fbpx
Բաժիններ

Ինչպիսին էր Հայաստանի բասկետբոլի «ՆՈՐ» Ա լիգայի կանոնավոր առաջնության առաջին շրջանը

Այո՛, Ա լիգայի այս մրցաշրջանը շատ հանգիստ կարելի է անվանել «ՆՈՐ», քանի որ այն բացառապես տարբերվում է նախորդից։ Պետք է նախապես նշել, որ փոխվել է մասնակից թիմերի կազմը՝ «Ինժիներին», «Շիրակին» և «Գրանդ Սպորտին» այս մրցաշրջանում փոխարինել են «Էրեբունին» և «Արագածը»։ Ճիշտ է մասնակից թիմերի քանակը կրճատվել է, բայց ինչպես ասում են՝ որակը քանակից կարևոր է։ Ոչ մի կաթիլ չի նվազել լիգայի հետաքրքրությունը, դիտարժանությունը և մակարդակը՝ շնորհիվ երկու նոր թիմերի, որոնք իրենց որակներով ստիպեցին հնաբնակներին ևս լրջորեն փոխել մոտեցումները և վերաբերմունքը Ա լիգայի նկատմամբ։

«Արագածի» ու «Էրեբունու» կազմերը հարուստ են բարձրահասակ, ամրակազմ և ուժեղ լեգեոներներով, որոնք իրենց որակներով ու խաղային մակարդակով նոր թափք ու գեղեցկություն են հաղորդել մեր առաջնությանը։

«Արագածը», որը հաղթել է առաջին շրջանի բոլոր 5 խաղերում և վստահորեն գլխավորում է մրցաշարային աղյուսակը, խաղը սկսում է բացառապես լեգեոներներից հավաքված մեկնարկային կազմով` Փարսոնս, Գորդ, Կոնտե, Փեյն, Բարսուկով։ Լեգեոներների հենց այս խումբն էլ լուծում է խաղի ելքի հետ կապված բոլոր հարցերը և միայն դրանից հետո զիջում իր տեղը հայազգի բասկետբոլիստներին։

Լևոն Սարմազյան․ «Հաղթեցինք չեմպիոնի գլխավոր հավակնորդին»

«Էրեբունիում» դերերը մի փոքր այլ են։ Թիմի կորիզը նորից հանդիսանում են բարձրակարգ լեգեոներները, սակայն նրանց շատ են օգնում նաև երիտասարդ հայ բասկետբոլիստները, որոնք պարբերաբար փոխարինում են միմյանց և փորձում շփոթություն առաջացնել մրցակցի պաշտպանողական գործողություններում։ Հատկապես աչքի է ընկնում Մխիթար Վարդանյանը, որն իր կայծակնային արագության և ճկունության շնորհիվ երկրորդ շնչառություն է ակտիվացնում թիմի խաղում։

«Արթիկ Ման-Հոլդինգն» էլ իր հերթին ետ չի մնում նորեկներից։ Շիրակի մարզը ներկայացնող թիմը նույնպես համալրվել է նոր լեգեոներներով, և հին ու նոր դեմքերից կազմված թիմը ոչնչով չի զիջում այն «Արթիկին», որը նախորդ մրցաշրջանում հասավ մինչև եզրափակիչ, սակայն մի փոքր չբավականացրեց բաղձալի չեմպիոնական տիտղոսը նվաճելու համար։

Կազմի հետ կապված խնդիրներ զգացվում են «Արցախի» մոտ։ Թիմի լավագույն բասկետբոլիստը շարունակում է մնալ Ալբերտ Թադևոսյանը, որը նաև հանդիսանում է Հայաստանի հավաքականի առաջատարներից մեկը։ Բայց միևնույնն է, անգամ եթե Թադևոսյանը մեկ խաղում 47 միավոր է վաստակում, դա չի բավականացնում հաղթանակի հասնելու համար։ Ա լիգայի գործող չեմպիոնները դեռևս հաղթել են միայն 1 խաղում, ինչի արդյունքում հայտնվել են մրցաշարային աղյուսակը եզրափակողների դերում։

Խնդիրներ ունի նաև «Ուրարտու Վիվառոն», և այդ խնդիրների հեղինակները վնասվածքներն են։ Նախորդ մրցաշրջանի լավագույն բասկետբոլիստներից Էդգար Բաբայանը վնասվածքի պատճառով դեռևս չի կարողանում օգնել իր թիմին։

Վերջին տուրից առաջ վնասվածք ստացավ նաև նորեկ Մետոքսը, որը, քիչ թե շատ, լրացնում էր Բաբայանի բացակայությունը։ Եվ հիմա թիմի առաջատարի դերը ստանձնել է նորեկներից մյուսը՝ Լամոնտ Բոյկինսը, որն արդեն հասցրել է ցուցադրել իր բարձր կարգը և սիրվել հայ բասկետբոլասերների կողմից։

