Իսկոն կարիերան Իսպանիայում շարունակելու տարբերակ ունի

Ինչպես տեղեկացնում է Jugones-ը, «Ռեալի» կիսապաշտպան Իսկոն կարող է հայտնվել «Սևիլիայում»:

Արդեն տեղեկացրել էինք, որ իսպանացին դիմել է «Արքայական ակումբին»՝ հունվարին այլ ակումբ տեղափոխվելու պահանջով: Եվ ահա, աղբյուրի փոխանցմամբ, Իսկոյին իր թիմում ցանկանում է տեսնել «Սևիլիայի» գլխավոր մարզիչ Խուլեն Լոպետեգին, որը լավ գիտի Իսկոյի որակները դեռ «Ռեալում» աշխատելու ժամանակվանից: Նշվում է, որ անդալուզիան ակումբում Իսկոն կարող է խաղալ նույնիսկ վարձակալական հիմունքներով:

Ավելի վաղ հաղորդվում էր, որ 28-ամյա ֆուտբոլիստի ծառայություններով հետաքրքրված են նաև «Մանչեսթեր Սիթին» ու «Էվերթոնը»:

Միացի՛ր հայկական ամենասպորտային Instagram-ին: