Կասիլյասի ամենավատ հիշողությունը «Ռեալում»

Մադրիդի «Ռեալի» նախկին դարպասապահ Իկեր Կասիլյասը խոսել է «Արքայական ակումբում» ունեցած ամենավատ հիշողության, ինչպես նաև սրտի խնդիրների մասին:

«Ռեալում» իմ ամենավատ հիշողությունը թիմից հեռանալու պահն է: Կարծում եմ՝ դա այնպես չեղավ, ինչպես պետք է լիներ նման կարգի թիմի և այնպիսի ֆուտբոլիստի միջև, որն այդքան երկար ժամանակ էր անցկացրել ակումբում: Ես հեռացա վշտացած:

Ինչ վերաբերում է սրտիս, ապա ես այնքան ուժեղ ցավ զգացի, կարծես կրծքավանդակս ջախջախվում էր: Ամենաահավորն այն էր, որ նախորդ օրը ես մարզվում էի ամբողջական ծրագրով, իսկ հաջորդ օրը չէի կարողանում ութ մետր քայլել՝ ննջարանից մինչև լոգարան»,- El Pais-ը մեջբերում է Իկերի խոսքը:

Միացի՛ր հայկական ամենասպորտային Instagram-ին: