Կարեն Ասրյանի հուշամրցաշար. Հովիկ Հայրապետյանն ու Վլադիմիր Օնիշչուկը պահպանեցին առաջատարի դիրքը

Կարեն Ասրյանի հուշամրցաշարի 5-րդ տուրում ուշադրության կենտրոնում երկու առաջատարների՝ ուկրաինացի գրոսմայստեր Վլադիմիր Օնիշչուկի և Հովիկ Հայրապետյանի մրցախաղն էր: Երկարատև պայքարից հետո մրցակիցները 60-րդ քայլին հաշտություն կնքեցին: Նրանք մրցաշարում առաջին կես միավորը կորցրին:

4,5-ական միավորով Վլադիմիր Օնիշչուկն ու Հովիկ Հայրապետյանը շարունակում են գլխավորել մրցաշարային աղյուսակը:

7 շախմատիստներ՝ Վահե Բաղդասարյանը, Հայկ Մարտիրոսյանը, Մամիկոն Ղարիբյանը, Արթուր Դավթյանը, Շանթ Սարգսյանը, Զավեն Անդրիասյանը և Հայկ դեր Մանուելյանը 4-ական միավորով հետապնդում են առաջատարներին: Նրանց կարող էր միանալ նաև Ռաֆայել Վահանյանը, որը սակայն պարտվեց Արմեն Բարսեղյանին՝ կրելով մրցաշարում առաջին պարտությունը:

Հետևե՛ք VNews.am-ին նաև Youtube-ում և Instagram-ում: