Կամո Հովհաննիսյանը դարձավ Սարգիս Հովսեփյանի գլխավորած «400-ի ակումբի» անդամ - VNews
Բաժիններ

Կամո Հովհաննիսյանը դարձավ Սարգիս Հովսեփյանի գլխավորած «400-ի ակումբի» անդամ

2Z7A8730 - Կամո Հովհաննիսյանը դարձավ Սարգիս Հովսեփյանի գլխավորած «400-ի ակումբի» անդամ

Հայաստանի հավաքականի և ղազախական «Կայրաթի» պաշտպան Կամո Հովհաննիսյանի ֆուտբոլային կարիերայում նշանակալի իրադարձություն տեղի ունեցավ: Մայիսի 3-ին «Կիզիլ-Ժարի» հետ Ղազախստանի առաջնության 9-րդ տուրի հանդիպումը պաշտոնական մրցումներում Հովհաննիսյանի հոբելյանական՝ 400-րդ խաղն էր: Կամոն դարձավ «400-ի ակումբի» 28-րդ անդամը:

Հիշեցնենք, որ ակումբում ընդգրկված են այն ֆուտբոլիստները, որոնք ՀՀ առաջնությունների Բարձրագույն խմբում, Հայաստանի գավաթի, Սուպերգավաթի, եվրոպական գավաթների մրցաշարերում, ՀՀ ազգային և երիտասարդական հավաքականներում, ԱՊՀ երկրների «Համագործակցության գավաթի» խաղարկություններում և արտերկրի Բարձրագույն խմբի թիմերում պաշտոնական մրցումներում 400 և ավելի խաղ են անցկացրել:

«400-ի ակումբի» ցանկը գլխավորում է Սարգիս Հովսեփյանը, որը 783 խաղ է անցկացրել: Գործող ֆուտբոլիստներից լավագույն արդյունքն ունի Հենրիխ Մխիթարյանը, որը 678 խաղով ընթանում է 2-րդ հորիզոնականում: Հիշեցնենք, որ վերջերս ակումբի անդամ էր դարձել արարատցի Արտակ Եդիգարյանը:

1898838 774629579310619 9062414302007586993 o 960x610 - Կամո Հովհաննիսյանը դարձավ Սարգիս Հովսեփյանի գլխավորած «400-ի ակումբի» անդամ

«Այդ երկրում ամբողջ մարզադաշտը հոտնկայս ծափահարում էր մեզ»․ Կամո Հովհաննիսյանի ամենաուշագրավ մտքերը

Կամո Հովհաննիսյանը «Փյունիկի» մարզադպրոցի սան է և հենց հարազատ ակումբում էլ ֆուտբոլային իր առաջին լուրջ քայլերն է կատարել: 2009թ. ապրիլի 11-ին «Կիլիկիայի» հետ խաղում նորամուտը նշելով «Փյունիկում», Կամո Հովհաննիսյանը մինչև 2016/17թթ. առաջնությունը ներառյալ հանդես եկավ իր համար հարազատ դարձած թիմում՝ հանդիսանալով առաջատար ֆուտբոլիստներից մեկը: Այդ ընթացքում Կամոն Բարձրագույն խմբում 174 խաղ անցկացրեց, որոնցում՝ 29 գոլի հեղինակ դարձավ:

Հենց «Փյունիկում» էլ նա հասավ մարզական կարիերայում մեծ նվաճումների՝ դառնալով Հայաստանի կրկնակի չեմպիոն, հնգակի գավաթակիր, 2010թ. պատվո շրջան կատարելով Սուպերգավաթով, մեկական անգամ էլ արժանանալով արծաթե և բրոնզե մեդալների:

Այսքանից հետո Կամոն, բնականաբար, պետք է իր ֆուտբոլային կարիերան շարունակեր արտերկրում: Առաջին արտասահմանյան թիմը Բելառուսի «Տորպեդո-ԲելԱԶ-ն» էր, որի կազմում հանդես եկավ մեկ մրցաշրջան:

TQD49UXAMDo - Կամո Հովհաննիսյանը դարձավ Սարգիս Հովսեփյանի գլխավորած «400-ի ակումբի» անդամ

2018թ. Հովհաննիսյանը տեղափոխվեց Ղազախստան, որտեղ երկու մրցաշրջան հանդես եկավ «Ժետիսուի» կազմում, իսկ վերջին երկու տարիներին նա ներկայացնում է ղազախական ֆուտբոլի ամենահանրահայտ ակումբը՝ «Կայրաթը», որի կազմում նախորդ մրցաշրջանում դարձավ երկրի չեմպիոն:

28-ամյա Կամո Հովհաննիսյանը ներկայումս էլ լավ մարզավիճակում է: Նա հուսալիորեն է գործում ինչպես պաշտպանությունում, այնպես էլ թիմի գրոհներին միանալիս: Այնպես որ, Կամոն դեռ երկար տարիներ իր խաղով կուրախացնի երկրպագուներին և նորանոր հոբելյաններ կնշի:

XvGV6PfZJM4 960x640 - Կամո Հովհաննիսյանը դարձավ Սարգիս Հովսեփյանի գլխավորած «400-ի ակումբի» անդամ

Գերազանցեց վաղեմի թիմակցի ռեկորդը․ Արտակ Գրիգորյանը՝ պատմական ցուցանիշի հեղինակ

Շնորհավորելով Կամո Հովհաննիսյանին «400-ի» ակումբի շարքերը համալրելու առիթով, ներկայացնենք ակումբային ֆուտբոլում նրա ցուցանիշները (333 խաղ, 47 գոլ), հիշեցնելով, որ նա ՀՀ ազգային հավաքականում անցկացրել է 57 խաղ ու խփել մեկ գոլ, երիտասարդական հավաքականում 10 խաղում մեկ գոլի հեղինակ է դարձել: Նշենք, որ պաշտոնական 400 հանդիպումներում Կամոյի հաշվին 49 գոլ է գրանցված: Այնպես որ, շուտով նա ևս մեկ հաճելի հոբելյան կնշի:

ՄրցաշրջանԱկումբԱԳՍԵԸՆԴ
2009-2016/17«Փյունիկ»174 (29)28 (4)314 (1)219 (34)
2017«Տորպեդո-ԲելԱԶ»28 (3)3 (1)132 (4)
2018-2019«Ժետիսու»58 (6)58 (6)
2020-2021«Կայրաթ»22 (3)1124 (3)
Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


Հայաստանը նահանջել է ՖԻՖԱ-ի դասակարգման աղյուսակում

Ընտրական փուլի վճռորոշ հատվածը. որ հավաքականը կարող է լինել Հայաստանի հավաքականի մրցակիցը փլեյ-օֆֆում

3-րդ անգամ էլ չհաջողվեց մեկ մրցաշարում 2 անգամ հաղթել Լիխտենշտեյնի հավաքականին

«Մի գլուխ բարձր, բայց…». Հավաքականի ֆուտբոլիստների գնահատականները Լիխտենշտեյնի հետ խաղում

Նոյեր. «Լիխտենշտեյնը, Հայաստանն ու Իսլանդիան այն մրցակիցները չեն, որոնց դեմ պետք է խաղանք ԱԱ-ի փլեյ-օֆֆում»

Հսկայական առավելություն, բայց 1 միավոր. VNews-ի ֆոտոշարքը Հայաստան – Լիխտենշտեյն խաղից

Կապառոս. «Յուրաքանչյուր խաղ մեզ համար արդեն վերածվելու է եզրափակիչի»

Անչափ ցավալի. Հայաստանի հավաքականը տանը ոչ-ոքի խաղաց Լիխտենշտեյնի հետ (տեսանյութ)

Լիխտենշտեյնը հավասարեցնում է հաշիվը (տեսանյութ)

Առաջին կեսից հետո մեր հավաքականը հաղթում է Լիխտենշտեյնին (տեսանյութ)

Հայաստանի հավաքականի մեկնարկային կազմը

Մխիթարյանը կոչ է արել հարգել Զախարյանի՝ Ռուսաստանի հավաքականի կազմում ելույթ ունենալու որոշումը

Հայաստան – Լիխտենշտեյն. դիմակայության պատմությունը

Հայաստանի հավաքականի հավանական մեկնարկային կազմը Լիխտենշտեյնի դեմ խաղում` ըստ VNews-ի

Հայաստանի հավաքականի վերջնական հայտացուցակը

Հայաստան – Լիխտենշտեյն. Հավաքականների մարզահագուստն այսօրվա խաղում