Գլխավոր մարզիչ Միքայել Պողոսյանը VNEWS-ի հետ զրույցում նաև հայտնել է, որ ստեղծված իրավիճակում պետք է հույս դնել երիտասարդ հայ բասկետբոլիստների վրա, աշխատել նրանց աճի վրա և ձգտել նրանց հասցնել լեգեոներների խաղամակարդակին։

Նոր լեգեոներներով համալրվել է նաև ՖԻՄԱ-ն, որոնցից ամենամեծ ուշադրությունն իր վրա սևեռել է Բրենդն Փադջեթը։ Գրեթե բոլորը, ովքեր կապ ունեն հայկական բասկետբոլի և Ա լիգայի հետ, խոսում են Փադջեթի մասին։

25-ամյա բասկետբոլիստը լիգայի մեկնարկից առաջ կայացած ընկերական խաղերում արդեն հասցրել էր հայտնի դառնալ հայ բասկետբոլասերների շրջանում։ Իսկ լիգայի մեկնարկային տուրում «Արցախի» դեմ խաղի բենեֆիսը երկրպագուներին ստիպեց յուրաքանչյուր խաղում նրա կատարմամբ նոր հրաշքների սպասել։ Սակայն ինչ-որ բան նրան դեռևս չի բավականացնում կայուն խաղ ցուցադրելու համար։ Փադջեթը առաջատար զույգ է կազմել երիտասարդ հայ բասկետբոլիստ Գոռ Գյագունցի հետ և քիչ-քիչ ընտելանում է առաջնությանը։

Առջևում դեռ 3 շրջան կա կանոնավոր առաջնությունում, որոնցից վերջին 2-ի արդյունքները որոշիչ կլինեն նաև փլեյ-օֆֆի ժամանակ: Սա մեզ խոստանում է ֆանտաստիկ բասկետբոլային գարուն: Այս ամբողջ պատկերը կարող եք էլ ավելի գեղեցկացնել Դուք, եթե Ձեր մշտական տեղը զբաղեցնեք մարզադահլիճներում:

Վահե Ոսկանյան

Բասկետբոլ. Միքայել Պողոսյանի երազանքի թիմը (տեսանյութ)

Միացի՛ր հայկական ամենասպորտային Instagram-ին:


VBet Եվրասիական լիգա. «Ուրարտու Վբեթը» հաղթել է «Արագածին» (տեսանյութ)

Vbet Ա-Լիգա․ «Ուրարտու Վբեթը» վստահ հաղթանակ տոնեց (տեսանյութ)

Հիասթափեցնող շարք. «Ուրարտու Վբեթի» պարտությունը ՄԳԱ-ին (ֆոտոշարք)

VBet Եվրասիական լիգա․ «Ուրարտու Վբեթը» պարտվեց ՄԳԱՖԿ-ին (տեսանյութ)

VBet Եվրասիական լիգա. ՄԳԱՖԿ – «Ուրարտու ՎԲեթ» (ուղիղ հեռարձակում)

VBet Եվրասիական լիգայում «Ուրարտու ՎԲեթը» ուժերը չափեց Տուլայի «Արսենալի» հետ. VNews.am-ի ռեպորտաժը (տեսանյութ)

VBet Եվրասիական լիգա․ «Արագածը» պարտությամբ ավարտեց արտագնա շարքը

VBet Եվրասիական լիգա. «Բորիսֆեն» – «Արագած» (ուղիղ հեռարձակում)

Նորից սայթաքում. «Արսենալ»-«Ուրարտու Վբեթ» հանդիպումը լուսանկարներով

«Արսենալի» գլխավոր մարզիչ Վիկտոր Ուսկով. «Ուրարտու Վբեթը» հեշտ մրցակից չէ»

Միքայել Պողոսյան. «Պետք է գտնենք այնպիսի բասկետբոլիստների, որոնք կխաղան իմ բասկետբոլը, որ թե իրենց»

VBet Եվրասիական լիգա․ «Ուրարտու Վբեթը» համառ պայքարում պարտվեց «Արսենալ Տուլային» (տեսանյութ)

VBet Եվրասիական լիգա. «Արսենալ Տուլա» – «Ուրարտու Վբեթ» (ուղիղ հեռարձակում)

«VBet Եվրասիական լիգան մեծ փորձ է մեզ համար». ՄԲԱ-ի գլխավոր մարզիչ Անատոլի Լապտև (տեսանյութ)

Վստահ խաղ ու վաստակած արդյունք. «Արագածի» հաղթանակը ՄԳԱ-ի նկատմամբ լուսանկարներով

VBet Եվրասիական լիգա․ «Արագածը» հաղթանակ տոնեց ՄԲԱ-ի նկատմամբ (տեսանյութ)