«Կենդանական բնազդ». «Ֆիորենտինայում» խաղում էր 3 հոգու կյանք խլած տաղանդավոր ֆուտբոլիստ - VNews
Բաժիններ

«Կենդանական բնազդ». «Ֆիորենտինայում» խաղում էր 3 հոգու կյանք խլած տաղանդավոր ֆուտբոլիստ

nintchdbpict000001199680 - «Կենդանական բնազդ». «Ֆիորենտինայում» խաղում էր 3 հոգու կյանք խլած տաղանդավոր ֆուտբոլիստ
Խաղի մանրամասները

տուր

01 Հունվար 1970 - 02:56

-

-

Երբ «Ֆիորենտինայի» հետ պայմանագիր էր կնքում Ալեքսանդր Կոկորինը, ռուս հարձակվողի հանրային կերպարին ծանոթ երկրպագուները զարմացած էին. ինչպե՞ս են վստահում մի քանի հոգու դաժան ծեծի ենթարկած ֆուտբոլիստին: Վստահաբար Իտալիայում էլ են տղեյակ՝ ով է Ալեքսանդր Կոկորինը: Բայց հավատացել են նրա տաղանդին: Բացի դրանից, «մանուշակներն» առաջին անգամ չէ, որ ձեռք են բերում նման հակասական կերպարի: 1997 թվականին տրանսֆերային պատուհանից «եկած քամին» Ֆլորենցիա բերեց հարձակվողի, որին համարում էին 90-ականների ամենատաղանդավոր բրազիլացի գոլահարը: Անգամ ավելի տաղանդավոր, քան Ռոնալդոն: 

1995-ին տասնյակ բրազիլացիներ ականատես եղան միևնույն ժամանակ սովորական և խելագար պատկերի. տեղի սուպերաստղ Էդմունդուն գրեթե չորեքթաթ դիրքում դուրս է գալիս գիշերային ակումբից: Նրան օգնում է ոտքի կանգնել մի գեղեցկուհի, որի հագին գրեթե ոչինչ չկար: Մի կերպ նստելով իր Cherokee ամենագնացի ղեկին՝ Էդմունդոն գեղեցկուհու հետ շտապեց դեպի իր առանձնատուն՝ ինտիմի հույսով: Բայց ինտիմի փոխարեն եղավ աններելին: 

Նմանօրինակ երեկոները Էդմունդոյի կյանքում շատ են եղել: Պատճառները, ինչպես գրեթե միշտ են նկատելի լինում բրազիլացի խաղացողների (Ռոբինյո, Ռոնալդինյո, Մանսինի), պետք է փնտրել անցյալում: Էդմունդոն ծվել է 1971-ին Ռիոյում: Աղքատությունից դուրս գալու 2 ելք կար՝ մենապայքարային մարզաձևեր (օրինակ ջիու-ջիցու) և ֆուտբոլ: Գնդակով խաղը նրան բերեց փող ու հեղինակություն, բայց այնպես չէ, որ ձեռնամարտում Էդմունդոն իրեն լավ չէր զգում: 

edmundo the animal fifa conmebol alves de souza neto vasco da gama 960x637 - «Կենդանական բնազդ». «Ֆիորենտինայում» խաղում էր 3 հոգու կյանք խլած տաղանդավոր ֆուտբոլիստ

«O Animal»՝ այսպիսի մականուն ստացավ Էդմունդոն կարիերայի արդեն սկզբում: Այն թարգմանաբար նշանակում է «կենդանի»: Հետաքրքիրն այն է, որ «կենդանին» ընդհանրական մականունն է, քանի որ այդ «կենդանին» տարբեր տարիներին նման է եղել «հրեշի» (լավ իմաստով) և «անասունի» (ցանկանաք էլ, լավ իմաստով չի ընկալվի): Հակասական կերպարներով Էդմունդոն հանդես է եկել բացառապես բոլոր ակումբներում, որտեղ երբևէ երևացել է: Ավելի շատ նրան հիշում են «Վասկո դա Գամայում» և «Ֆլամենգոյում», որտեղ, գերազանց արդյունավետություն ու նախանձելի նպատակասլացություն ցույց տալուց զատ նա աչքի է ընկել զարհուրելի պահվածքով՝ փոխարինվելիս հարվածել է մարզչին, հայհոյել է երկրպագուներին, ծաղրել է ակումբի նախագահին, անտեսել է թիմակիցներին: 

