հանդես գալով գյումրեցիների կազմում, Բորիս Կադիո Դիդիեն դարձել էր թիմի պաշտպանության հենասյուներից մեկը՝ թիմակիցների հետ արժանանալով Հայաստանի չեմպիոնի, գավաթակրի և սուպերգավաթակրի տիտղոսներին:

Միլոշ Ստամենկովիչ – Ֆիզիկական լավ տվյալներ ունեցող սերբ պաշտպանն «Արարատից» տեղափոխվելով «Շիրակ», թեև ընդամենը 2 մրցաշրջան հանդես եկավ գյումրեցիների կազմում, սակայն դարձել էր թիմի պաշտպանության հենասյուներից մեկը: Բարձրահասակ ֆուտբոլիստը հաճախ էր օդային պայքարում հաղթող դուրս գալիս մրցակցի խաղացողների հետ մենամարտում, ժամանակին փոխօգնության էր գալիս խաղընկերներին, իսկ «Շիրակի» ստանդարտ իրադրությունների իրացման ժամանակ տեղ էր զբաղեցնում մրցակցի տուգանային հրապարակում:

Աջ պաշտպան

Հրայր Մկոյան – Ֆուտբոլային առաջին քայլերը Գյումրիում կատարած Հրայր Մկոյանը թեև վերջին 10 տարիներին ընդամենը 3 մրցաշրջան է անցկացրել հարազատ ակումբի կազմում, սակայն իր հուսալի գործողություններով արժանի է «Շիրակի» մեկնարկային օպտիմալ կազմում ընդգրկվելուն: Հրայրը հաջողությամբ խաղացել է ինչպես կենտրոնական պաշտպանի գոտում, այնպես էլ պաշտպանության եզրերում՝ հարմար առիթը բաց չթողնելով գրոհների ժամանակ միանալու խաղընկերներին:

Միացի՛ր հայկական ամենասպորտային Instagram-ին:

1 2 3

Երևանի ազգային հավաքական. Ինչու Հայաստանի մարզերում ֆուտբոլիստներ չեն ծնվում

Հայկական ակումբները ստացել են ՈւԵՖԱ-ի «համերաշխության վճարները»

«Շիրակի» բժիշկը օգնում է պայքարել կորոնավիրուսի դեմ

Օգանան ընդամենը 9 ամսական էր, երբ Կասպարովը նորամուտը նշեց ՀՀ գավաթի մրցաշարում

Մինասյանը և Բիչախչյանը հետաքրքիր լուծումներ առաջարկեցին միմյանց․ ինչը դարձավ վճռորոշ նրանց թիմերի դիմակայությունում

«Արարատ-Արմենիան» ընթանում է նախորդ տարվա չեմպիոնական գրաֆիկի զգալի գերազանցմամբ

Վարդան Բիչախչյան․ «Կար զգացողություն՝ որ թիմն առաջինն իր պահերից մեկն օգտագործեր, նա էլ հաղթելու էր» (տեսանյութ)

Վարդան Մինասյան․ «Հավասար հանդիպում էր, ուղղակի մենք իրացրինք մեր գոլային պահը» (տեսանյութ)

Մեկ գոլը որոշիչ եղավ «Արարատ-Արմենիա» – «Շիրակ» խաղում, «Նոան» վճռորոշ մրցավեճում հաղթեց «Փյունիկին» (տեսանյութ)

«Արարատ-Արմենիա» – «Շիրակ»․ Մեկնարկային կազմեր, ուղիղ հեռարձակում (տեսանյութ)

Վճռորոշ խաղեր, որոնց ելքերը բախտորոշ կլինեն թիմերի համար. Ամենաուշագրավ փաստերը՝ ԲԽ-ի 17-րդ տուրին ընդառաջ

Տրանսֆերային ձմեռ-2020․ Բարձրագույն խմբի ակումբների ձեռքբերումները և կորուստները (թարմացվում է)

Բարձրագույն խմբի 16-րդ տուրի խորհրդանշական հավաքականը և լավագույն ֆուտբոլիստը

«Շիրակից» 458 օր պահանջվեց «Նոային» կրկին հաղթելու համար

«Շիրակը» տպավորիչ հաղթանակ տոնեց «Նոայի» նկատմամբ (տեսանյութ)

«Շիրակ» – «Նոա»․ Մեկնարկային կազմեր, ուղիղ հեռարձակում (տեսանյութ)