«Քնեց եղբոր կնոջ հետ ու լեգենդից վերածվեց դավաճանի». Ռայան Գիգսի անսահման ստորությունը - VNews
Բաժիններ

«Քնեց եղբոր կնոջ հետ ու լեգենդից վերածվեց դավաճանի». Ռայան Գիգսի անսահման ստորությունը

giggss - «Քնեց եղբոր կնոջ հետ ու լեգենդից վերածվեց դավաճանի». Ռայան Գիգսի անսահման ստորությունը

«Մանչեսթեր Յունայթեդի» 11 համարը բոլորի աչքերում միշտ էլ իդեալական է թվացել: Անգլիայի պատմության ամենատիտղոսակիր ֆուտբոլիստը նվաճել է չեմպիոնական 13 տիտղոս, «Յունայթեդի» կազմում անցկացրել է 1000-ից ավելի հանդիպում: Բոլորն էլ՝ առանց կարմիր քարտի: Ընդ որում՝ Գիգսին երբեք չեն ձերբակալել հարբած վիճակում, նա ոչ մեկին ռեստորանում կամ բարում չի ծեծել, վթարների չի ենթարկվել, իր կնոջ՝ Սթեյսի Կուկի հետ ապրել է երջանիկ կյանքով, դաստիարակել է 2 երեխայի: Գիգսի անվան ու հավատարմության միջև հավասարության նշան էր դրվում: Սակայն սեռաքաղցությունը ամեն ինչ ուղարկեց գրողի ծոցը:

2011 թվականի ապրիլին The Sun-ը շոկի ենթարկեց ֆուտբոլային աշխարհին. աղբյուրի տեղեկություններով «Մանչեսթեր Յունայթեդի» ֆուտբոլիստը, որի անունը հրապարակման ենթակա չէր, , դավաճանում է իր կնոջը հաղորդավարուհի Իմոջեն Թոմասի հետ: 1 ամիս անց՝ Չեմպիոնների լիգայի եզրափակիչ խաղից առա,ջ Sport.es-ը հրապարակեց ֆուտբոլիստի անունը. իր կնոջը դավաճանում է Ռայան Գիգսը: Ավելի ուշ հայտնի դարձավ, որ Գիգսը նախօրոք իմացել է անգլիական մամուլի հրապարակման մասին և իր անունը չնշելու համար վճարել է 160 հազար եվրո: Ներսում ստացվեց թաքցնել, բայց դրսի աշխարհի մամուլին Գիգսի փողերը չէին հետաքրքրում:

giggs - «Քնեց եղբոր կնոջ հետ ու լեգենդից վերածվեց դավաճանի». Ռայան Գիգսի անսահման ստորությունը

Գիգսի սիրուհին անկեղծացել է՝ ասելով, որ ֆուտբոլիստը «զզվել է իր ընտանիքից, կնոջը չի սիրում և պատրաստվում է ամուսնալուծվել ու կյանքը շարունակել նրա հետ»: Բայց Ռայան Գիգսը չէր էլ պատրաստվում բաժանվել կնոջից: Ավելին. Իմոջեն Թոմասի ու Սթեյսի Կուկի համար իսկական բացահայտում էին Նատաշայի՝ Ռայան Գիգսի եղբայր Ռոդրիի կնոջ սեքսուալ անկեղծացումները: 2011 թվականի սեպտեմբերին Գիգսի կյանքը վերածվեց դժոխքի:

Մեր ընտրանին

Նատաշան պատմել է Ռայան Գիգսի հետ ծանոթացել է երեկույթի ժամանակ, որին ներկա էր նաև Ռոդրին: Նրանք մի քանի անգամ հանդիպել են, բայց գեղեցկուհին որոշեց իր կյանքը կապել աստղային ֆուտբոլիստի եղբոր հետ: Ռայանը գտավ իր «քաղցը» բավարարելու այլ տարբերակ: Շատ արագ նա ծանոթացավ մոդել Սթեյսի Կուկի հետ: Կարճ ժամանակ անց եղբայրները ամուսնացան: Սակայն «Մանչեսթեր Յունայթեդի» ֆուտբոլիստը իր քենուն մտքից հանել չկարողացավ. նա շարունակում էր եղբոր կնոջ հետ ֆլիրտը, ուղարկում էր մերկ լուսանկարներ և առաջարկում էր ինտիմ:

5a6031ad18c773180c265da0 - «Քնեց եղբոր կնոջ հետ ու լեգենդից վերածվեց դավաճանի». Ռայան Գիգսի անսահման ստորությունը

Իր հարցազրույցում Նատաշան պատմում է, որ Գիգսը նրան պարտադրում էր մտնել հարաբերությունների մեջ: Սակայն այդ կապը տևեց 8 տարի, հետևաբար, պարտադրանքի վերաբերյալ պնդումներն անընդունելի են: Միևնույն ժամանակ գեղեցկուհին չի հերքում, որ իրեն գրավում էր աստղի սիրուհին լինելու գաղափարը: Այդ 8 տարվա ընթացքում Նատաշան մայրացել է: Daily Mail-ը գրում է, որ Ռայան Գիգսի՝ հավանական հայրության մասին խոսակցությունները չեն բարձրաձայնվում: Աղբյուրը առաջ քաշեց ևս մեկ վարկած, ըստ որի, Ռայան Գիգսի քենին հանդիպել է «Մանչեսթեր Յունայթեդի» ևս 3 ֆուտբոլիստի՝ Դուայթ Յորքի, Ֆիլ Բարդսլիի ու Դենի Սիմփսոնի հետ:

Հարազատ եղբոր ու կնոջ սարսափելի դավաճանության մասին Ռոդրին իմացավ մամուլից: «Ես անմիջապես զանգարահեցի Ռայանին ու փորձեցի հասկանալ՝ ինչ է կատարվում: Նա ինձ վստահեցրեց, որ լրագրողները հերթական աղմուկն են բարձրացրել ու ստում են: Սակայն, հասկանալով, որ ամեն ինչ արդեն ջրի երես է դուրս եկել, նա անկեղծացավ, որ Նատայի հետ նրան կապել է բացառապես սեքսը: Նա ոչնչացրեց իմ ընտանիքը իր բավարարվածության համար», – ասել է Ռոդրի Գիգսը:

importedImage312672 header 960x540 - «Քնեց եղբոր կնոջ հետ ու լեգենդից վերածվեց դավաճանի». Ռայան Գիգսի անսահման ստորությունը

Սառը գլխով դատելուց հետո զույգը փորձեց կարգավորել հարաբերությունները՝ սակայն 2 տարվա տանջանքից հետո Նատաշան ու Ռոդրին ամուսնալուծվեցին: Դավաճանված եղբոր համբավը վերջակետ դրեց նրա աշխատանքային կարիերային (Ռոդրին բեռնափոխադրման ծառայությունում էր աշխատում): Նա ստիպված 0 գումարով վերադարձավ հարազատ Ուելս՝ ծնողների մոտ: «Յունայթեդի» աստղի քայլը փորձում էին արդարացնել նրա հարազատները, սակայն եթե ինչ-որ մոդելի հետ կապը կարելի էր ներել, հարազատ եղբոր կնոջ հետ կապը չէր տեղավորվորվում բանական մարդու ուղեղում:

«Ես նույնիսկ նրա անունը տալ չեմ կարողանում: Միշտ օգտագործում եմ «նախկին ֆուտբոլիստ» եզրույթը: Ես հիմա պետք է լինեի ամենաերջանիկ հայրն աշխարհում, հպարտանայի նրա նվաճումներով, սակայն ես ամաչում եմ նրանից, գլուխս կախ եմ շրջում փողոցում», – ասել է Ռայան Գիգսի հայրը:

Ռայան Գիգսի կինը՝ Սթեյսի Կուկը, ամուսնհու հետ կարգավորեց հարաբերությունները՝ ամուսնուն ուղարկելով անգամ հատուկ թերապիաների, սակայն ամեն ինչ ապարդյուն էր. Գիգսը նորից կապվեց երկու սիրուհու հետ: Նրանցից առաջինը՝ Հելեն Սթելինգ Հոլտը, Գիգսից փոքր էր 15 տարով: Նա ելույթ էր ունենում «Մանչեսթեր Յունայթեդի» միջոցառումների ժամանակ, Գիգսի հետ տարբեր ժամանակահատվածներով եղել է ԱՄՆ-ում և Դուբայում: Գիգսի երկրորդ սիրուհին Քեյթ Գրևիլն էր (նրա անունը ֆիքսեք՝ դեռ կանդրադառնանք նրան): 2016-ին Գիգսի ընտանիքը վերջնակապես քանդվեց. նա կնոջ ներկայությամբ ֆլիրտ էր անուն բառի մատուցողուհիների հետ:

PAY PROD Manchester United Assistant Manager Ryan Giggs 960x720 - «Քնեց եղբոր կնոջ հետ ու լեգենդից վերածվեց դավաճանի». Ռայան Գիգսի անսահման ստորությունը

Սեքսուալ սկանդալները Ռայան Գիգսի կարիերան կործանեցին ոչ միանգամից, այլ կամաց-կամաց: 2011 թվականին սենսացիոն բացահայտումներից հետո «Յունայթեդում» դրա վերաբերյալ կար 0 վերաբերմունք. Գիգսը թիմի լեգենդն էր, որին դեմ գնալը սխալ կընկալվեր: Ակումբի նախագահ Էդ Վուդվորդը ուելսցի ֆուտբոլիստին տեսնում էր Ժոզե Մոուրինյոյի մարզչական շտաբում, սակայն պորտուգալացի մասնագետը կտրականապես դեմ արտահայտվեց այդ գաղափարին, The Times-ի տեղեկություններով՝ Մոուրինյոն չէր ցանկանում աշխատել մի մարդու հետ, որը ցինիկորեն խաբել է սեփական եղբորը:

2 տարի Գիգսն իրեն փորձում էր հեռուստատեսային ասպարեզում և աշխատում էր որպես ֆուտբոլային փորձագետ: 2018-ին նա վերջապես ստացավ իր կյանքի գլխավոր առաջարկը և գլխավորեց Ուելսի հավաքականը: Սակայն շնորհավորանքների փոխարեն արժանացավ սեփական ընտանիքի արհամարանքին: Հոր խոսքով, ամեն անգամ, երբ Ռայան Գիգսը հայտնվում էր էրկրանին, ընտանիքի բոլոր անդամները փոխում էին ալիքը:

Մարզչական աշխատանքի անցնելուց հետո, կարծես, Գիգսի կյանքը խաղաղվեց: Բոլորը սկսեցին ուշադրություն դարձնել իր պրոֆեսիոնալ գործունեության վրա, նրա «կեղտոտ անկողնու» մասին թեմաներն անցան երկրորդ պլան: Նրա հետ Ուելսը հաջողությամբ որակավորվեց Եվրո 2020-ի, իսկ եղբոր հետ հարաբերությունները կարգավորվեցին. նրանց միասին նկատել էին գարեջուր խմելիս: Սակայն, ինչպես ասում են, «կարմիր կովը կաշին չի փոխում» (Գիգսի պարագայում «կարմիր սատանան»):

2020 թվականի նոյեմբերի 1-ին Ռայան Գիգսին բերման ենթարկեցին ոստիկանության բաժանմունք իր սիրուհու՝ Քեյթ Գրևիլի (այն նույն սիրուհու) դիմումի հիման վրա: Քեյթը զանգահարել էր իրավապահ մարմիններին ու հայտնել, որ Գիգսն իրեն ծեծի է ենթարկել: BBC-ի հաղորդմամբ, այդ փաստը հաստատել են հիվանդանոցում:

PRI 171110527 960x504 - «Քնեց եղբոր կնոջ հետ ու լեգենդից վերածվեց դավաճանի». Ռայան Գիգսի անսահման ստորությունը

The Sun-ին հայտնի է դարձել, զույգի կռվի պատճառը նույնն է. Քեյթը նկատել է, որ Գիգսը ֆլիրտ է անում 2 կնոջ հետ միաժամանակ: Վեճ է ծագել, և Գիգսը ձեռք է բարձրացրել իր սիրուհու վրա: Լեգենդար ֆուտբոլիստը ազատ արձակվեց գրավի դիմաց, նրա փաստաբանները պնդում են, որ բոլոր մեղադրանքները չեն համապատասխանում իրականությանը: Բայց հետևանքները շատ դառն են.

  •  Գիգսին ժամանակավորապես ազատել են Ուելսի հավաքականից. նրա փոխարեն հավաքականը մարզում է Ռոբերտ Փեյջը:
  • Ռայան Գիգսի գործի նախաքննությունն ավարտվել է ու տեղափոխվել է դատարան: Մայիսի 1-ին կկայացվի վճիռը:
  • Եթե նրան մեղավոր ճանաչեն, Գիգսը կունենա լուրջ խնդիրներ ՝ընդհուպ մինչև ազատազրկում: Բնականաբար, այդքան երազելի Եվրոյի մասին կարելի է մոռանալ:

Ռայան Գիգսը ֆուտբոլի պատմության լավագույն ներկայացուցիչներից մեկը: Չի բացառվում, որ արդեն հիմա նա լիներ Զինեդին Զիդանի մակարդակի թոփ մասնագետ, սակայն դրա փոխարեն ուելսցի ֆուտբոլիստը սեփական ձեռքով կործանեց իր մարզչական կարիերան ու ընտանիքի անդամների կյանքը: Իսկ հիմա ամենացավալին. Գիգսը ունի բոլոր հնարավորությունները վերջ տալու ինքնախարազանման գործընթացը և սկսել ամեն ինչ 0-ից, սակայն նրան, ըստ երևույթին, 0 լինելը դուր է գալիս:

Կատարե՛ք խաղադրույք Պրեմիեր Լիգայի հանդիպումների վրա

Միացի՛ր հայկական ամենասպորտային Instagram-ին:


«Մանչեսթեր Յունայթեդը», «Արսենալն» ու «Վիլյառեալը» Եվրոպա լիգայի կիսաեզրափակիչում են (տեսանյութ)

«Սենսացիոն քայլ»․ Անգլիական գրանդը հավատում է, որ կգնի Քեյնի տրանսֆերը

«Ռեալի» պաշտպանը բանակցում է անգլիական գրանդի հետ

WOW գոլեր. Շրջադարձ հարվածներով Չեմպիոնների լիգայի պատմության լավագույն գնդակները (տեսանյութ)

«Նա ֆանտաստիկ տրանսֆեր կլինի «Մանչեսթեր Յունայթեդի» համար»․ Ռիո Ֆերդինանդ

Արտահայտություններ, որոնք փոխում են խաղը․ ինչ են խոսում ֆուտբոլիստները դաշտում

Ռոնալդուն կվերադառնա՞ ԱՊԼ․ անգլիական գրանդն ու «Յուվենտուսը» մտադիր են փոխանակում կատարել

«Խելահեղ Մաքսը». Մարզչական կարիերան շարունակելու 5 տարբերակ Ալեգրիի համար

Ճանաչված դարպասապահին 36 մետրից գլխով գոլ են խփել (տեսանյութ)

ԱՊԼ-ում VAR-ը չի արձանագրել գոլը, որը, ըստ ամենայնի, կանոնների սահմաններում էր (տեսանյութ)

Forbes. Աշխարհի ամենաարժեքավոր ֆուտբոլային ակումբները

«Արսենալը» խոշոր հաշվով հաղթեց արտագնա խաղում (տեսանյութ)

Սուլշերը՝ Սոնի դրվագի մասին. «Եթե որդիս խոտածածկին 3 րոպե մնար պառկած, կզրկվեր ընթրիքից» (տեսանյութ)

Մոուրինյո. «Ընդհանրապես արժանի չէինք այս արդյունքին»

«Մանչեսթեր Յունայթեդը» կամային հաղթանակ տոնեց Լոնդոնում (տեսանյութ)

Գոլառատ խաղում «Վեսթ Հեմը» հաղթեց «Լեսթերին» (տեսանյութ)