Ինչպես իրեն հարգող յուրաքանչյուր բրազիլացի, Էդմունդոն պաշտում էր ազգային «կարնավալը»: Հենց այդ համազգային տոներից մեկը խաչ քաշեց 4 հոգու կյանքի վրա: 1995-ին Էդմունդոն անկառավարելի վիճակում իր «նորաթուխ» ընկերուհու հետ 200 կմ/ժ արագությամբ ճակատ-ճակատ բախվեց փոքրիկ Fiat-ի: ՃՏՊ-ի 4 մասնակցից 3-ը մահացան տեղում: Փրկվեց միայն Էդմունդոն, այն էլ ընդամենը գլխին 10 կար: Թվում էր՝ ֆեմիդան օբյեկտիվ կգտնվի և 3 հոգու մահվան պատճառ դարձած «կենդանին» կհայտնվի ճաղերի հետևում, սակայն դատը տևեց 17 տարի ու գործը փակվեց ոչնչով. 2012-ին այն փակվեց ժամկետանց լինելու պատճառով:

110614edmundo01 f 002 - «Կենդանական բնազդ». «Ֆիորենտինայում» խաղում էր 3 հոգու կյանք խլած տաղանդավոր ֆուտբոլիստ

«Այսքանով ավարտվեց այն, ինչ ինձ տանջում էր ավելի քան 17 տարի: Ես երջանիկ եմ, բայց խիղճս  տանջելու է մինչև կյանքիս վերջին վայրկյանը, քանի որ այն ցավը, որ ես պատճառել եմ զոհվածների ընտանիքներին ու հարազատներին, մեղմել չի ստացվի: Երբեք չեմ մոռանա այն, ինչ տեղի ունեցավ»: 

2012-ին Էդմունդոն արդեն մեծ մարդ էր, գուցե հասկացել էր իր արարքի զարհուրելիությունը, բայց դեպքի օրերին «ծովը նրա ծնկներից էր»: «Ֆլամենգոն», իհարկե, չցանկացավ «կենդանուն» պահել իր շարքերում: «Կորինտիանսում» 33 խաղում Էդմունդոն խփեց 23 գնդակ, բայց հարդերձարանում թիմակցին արնաշաղախ անելուց հետո նորից հայտնվեց տրանսֆերային շուկայում: «Վասկոն» որոշեց ևս մեկ շանս տալ տաղանդավոր հարձակվողին: Վերջապես դա աշխատեց. 1996-ին 25-ամյա Էդմունդոն սահմանեց բրազիլական Ա սերիայի ռեկորդ՝ 28 խաղում խփելով 29 գնդակ: Եվ դա այն դեպքում, որ այդ 28 խաղից 7-ը նա չի ավարտել՝ կարմիր քարտ ստանալու պատճառով: Եվրոպայում խաղալն արդեն ժամանակի հարց էր: 

3003948 61634688 2560 1440 960x540 - «Կենդանական բնազդ». «Ֆիորենտինայում» խաղում էր 3 հոգու կյանք խլած տաղանդավոր ֆուտբոլիստ

1997-ի ամռանը «Ինտերը» Ռոնալդոյի համար վճարեց 32 միլիոն դոլար: Պատկերացրեք «Ֆիորենտինայի» այն ժամանակների նախագահ Վիտորիո Չեկի Գորիի ուրախությունը, երբ ոչ պակաս տաղանդավոր հարձակվողը հայտնվեց Ֆլորենցիայում ընդամենը 7,6 մլն-ի դիմաց: Բայց բառի ուղիղ իմաստով կյանքին «մանուշակագույն» ակնոցներով նայող «Ֆիորենտինայի» ղեկավարությունը չէր սպասում, Էդմունդոյի տրանսֆերի վրա վատնած ամեն կոպեկը ամբողջ քաղաքի քթից է գալու: 

Նորամուտի մրցաշրջանում Էդմունդոն թույլ տեսք ուներ: Սեփական ուժերի նկատմամբ վստահություն գտնելու նպատակով նա հեռացավ Բրազիլիա: Բայց դե այնտեղ էլ հանգիստ չէր. մաստակի վերածված դատական գործը դեռ շարունակվում էր: Թարմանալուց հետո նա մի փոքր ակտիվացավ, սկսեց գոլեր խփել: Ապրիլին նա մարզավիճակ հավաքեց, դարձավ մեկնարկային կազմի խաղացող ու հրավիրվեց հավաքական՝ մասնակցելու ԱԱ-1998-ին, բայց դե էլ ինչ խոշոր մրցաշար առանց սկանդալի…

edmundo cafu e rivaldo sentados com a medalha de prata apos a derrota para a franca que se tornou campea em 1998 1308234541225 1024x768 960x720 - «Կենդանական բնազդ». «Ֆիորենտինայում» խաղում էր 3 հոգու կյանք խլած տաղանդավոր ֆուտբոլիստ

