fbpx

«Կլուժ ասեմ, կուլա դու լսիր». Ի՞նչ գիտենք «Ալաշկերտի» «վամպիր» մրցակցի մասին

Հայկական ֆուտբոլի պատմության…ավելի ճիշտ ակումբային ֆուտբոլի պատմության ամենափառավոր հուշատետրի լրացումը կատարվում է ամեն օր, ամեն վայրկյան: «Փյունիկը» նախօրեին ևս մեկ քայլ կատարեց դեպի անհաս փառքի ճամփան, դեպի հին մայրցամաքի ակումբային մրցաշարի փլեյ-օֆֆ փուլ: Հերթը Հայաստանի չեմպիոն «Ալաշկերտինն» է:

«Դեղինների» համար առաջիկա մրցակիցը ոչ պակաս բարդ ու հարուստ փորձ ունեցող է: «ՉՖՌ Կլուժը», թեպետ մեծ ավելի քան հարյուրամյա պատմություն ունի, սակայն մեծ նվաճումների է հասել վերջին 15 տարինեի ընթացքում՝ 4 անգամ դառնալով երկրի չեմպիոն, 4 անգամ տիրելով  երկրի գավաթին, 3 անգամ էլ Սուպերգավաթին: Բայց դա մեզ բացարձակապես ոչ հուզում է, ոչ էլ վախեցնում է….

Պատմություն

«ՉՖՌ Կլուժ» թեպետ գրվում է միասին, սակայն թիմը հավասարապես կոչում են ինչպես «Կլուժ», այնպես էլ ՉՖՌ: Կասեք «ի՞նչ գերբարդ հապավում է»: Լավ չէ՞ ՊՍԺ-ի պես՝ Փարիզի Սեն-Ժերմեն թաղամասի պատվին: Կլուժի պարագայում ՉՖՌ-ը խորհրդանշում է ռումինական երկաթգիծը:

«Կլուժի» հայրենի քաղաքը Կլուժ-Նապոկան է, այստեղից էլ անվանումը: Կլուժ-Նապոկան տեղակայված է Տրանսիլվանյա նահանգնում: Սարսափ, կիսասարսափ, թրիլլերային պատմություններ ու ֆիլմեր սիրողները միանգամից ակտիվացան. «Տրանսիլվանիա, Տրանսիլվանիա…վամպիրների հայրենիքը չէ՞»: Այո, այո: «Ալաշկերտի» մրցակից թիմի ակունքները տանում են արնախումների հայրենիք:

Իր ամբողջ պատմության ընթացքում «Կլուժը» դեգերել է ցածրագույն դիվիզիոններում: Հիմնադրումից ի վեր՝ 1907 թվականից սկսած մինչև 2007 թվականը «Կլուժը» էլիտայում անցկացրել է ընդամենը 13 մրցաշրջան, սուպերաստղեր երբեք չի ունեցել ու ցայսօր չունի: Սակայն 2007/2008 մրցաշրջանի չեմպիոնությունից հետո եկան փառքն ու մեծ փողերը, առաջին Չեմպիոնների լիգան, Հռոմում մեգասենսացիոն հաղթանակը «Ռոմայի» նկատմամբ ու «Չելսիի» հետ հերոսական ոչ-ոքին:

Ու՞մ է պետք ուշադրությամբ հետևել և ինչու

Ռումինական ֆուտբոլի առաջին, ու երևի թե վերջին հզոր ու անմոռանալի առաջատարը Գեորգի Հաջին է (թող ինձ ներեն տաղանդավոր թմրամոլ Ադրիան Մուտուի երկրպագուները, եթե նրանք կան): Սակայն գրեթե երբեք եվրոպական ասպարեզ դուրս եկած ռումինական ակումբները վառ արտահայտված առաջատար, առանձին աստղ չեն ունեցել: 10 տարի առաջ ՉԼ մուտք գործած «անդերդոգ» «Կլուժին» կամ էլ դրանից հետո «Օցելուլ Գալատի» տարօրինակ անունով ռումինական ակումբներին դա վերաբերվում է հատկապես:

Ինչպես հատուկ է եվրոպական միջակ հավաքականներին ու ակումբներին, այստեղ գերիշխում է միասնական թիմային ոգին: Իսկ նման կոլեկտիվներում առաջատարը լինում է թիմի ավագը: «Կլուժի» ավագը ձախ լատերալ Կամոռան է: Պորտուգալացի ֆուտբոլիստը վաղուց է տնավորվել Ռումինիայում՝ 2011 թվականից: Այս ընթացքում Կամոռան հասցրել է անցկացնել ավելի քան 208 պաշտոնական հանդիպում:

Կամոռան վառ արտահայտված ձախ եզրային ֆուլ-բեք է, որը կոչված է ամբողջությամբ տնօրինելու ձախ թևը: Իր նախկին ակումբը՝ «Նավալը» հիմնականում խաղում էր 3 կենտրոնական պաշտպանով, իսկ Կամոռան փակում էր ձախ եզրը (Ռումինիայի առաջնության Ռոբերտո Կառլոս): Կլուժն այս տասնամյակի սկզբում ևս այդպես էր խաղում, սակայն հետագայում մարզչական փոփոխությունների արդյունքում Կամոռան դարձավ մաքուր եզրային պաշտպան:

31-ամյա պաշտպանը ոչ միայն հստակորեն տնօրինում է պաշտպանությունը, այլև իսկական առաջատար է հանդերձարանում: Նրա խոսքին անվերապահորեն վստահում են թիմակիցները, նրան հավատարմության համար սիրում են տեղի երկրպագուները (այդ թվում և վամպիրները):

Հետևե՛ք VNews.am-ին նաև Youtube-ում և Instagram-ում:

1 2 3

Որ թիմը լավագույն արդյունքն ունի եվրագավաթների խմբային փուլերում

«Արսենալի» հավանական մեկնարկային կազմը «Քարաբախի» դեմ՝ ըստ VNews-ի

Խաշմանյանի «Ալաշկերտի» և Ոսկանյանի «Ալաշկերտի» ցուցանիշները կրկնվել են

Հերոս, որը վերածվեց Persona non grata-ի․ 5 «համեմունք», որ ավելի ախորժելի դարձրեցին Բարձրագույն խումբը

«Փյունիկը» և «Լեգանեսը» համագործակցության համաձայնագիր են կնքել

«Ալաշկերտի» նախկին հարձակվող Հեբերի հրաշալի գոլը Խորվաթիայի փոխչեմպիոնի կազմում (տեսանյութ)

Որ թիմն է «ռեկորդակիր» Հայաստանում դեղին և կարմիր քարտերի ընդհանուր քանակով

«Փյունիկը» կբողոքարկի ՀՖՖ կարգապահական կոմիտեի կայացրած որոշումը

«Ալաշկերտից» հեռացել է ևս 2 ֆուտբոլիստ

Կլիներ ցնցող թիմ․ Բարձրագույն խմբի աշնանային հատվածի խորհրդանշական հավաքականը

«Փյունիկը» տուգանվել է, Անդրեյ Տալալաևը երկարաժամկետ որակազրկում ստացել

Ռուսլան Կորյանն ու ևս 2 ֆուտբոլիստներ հեռացել են «Փյունիկից»

«Բանանցը» դուրս եկավ «կոմայից», «Ալաշկերտն» էլ «երկնքից ցած իջավ»

Պաշտոնական. Արտյոմ Սիմոնյանը՝ «Արարատի» ֆուտբոլիստ

ՊԱՇՏՈՆԱԿԱՆ. ՉԼ-ից և ԵԼ-ից բացի ՈւԵՖԱ-ի հովանու ներքո ևս 1 ակումբային մրցաշար կանցկացվի

Ինչպես «Արարատն» ավելի քան 2 տարի անց կրկին հաղթեց «Ալաշկերտին»․ VNews.am-ի ֆոտոշարքը