Կապառոս. «Չափազանց դժվար է մոտիվացնել ֆուտբոլիստների, որոնց մտքերը պատերազմի մեջ են» - VNews
Բաժիններ

Կապառոս. «Չափազանց դժվար է մոտիվացնել ֆուտբոլիստների, որոնց մտքերը պատերազմի մեջ են»

Հայաստանի հավաքականի մարզիչ Խոակին Կապառոսը ծավալուն հարցազրույց է տվել AS պարբերականին՝ անդրադառնալով մի շարք թեմաների՝ սկսած հայկական ֆուտբոլից, իր՝ Հայաստանի հավաքականը մարզելու որոշումից, վերջացրած հայ-ադրբեջանական պատերազմով:

-Ինչպե՞ս էր կյանքն ընթանում Երևանում, որից 200 կմ հեռավորության վրա պատերազմ կար

-«Բարդ էր: Մարզիչը փորձում է մոտիվացնել իր ֆուտբոլիստին՝ նպատակներին հասնելու համար, բայց մոտիվացնել մի խումբ մարզիկների, որոնք այլ առաջնահերթություններ ունեն, քանի որ սպորտը մղվել է 2-րդ պլան, չափազանց դժվար է: Կային անձնական իրավիճակներ: Գրեթե բոլոր ֆուտբոլիստներն ունեին մտերիմներ, որոնք այդ ժամանակ կռվում էին ռազմաճակատում. հարազատներ, որ արդեն զոհվել էին, ծանոթներ, որոնք կռվում էին: Պատերազմի մեկնարկից հետո մեր հավաքի առաջին օրը կային ֆուտբոլիստներ, որ պարզապես չկարողացան զսպել արցունքները: Պետք է մտնեինք նրանց դրության մեջ, կարեկցեինք նրանց: Նրանք պետք է հասկանային, որ մենք այդ պահին նրանցից մեկն էինք: Մեզ հաջողվեց դառնալ մեկ ընտանիք: Մեզ ասում էին, որ մեր կյանքին ու անվտանգությանը ոչինչ չի սպառնում, բայց միևնույն է՝ միշտ էլ անհանգիստ ես:

-Հետաքրքրական է, որ զինադադարի կնքումից օրեր անց Հայաստանի հավաքականը 2 հաղթանակ տարավ, բայց նրանք իրենց պարտված էին համարում…

-«Այո, դա այդպես էր. նրանք մեզ ասում էին, որ զինադադարի կնքման օրը Հայաստանի պատմության ամենատխուր օրն է: Սարսափելի էր ֆուտբոլիստներին տեսնել այդ տրամադրություններով: Ստիպված ենք եղել մի քանի մարզում հետաձգել: Այլ գործոններ էին գերակշռում, բայց ֆուտբոլն այդպիսին է. մի քանի ժամ անց մենք հաղթեցինք Վրաստանին, ինչը պատմական հաղթանակ էր Հայաստանի հավաքականի համար: Վրաստանը Հայաստանի սկզբունքային մրցակիցն է եղել, բայց երբեք չէին հաղթել նրանց: Կարողացանք մեծ ուրախություն պարգևել հայ ժողովրդին՝ իրենց ամենածանր պահերին: Հետո արդեն հաղթեցինք Հյուսիսային Մակեդոնիային ու «ցատկեցինք» Ազգերի լիգայի B դիվիզիոն»:

-Ի՞նչ էիք ասում ֆուտբոլիստներին խաղից առաջ:

-«Պարզապես ասել եմ նրանց, որ պատմություն կերտելու շանս կա: Որ նրանք հիմա կարող էին խաղալ մեծ ակումբներում, վաստակել մեծ գումարներ և մարզական հաջողություններ գրանցել, բայց սա եզակի հնարավորություն է դառնալ երկրի պատմության մաս՝ այդքան առանձնահատուկ ու բարդ ժամանակահատվածում»:

-Ինչպե՞ս որոշեցիք պահանջել Հայաստանի օրհներգը միացնել հաղթական ավարտից հետո:

-«Վրաստանի դեմ խաղից հետո հանդերձարանում մենք տոնեցինք հաղթանակը: Հյուսիսային Մակեդոնիայի դեմ խաղին հավաքականի 12-13 անդամ կորոնավիրուսով էր վարակված, որից 5-ը՝ ֆուտբոլիստներ էին: Ես ցանկանում էի ապացուցել, որ մենք իրենց պես ամեն ինչ զգում ենք, իրականություն է. այն, ինչ բխում է ներսից, շատ ավելի արժեքավոր է, քան ցանկացած քննարկում: Ֆուտբոլիստները լացում էին այն ամենից հետո, ինչի միջով անցել են նրանք»:

-Ի՞նչ տակտիկայով է խաղում Հայաստանի հավաքականը:

-«Խաղում ենք 4-4-2 սխեմայով: Հենրիխ Մխիթարյանը մեր լավագույն ֆուտբոլիստն է, բայց «Ռոման» այդ օրերին նրան թույլ չտվեց գալ հավաքական: Մխիթարյանը տարբերություն ստեղծող ֆուտբոլիստ է:

Տեխնիկապես ուժեղագույնը չենք, սակայն պետք է օգտագործենք ֆուտբոլիստների կամքը, որն ունեն: Երբ նրանք գալիս են հավաքական, հայրենասիրական մեծ ոգի են դրսևորում, և դա պետք է օգտագործել, այն մեծ առավելություն է: Նրանք հավատում են այն ամենին, ինչի համար պայքարում են: Նրանց համար այդ 2 հաղթանակն ու B դիվիզիոն բարձրանալը նույնն է, ինչ Իսպանիայի հավաքականի համար՝ աշխարհի չեմպիոն դառնալը: Ցավոք՝ այդ հաղթանակները Հանրապետության հրապարակում տոնել հնարավոր չէր:

Մեզ համար գլխավոր նպատակն այն էր, որ ֆուտբոլիստները չպետք է սովորեն միշտ պարտվելուն: Նրանց ասել ենք, որ պարտվելը պետք է ցավեցնի, ցավոտ լինի. որ այն թիմը, որ ցանկանում է հաղթել մեզ, պետք է տառապի, քրտինք թափի: Մենք պետք է մրցունակ լինենք մեր ուժերի առավելագույն չափով»:

-Ինչպե՞ս է անցնում Հայաստանի հավաքականի մարզչի աշխատանքային օրը:

-«Առավոտյան 9 անց 30-ին ես ֆուտբոլի ակադեմիայում եմ, որտեղ կա 10 խնամված մարզադաշտ, իսկ մարզաբազան կարծես 5 աստղանի հյուրանոց լինի: Ամբողջ առավոտյան մարզվում ենք՝ դիտելով առաջնությունից տեսանյութեր, ինչպես նաև դիտում ենք արտասահմանում հանդես եկող հայ ֆուտբոլիստների մասնակցությամբ տեսանյութեր: Միասին ճաշում ենք ու գնում քնելու, իսկ շաբաթ-կիրակի օրերին դիտում ենք Հայաստանի առաջնության խաղերը: Ստացվում է՝ անդադար աշխատում ենք:

Մինչև հունվար դեռ մեծ աշխատանք ունենք կատարելու, քանի որ Հայաստանին սպասում է ԱԱ 2022-ի նախընտրական փուլը. պետք է այս հաղթական ոգին պահենք մինչև այդ խաղերը»:

-Խոակին Կապառոսը՝ իր ողջ հմայքով. միշտ ասում է այն, ինչ մտածում է…

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


Պետրոս Ավետիսյան․ «Հուսով եմ՝ «Նոայում» հաջող հանդես գալու դեպքում կրկին կհրավիրվեմ հավաքական»

Աղվան Պապիկյան․ ով համոզեց վերադառնալ Հայաստան և ինչ ծրագրեր ունի Կապառոսի գլխավորությամբ

Գեղամ Ղադիմյանը՝ «Կայսարի» ֆուտբոլիստ

Խոակին Կապառոսը Վիսենտե դել Բոսկեի ու Դիեգո Ֆոռլանի հետ միջազգային համաժողովի կմասնակցի

Սպերցյան. «Հպարտ եմ, որ խաղալու եմ Հայաստանի ազգային հավաքականում»

Տիգրան Բարսեղյան. «Երկրպագուները կսիրեն նրան»

«Ամերիկյան նվերներից մինչև բարձրակարգ մարզահագուստ». Հայաստանի հավաքականի շապիկների պատմությունը

ՖԻՖԱ-ն թարմացրել է ազգային հավաքականների վարկանիշային աղյուսակը

Էդուարդ Սպերցյանը հանդես կգա Հայաստանի ազգային հավաքականում

Վարազդատ Հարոյանը՝ «Աստանայի» ֆուտբոլիստ

Կատարե՞լ է Մովսիսյանին գոլային փոխանցում հավաքականում, թե՞ ոչ․ VNews-ի Quiz-ը

Ինչ փուլում է Հարոյանի տրանսֆերը «Աստանա». պարզաբանում է ակումբի մամուլի քարտուղարը

Հավաքականում նորամուտի թանկ գինը․ Ինչպես «կյանքի խաղը» վերափոխեց հայ դարպասապահի կարիերան

«Աստանան» հաստատել է, որ հետաքրքրված է Հարոյանի ծառայություններով

Էդգար Բաբայանը կարող է կարիերան շարունակել ՌՊԼ-ում

Բրիասկո Բալեկյանը վարակվել է կորոնավիրուսով