Զագալոն ամբողջ ընտրական ցիկլի ընթացքում խաղարկում էր Ռոնալդո-Ռոմարիո զույգը, սակայն Մունդիալից առաջ Ռոմարիոն վնասվածք ստացավ: Այնպես չէ, որ «գաճաճը» չէր հասցնի վերականգնվել. խմբային փուլում չէր խաղա, բայց փլեյ-օֆֆում հաստատ կօգներ: Զգուշավոր Զագալոն նախըտրեց Ռոմարիոյին առհասարակ չվերցնել ու նրա փոխարեն Ֆրանսիա տանել Էդմունդոյին: Երբեմնի լավագույն ընկերները վերածվեցին ամենաոխերիմ թշնամիների: Հավաքականից դուրս թռչելուց հետո Ռոմարիոն հայրենիքում բացեց ռեստորան, որի զուգարանի դուռը զարդարում էր Էդմունդոյի ծաղրանկարը: 

Մեր ընտրանին

Մունդիալից հետո Էդմունդոն առանց մեծ ցանկության վերադարձավ Ֆլորենցիա, սակայն նոր գլխավոր մարզիչը սկսեց հույսեր կապել բրազիլացու հետ: Ափսոս միայն, որ նա հույս չէր կապում ոչ ոքի հետ: Էդմունդոն գրեթե ամեն խաղում վիճում էր թիմի անվիճելի առաջատար Գաբրիել Բատիստուտայի հետ, գլխավոր մարզչի վրա բղավում էր փոփոխությունների պատճառով, իսկ փլեյմեյքեր Ռույ Կոշտայի հետ առհասարակ որևէ բառ չէր փոխանակում: Բայց ոչինչ. «Ֆիորենտինան» գնում էր դեպի իր բաղձալի սկուդետոն: Բայց «Միլանի» հետ չարաբաստիկ խաղում վնասվածք ստացավ Բատիստուտան: Աղետ: Տրապատոնին հասկանում էր. Սկուդետոն գրողի ծոցն է գնում, քանի որ փաստացի թիմը Բատիգոլից զատ ուներ միայն մեկ հարձակվող ու միևնույն ժամանակ չուներ: Էդմունդոն չցանկացավ ձեռք մեկնել վնասվածք ստացած թիմակցին ու ամենակաևոր պահին օգտվեց պայմանագրում առկա կետից, որը նրան թույլ էր տալիս մեկնելու կարնավալի, ու մի քանի շաբաթով անհետացավ հայրենիքում: Երբ Էմունդոն բարեհաճեց Ֆլորենցիա, ամեն ինչ ավարտված էր: «Ֆիորենտինան» միայն Բատիստուտայի առողջության հաշվին պահպանեց տեղը լավագույն եռյակում, իսկ բրազիլացուն մրցաշրջանի ավարտից ժամեր անց ճանապարհեցին տուն: 

Eh6S hiXkAAsNjq - «Կենդանական բնազդ». «Ֆիորենտինայում» խաղում էր 3 հոգու կյանք խլած տաղանդավոր ֆուտբոլիստ

Բրազիլիա վերադառնալուն պես Էդմունդոն հայտնվեց սկանդալի կենտրոնում: Որդու ծննդյան առաջին տարեդարձի օրը հսկա երեկույթ էր կազմակերպել: Հյուրերին ուրախացնելու համար նա հրավիրել էր «Պեդրինյո» անունով շիմպանզեի: Ամեն ինչ լավ էր այնքան ժամանակ, մինչև Էդմունդոյի խելքին փչեց ալկոհոլ հյուրասիրել….կապիկին: Այն էլ ինչ ալկոհոլ՝ նախ շամպայն, ապա վիսկի ու գարեջուր: Եթե սովորական մարդը չի դիմանում նման խառնուրդին, պատկերացրեք՝ ի՞նչ վիճակում կլիներ կապիկը: Էդմունդոն նորից հայտնվեց դատարանում՝ «Կենդանիների հանդեմ դաժան վերաբերմունքի» մեղադրանքով: Առավել քան պարադոքսալ է հնչում այս եզրույթը՝ հաշվի առնելով նրա մականունը: 

1 xxxxxxx 960x720 - «Կենդանական բնազդ». «Ֆիորենտինայում» խաղում էր 3 հոգու կյանք խլած տաղանդավոր ֆուտբոլիստ

Կարիերայի ավարտին Էդմունդոյի ու Ռոմարիոյի ճանապարհները նորից խաչվեցին: Էդմունդոն արդեն «Վասկոյում» էր, երբ իմացավ, որ ակումբը ձեռք է բերել Ռոմարիոյին: «Կենդանու» կենդանական զայրույթը չափ ու սահման չուներ, բայց նրան համոզեցին, որ Ռոմարիոն եկել է վարձավճարով: Ժամանակի ընթացքում նա հասկացավ, որ իրեն խաբել են: Ու դաշտում սկսեց այն, ինչ վերջերս արեցին Կավանին ու Նեյմարը: Բայց եթե ՊՍԺ-ի աստղները առանց լուրջ հայտարարությունների սահմանափակվեցին, Ռոմարիոն ու Էդմունդոն մեդիայում միմյանց վիրավորում էին ամենատգեղ ձևով, որի շրջանակում ամենամեղմ վիրավորանքը «խեղկատակն» էր: 

Ինչպես գրեթե միշտ է լինում, մարդը վերջում է հասկանում, որ իր թույլ տված աններելի սխալներն ու դրանք շտկելու ցանկության բացակայությունը հանգեցնում են տոտալ մենակության: 37 տարեկանում Էդմունդոն ավարտեց կարիերան ու նկատեց, որ շրջապատում այլևս ոչ ոք չկա: Սակայն 2008-ին նա ստացավ անակնկալ հեռախոսազանգ: 

578fe8ec3151a - «Կենդանական բնազդ». «Ֆիորենտինայում» խաղում էր 3 հոգու կյանք խլած տաղանդավոր ֆուտբոլիստ

«Ռոմարիոն ինձ զանգահարեց ու խնդրեց վերադառնալ «Վասկո», որի ղեկը նա ստանձնել էր: Ես երջանկությունից պարում էի, քանի որ անկախ մեր բոլոր վեճերից ու կռիվներից, նա եղել է, կա ու կմնա իմ միակ ու անկրկնելի ընկերը ֆուտբոլում ու դրա սահմաններից դուրս»: 

Կատարե՛ք խաղադրույք Ա սերիայի հանդիպումների վրա

Միացի՛ր հայկական ամենասպորտային Instagram-ին:


«Միլանը» երկու անպատասխան գնդակ ուղարկեց «Վենեցիայի» դարպասը (տեսանյութ)

«Յուվենտուսն» առաջին հաղթանակը տոնեց Ա Սերիայի ընթացիկ մրցաշրջանում (տեսանյութ)

Մխիթարյանը պատրաստվում է «Ուդինեզեի» դեմ խաղին (ֆոտո)

Ինչ ֆուտբոլ դիտել այսօր

«Ինտերը» կամային հաղթանակ տոնեց «Ֆիորենտինայի» նկատմամբ (տեսանյութ)

«Ինտերի» մեկնարկային կազմը «Ֆիորենտինայի» դեմ խաղի համար

Ինչ ֆուտբոլ դիտել այսօր

«Նապոլին» ջախջախեց «Ուդինեզեին» ու գլխավորեց Ա Սերիայի մրցաշարային աղյուսակը (տեսանյութ)

«Նապոլիի» մեկնարկային կազմը

Անչելոտին հաղթանակներ է մաղթել «Ռոմային»

Ինչ ֆուտբոլ դիտել այսօր

Մոուրինյոն՝ իր գլխավորությամբ «Ռոմայի» առաջին պարտության մասին

«Յուվենտուս» – «Միլան»՝ 1-1. թուրինյան ակումբը շարունակում է միավորներ կորցնել (տեսանյութ)

«Ռոման» գոլառատ խաղում պարտվեց, Մխիթարյանը մասնակցեց երկրորդ խաղակեսին (տեսանյութ)

«Յուվենտուս» – «Միլան». Մեկնարկային կազմեր

«Ռոմայի» մեկնարկային կազմը «Վերոնայի» դեմ խաղում