Իսկ եթե Մբապեն մտափոխվի՞. 7 գործոն, որով ՊՍԺ-ն կարող է պահել ֆրանսիացուն - VNews
Բաժիններ

Իսկ եթե Մբապեն մտափոխվի՞. 7 գործոն, որով ՊՍԺ-ն կարող է պահել ֆրանսիացուն

3209801 65751288 2560 1440 - Իսկ եթե Մբապեն մտափոխվի՞. 7 գործոն, որով ՊՍԺ-ն կարող է պահել ֆրանսիացուն

Արդեն գրեթե 1 ամիս անցել է Կիլիան Մբապեի՝ «Ռեալ» չստացված տեղափոխությունից: Ամառային տրանսֆերային պատուհանի վերջին օրերին «Արքայական ակումբն» ամեն ինչ արեց ֆրանսիացուն գնելու համար. նախ՝ 160 մլն եվրոյի առաջարկ, հետո՝ 180 մլն, իսկ վերջում՝ 200:

ՊՍԺ-ն մնաց անդրդվելի: Բացի այն, որ ՊՍԺ-ն չունի գումարի կարիք, չունի ֆինանսական ֆեյր-փլեյի կանոնները պահպանելու անհրաժեշտություն, նաև Մբապեին չվաճառելն սկզբունքի հարց էր, փարիզյան ակումբի որոշման պատճառներից մեկը նաև ֆրանսիացու հետ պայմանագիրը երկարաձգելու հույսերն են:

Ֆրանսիացի հարձակվողը 2022-ի հունվարի 1-ից օրինական հիմքեր ունի այլ ակումբի հետ բանակցելու և նախնական պայմանագիր կնքելու՝ հաջորդ տարվա հուլիսի 1-ից այդ ակումբը համալրելու համար: Բայց մինչև այդ պահը ՊՍԺ-ն իր բոլոր լծակներն ու գործիքակազմն օգտագործելու է առաջիկա տասնամյակի գլխավոր աստղերից մեկին թիմում պահելու համար:

Նոր առաջարկ. 2 տարվա պայմանագիր

Վերջին ամիսների բանակցությունների արդյունքում ՊՍԺ-ին պարզ դարձավ, որ Մբապեն չի պատրաստվում նոր՝ երկարաժամկետ պայմանագիր կնքել: Նա մերժել է պայմանագրի երկարաձգման վերջին 4-5 առաջարկները, որքան էլ դրանք ֆինանսապես շահավետ են եղել:

PSG sporting director Leonardo reveals wantaway Kylian Mbappe can leave for Real Madrid for right fee, confirms bid - Eurosport

Ինչպես տեղեկացնում է Marca-ն, հոկտեմբերին ՊՍԺ-ն նոր մոտեցում է ցույց տալու առաջարկվող պայմանագրի հարցում: Ըստ նոր պայմանագրի՝ Մբապեն կդառնա աշխարհի ամենաբարձր վարձատրվող ֆուտբոլիստը՝ ստանալով տարեկան մոտ 50 մլն եվրո, բայց որ ամենակարևորն է՝ պայմանագիրը երկարաժամկետ չի լինի՝ ընդամենը 2 տարի ժամկետով: ՊՍԺ-ում կարծում են, որ այդպես Մբապեին չի անհանգստացնի Փարիզում բանտարկված մնալու միտքը:

Մեսիի ու Նեյմարի հետ խաղալու գործոնը

Նեյմարը Մբապեի ընկերն է: Բրազիլացին բազմաթիվ առիթներով հայտարարել է, որ շատ կցանկանար երկար տարիներ խաղալ Կիլիանի կողքին: Այս զույգի խաղը միասին ստացվում է. նրանք փոխլրացնում են միմյանց, էգոների բախում էլ, գոնե մինչև այս պահը, դեռ չի եղել:

Ամռանը նրանց միացավ արդեն Մեսին: Անուններով՝ Մեսի-Նեյմար-Մբապե եռյակը սարսափելի է, բայց խաղադաշտում  նրանք դեռ որևէ արտասովոր բան չեն արել: Այդուհանդերձ՝ այս եռյակը կարող է լուրջ խնդիրներ լուծել այս մրցաշրջանում: Մեսին ու Նեյմարը միասին ֆանտաստիկ մրցաշրջաններ են անցկացրել «Բարսելոնայի» կազմում՝ հաղթելով բոլոր մրցանակները: Նրանք Լուիս Սուարեսի հետ միասին ջարդում-փշրում էին ամեն ինչ ու բոլորին: Կարելի է ասել, որ MSN-ը ֆուտբոլի պատմության ամենահզոր հարձակման եռյակներից է:

Messi set for PSG debut as Mbappe future remains uncertain - France 24

Սուարեսի դերում հայտնվել է Մբապեն: Եթե հաշվի առնենք նրանց խաղաոճը, ապա կհասկանանք, որ նրանք հաջողությամբ կարող են խաղալ միմյանց հետ: Մեսին վերջին տարիներին խաղում է խորքից ու կառուցում թիմի գրոհները, Նեյմարը նույնպես խաղարկողի դիրքում է խաղում կամ տեղաշարժվում իր սիրելի ձախ եզր, Մբապեն էլ միտված է հարձակման կրակագծում խաղալուն. միայն նախորդ մրցաշրջանում նա 47 խաղում խփեց 42 գոլ:

Մեսիի ու Նեյմարի հետ խաղալը կարող է գայթակղել Մբապեին՝ մնալ ՊՍԺ-ում գոնե ևս 2-3 տարի: Այս առումով շատ բան պարզ կդառնա առաջիկա ամիսներին:

Էմանուել Մակրոնը համոզելու է Մբապեին

Մբապեին ՊՍԺ-ում կփորձի պահել ոչ միայն ակումբի մարզական տնօրեն Լեոնարդոն, նախագահ Ալ-Նասեր Հելաիֆին, գլխավոր մարզիչ Մաուրիսիո Պոչետինոն և ՊՍԺ-ի սեփականատեր, Կատարի շեյխ Թամիմ բին Համադ ալ Թանին, այլ նաև անձամբ Ֆրանսիայի նախագահ Էմանուել Մակրոնը:

Մակրոնը աշխարհի 2022 թվականի առաջնության ընտրական փուլի հերթական խաղերից առաջ, որոնք կայանալու էին սեպտեմբերին, այցելել էր Ֆրանսիայի հավաքականի մարզաբազա՝ Կլարեֆոնտեն, որտեղ նա հրապարակավ հայտարարեց, որ ցանկանում է Մբապեին տեսնել ՊՍԺ-ում. «Հրաշալի կլինի ֆրանսիական ֆուտբոլի համար, որ Մբապեն մնա Փարիզում: Նա իսկական օրինակ է երիտասարդ ֆրանսիացի ֆուտբոլիստների համար»:

PSG: Kylian Mbappé encouraged to stay by Emmanuel Macron?

Մակրոնը, իհարկե, լավ է հասկանում, որ Մբապեն ոչ միայն պարզապես թոփ ֆուտբոլիստ է կամ ՊՍԺ-ի հերթական աստղը, այլ Ֆրանսիայի հավաքականի և ֆրանսիական ֆուտբոլի առաջիկա տարիների գլխավոր դեմքը: Ու թե՛ ֆրանսիական ֆուտբոլի, թե՛ Լիգա 1-ի համար չափազանց կարևոր է լինելու Մբապեի՝ ՊՍԺ-ում մնալը: Ըստ ֆրանսիական մամուլի՝ Մակրոնի հաղորդագրություններն ու հորդորները Մբապեին ոչ միայն հրապարակային են, այլ նաև՝ անձնական: Ու առաջիկա շաբաթներին և ամիսներին Ֆրանսիայի նախագահը շարունակելու է ճնշում գործադրել Մբապեի վրա:

Մեր ընտրանին

Ֆրանսիացի երկրպագուները

Ամիսներ առաջ Մբապեն հայտարարեց, որ հոգնել է ֆրանսիացի երկրպագուների՝ իր հասցեին հնչած քննադատություններից: Մբապեն սուլոցների արժանացավ նաև Լիգա 1-ի առաջին տնային խաղերի ժամանակ. երկրպագուներին դուր չէր եկել, որ նա այդքան բացահայտ ցանկանում էր տեղափոխվել «Ռեալ»:

Բայց կա ֆրանսիացի երկրպագուների մեկ այլ ծանրակշիռ զանգված, որոնք, անկախ ամեն ինչից, միշտ պաշտպանում և աջակցում են Մբապեին: Ֆրանսիացի բազմաթիվ երկրպագուներ պաշտպանեցին Մբապեին քննադատություններից, որոնք առաջացել էին ԵՎՐՈ 2020-ի 1/8 եզրափակիչում Շվեյցարիայի հավաքականի դեմ խաղում վճռորոշ 11-մետրանոց հարվածն անվրեպ չիրացնելու արդյունքում:

Tuchel: Mbappe could've scored seven goals

Առաջիկա ամիսներին երկրպագուների սերն ու աջակցությունը կարող է կարևոր նշանակություն ունենալ Մբապեի որոշման հարցում: Ակումբն այնպես է անելու, որ այդ աջակցությունն առավելագույնի հասնի:

Մբապեի ներգրավվածությունը ՊՍԺ-ի պրոյեկտներում

Նեյմարն ու Մբապեն, բացի ֆուտբոլ խաղալուց, ըստ իրենց կնքած պայմանագրերի, բավական մեծ ներգրավվածություն ունեն նաև ՊՍԺ-ի տարբեր նախագծերում և բարեգործական կամ սոցիալական նախաձեռնություններում:

Օրինակ՝ Նեյմարը և ՊՍԺ-ն համատեղ միջոցներով դպրոցներ էին կառուցել Բրազիլիայում, ու նույնիսկ Հելաիֆին և Նեյմարը միասին այցելեցին այդ դպրոցները: Մբապեն էլ 2019-ին ՊՍԺ-ի հետ համագործակցությամբ իր բարեգործական հիմնադրամը բացեց Փարիզում, որի նպատակն էր օգնել հաշմանդամ երեխաներին ֆուտբոլով զբաղվելու հարցում:

France star Kylian Mbappe has a charity for kids, donated £400k World Cup appearance fee and aided Sala search fund

Կատարի հետ ունեցած համաձայնությունները

ՊՍԺ-ի մոտեցումն է՝ թիմի աստղերին ակումբի հետ այլ թելերով կապելու մարտավարությունը:

2018-ին Նեյմարը դարձավ Qatar National Bank-ի (Կատարի ազգային բանկի) դեսպանը, որը նաև ՊՍԺ-ի գործընկերներից է ու աշխարհի ամենահարուստ և զորեղ ֆինանսական կառուցներից մեկն:

ՊՍԺ-ի հովանավորներից է նաև Nike-ը և Accor-ը՝ աշխարհի գլխավոր տուրիստական գործակալություններից մեկը: Այս ընկերությունները գովազդում է Կիլիան Մբապեն, որի ընտանիքը նույնպես համագործակցում է թե՛ Nike-ի, թե՛ Accor-ի հետ: Հովանավորչական պայմանագրեր կնքելու հարցում Մբապեի գործակալը Դելֆին Վերհեյդենն է, որը կարող է իր դերը խաղալ Մբապեի ապագայի հարցում: Ըստ նրա՝ մարքեթինգային տեսանկյունից ավելի շահավետ է, որ Մբապեն մնա ՊՍԺ-ում:

Nike vs. Adidas: Who is the real winner of the World Cup? - CGTN

Մբապեի ընտանիքի գործոնը

Մբապեի՝ «Ռեալ» չստացված տեղափոխությունը մի փոքր փչացրեց ֆուտբոլիստի ընտանիքի և ՊՍԺ-ի ղեկավարության հարաբերությունները: Լեոնարդոն իր հարցազրույցներում ցույց է տվել, որ, մեղմ ասած, հիացած չէ Մբապեի պահվածքից, իսկ ակումբի նախագահ Նասեր Ալ-Հելաիֆին վերջին ամիսներին առհասարակ անմիջական շփում չի ունեցել Մբապեի հետ:

Մբապեի ընտանիքին չի գոհացնում այս վիճակը: «Ռեալ» տեղափոխությունը միայն Մբապեի երազանքն է, այլ ոչ նրա ընտանիքի: Կիլիանի հայրը, մասնավորապես, ամեն ինչ անում և անելու է ՊՍԺ-ի հետ հարաբերությունները կարգավորելու համար, քանի որ նա շարունակում է մնալ այն կարծիքին, որ Մբապեի համար բոլոր առումներով ավելի շահավետ է ՊՍԺ-ում խաղալը: Հենց նրա հայրն է 2017-ին որոշել, որ Մբապեն «Մոնակոյից» տեղափոխվի ՊՍԺ՝ չնայած, որ «Ռեալն» արդեն համաձայնության էր հասել «Մոնակոյի» ղեկավարության հետ:

Կիլիան Մբապեի կրտսեր եղբայրը՝ 14-ամյա Էթան Մբապեն նույնպես խաղում է ՊՍԺ-ում՝ մանկապատանեկան թիմում:

They ensure that the Real Madrid wants to sign... Mbappé's brother!

Ժամանակն աշխատում է «Ռեալի» օգտին. հունվարին  մնացել է 3 ամսից մի փոքր ավելի, բայց ՊՍԺ-ի, Ֆրանսիայի նախագահի, Մբապեի ընտանիքի ու թիմի երկրպագուների ճնշումներն այս ընթացքում շարունակվելու են:

Միացի՛ր հայկական ամենասպորտային Instagram-ին:


ՊՍԺ-ն կամային հաղթանակ տոնեց «Անժեի» դեմ խաղում (տեսանյութ)

Մեսին տրիբունայից հետևում է ՊՍԺ – «Անժե» խաղին

ՊՍԺ-ի մեկնարկային կազմն «Անժեի» դեմ խաղում

Սերխիո Ռամոսը շնորհավորել է Հայաստանի հավաքականի գլխավոր մարզչի տարեդարձը

«Երազանքի հետևից». Մբապեն հաստատակամ է իր որոշման մեջ

Նավասը վնասվածքի պատճառով չի մասնակցի ՊՍԺ-ի առաջիկա խաղին

ՊՍԺ-ն պատրաստ է աստղաբաշխական աշխատավարձ առաջարկել Հալանդին

Պոչետինոն՝ Մեսիի ՊՍԺ տեղափոխվելու մասին. «Մտածում էի, թե կատակ է»

Ռամոսը բուժզննում է անցել. ապաքինման ժամկետը հայտնի է

Պոչետինոն ասել է՝ ով է Չեմպիոնների լիգայի հաղթողի հավակնորդը

Ագուերո. «Մեսիի հետ խաղալու հույսով էի տեղափոխվել «Բարսելոնա»

Մբապեն կոմիքսի տեսքով ինքնակենսագրական կթողարկի

Ֆոդեն. «Մեսիի հետ ձկնորսության կգնայի, ու դա կլիներ կյանքիս ամենաերջանիկ օրը»

Դոնարումա. «Սիրտս դեռ պատկանում է «Միլանին»

Երբ կկայանա Ռամոսի նորամուտը ՊՍԺ-ում

Իկարդին «Նյուքասլ» տեղափոխվելու հարցով որոշում է կայացրել