Ջեսի Լինգարդը՝ Պոգբայի մասին․ «Ես նորից տեսնում եմ այն Պոգբային, որին ճանաչել եմ»

«Մանչեսթեր Յունայթեդի» կիսապաշտպան Ջեսի Լինգարդն ամփոփել է թիմի վերջին վառ ու գոլառատ ելույթների մասին։ Անգլիացի ֆուտբոլիստը խոսել է նաև թիմակից Պոլ Պոգբայի խաղի մասին՝ նշելով, որ ֆրանսիացին վերադարձել է իր նախկին մարզավիճակին։

«Սուլերը նրան շատ է օգնել։ 100 տոկոսանոց վստահությամբ եմ ասում սա։ Նա վերադարձրել է Պոլին իր վստահությունն ու ազատ խաղալու հնարավորությունը։ Այսինքն այն, ինչ նա սիրում է։ Ես, միանշանակ տեսնում եմ այն Պոլին, որին ճանաչել եմ։ Հիմա նա վայելում է ֆուտբոլը», – Լինգարդի խոսքը մեջբերում է The Sun-ը։

Սուլշերի նշանակումից հետո Պոլ Պոգբան «Մանչեսթեր Յունայթեդի» կազմում անցկացրել է 3 հանդիպում, որոնցում դարձել է 4 գոլի և 3 գոլային փոխանցման հեղինակ։

Միացի՛ր հայկական ամենասպորտային Instagram-ին: