«Կլուժի» մարզիչ. «Մխիթարյանը եկավ ու մեզ ասաց, որ 11 մետրանոց չկար»

Եվրոպա լիգայի խմբային փուլի 4-րդ տուրում «Ռոման» 2։0 հաշվով հաղթանակի հասավ «Կլուժի» նկատմամբ։ Ռումինական ակումբի գլխավոր մարզիչ Դան Պետրեսկուն անդրադարձել է դրվագին, երբ Մխիթարյանի նկատմամբ խախտումից հետո մրցավարը 11 մետրանոց նշանակեց։

«Մենք բաց թողեցինք մեկ գնդակ ու մյուսը, իհարկե, մրցավարն էր։ Որակական տեսանկյունից տարբերությունը «Ռոմայի» օգտին էր, բայց մենք միայնակ էինք խաղում։ Եղավ առաջին գոլը, հետո մրցավարը հոգ տարավ երկրորդի մասին։ Եթե դա 11 մետրանոց էր…նույնիսկ «Ռոմայի» ֆուտբոլիստները ինձ ասացին, որ չկար խախտում, Ժեզուսը մոտեցավ պահեստայիններին, իսկ Մխիթարյանը ասաց. «Առեղծված է։ Ես ոչինչ չեմ խնդրել։ Մրցավարը նշանակեց»,-պատմել է մարզիչը։

Միացի՛ր հայկական ամենասպորտային Instagram-ին: