Ինչո՞ւ է հնարավոր Մեսիի տեղափոխությունը ՊՍԺ. Ռիվալդոյի հիմնավորումը

Աշխարհի նախկին լավագույն ֆուտբոլիստ Ռիվալդոն կարծիք է հայտնել «Բարսելոնայի» հարձակվող Լիոնել Մեսիի ապագայի մասին: Բրազիլացին ենթադրում է, որ իր նախկին ակումբի ներկայիս առաջատարի որոշման վրա կարող են մի քանի կարևոր գործոններ ազդել:

«ՊՍԺ-ն Մեսիի համար լավ տարբերակ կլինի: Մեծ նշանակություն ունի, որ գլխավոր մարզիչն արգենտինացի է՝ Մաուրիսո Պոչետինոն: Լեոն նաև կմիավորվի իր ընկերոջ՝ Նեյմարի հետ:

Ֆինանսական տեսանկյունից քիչ կգտնվեն ակումբներ, որոնք կարող են ՊՍԺ-ից լավ պայմաններ առաջարկել: Այնպես որ Մեսին մի քանի պատճառներ ունի փարիզցիներին «այո» ասելու համար:

Ֆրանսիական ֆուտբոլը շատ կշահի նման տրանսֆերից: Լիգայի նկատմամբ հսկայական ուշադրություն կլինի մամուլի և հովանավորների կողմից»,- Ռիվալդոյի խոսքերն է մեջբերում Goal.com-ը:

Միացի՛ր հայկական ամենասպորտային Instagram-ին: