Ջերարդը կարող է գլխավորել անգլիական գրանդը

Ինչպես տեղեկացնում է Daily Star պարբերականը, «Ռենջերսի» գլխավոր մարզիչ Սթիվեն Ջերարդը կարող է Անգլիա վերադառնալ՝ գլխավոր մարզչի կարգավիճակով:

Աբյուրի փոխանցմամբ՝ «Լիվերպուլի» լեգենդը կարող է գլխավորել «Արսենալը», եթե «զինագործները» որոշում կայացնեն հեռացնել թիմի գլխավոր մարզիչ Ունայ Էմերիին: Լոնդոնյան ակումբը վերջին ժամանակներում շատ անհաջող է հանդես գալիս. Պրեմիեր լիգայի վերջին 3 խաղում Էմերիի թիմը չի կարողացել հաղթել ու մրցաշարային աղյուսակում 5-րդն է:

Նշվում է, որ Ջերարդը պատրաստ է խզել պայմանագիրը «Ռենջերսի» հետ ու մարզչական կարիերան շարունակել հայրենիքում:

Միացի՛ր հայկական ամենասպորտային Instagram-ին: