Կիելինի. «Ես «Միլանի» երկրպագու էի, բայց տարիների ընթացքում ավելի խելացի դարձա»

«Յուվենտուսի» պաշտպան Ջորջիո Կիելինին խոստովանել է, որ փոքր տարիքում երկրպագել է այլ իտալական ակումբի:

«Ցավոք, «Միլանի» երկրպագու եմ եղել, սակայն դա անցել է: Տարիների ընթացքում դարձել եմ ավելի խելացի: Մալդինին այդ ժամանակների իմ սիրելի ֆուտբոլիստն է:

Ես զույգ եղբայր ունեմ, որը «Յուվենտուսի» երկրպագու է, իսկ ես «Միլան», որպեսզի լինեի նրա դեմ: Կարո՞ղ եք պատկերացնել, որքան երջանիկ էր նա, երբ ինձ 20 տարեկանում գնեց «Յուվենտուսը»: Երբ ժամանեցի Թուրին, միանգամից սիրեցի այդ ակումբը: Հիմա մտածում եմ, որ դժվար է ամբողջ մոլորակում գտնել մեկին, որը սիրում է «Յուվենտուսը» ավելի շատ, քան ես»,-Կիելինիի խոսքերն է փոխանցում Football Italia-ն:

Պաշտպանը 2004-ին է տեղափոխվել «Յուվենտուս»: «Ծեր սինյորայի» կազմում նա անցկացրել է ավելի քան 500 հանդիպում ու հաղթել 18 գավաթ:

Միացի՛ր հայկական ամենասպորտային Instagram-ին: