Կորոնավիրուսը «փողոցում է թողել» Քրիստիան Էրիկսենին

Կորոնավիրուսը շարունակում է գրոհել Իտալիային, որի արդյունքում տուժում են այնտեղ հանդես եկող ֆուտբոլիստները:

Ինչպես տեղեկացնում է Marca-ն, «Ինտերի» կիսապաշտպան Քրիստիան Էրիկսենը, որը հունվարին էր տեղափոխվել միլանյան ակւոմբ «Տոտենհեմից», դեռ չէր հասցրել տուն գնել Միլանում ու բնակվում էր Լոմբարդիայի հյուրանոցներից մեկում: Այդ հյուրանոցը, սակայն, կորոնավիրուսի պատճառով փակվել է, դանիացին էլ մնացել առանց ապաստանի: Աղբյուրի փոխանցմամբ՝ «Ինտերը» բավական արագ է արձագանքել ու մարզաբազայից սենյակ հատկացրել կիսապաշտպանին:

Իտալիայում կորոնավիրուսը շարունակում է ակտիվ զարգանալ. մարտի 14-ի տվյալներով հիվանդությամբ վարակվածների թիվը գերազանցում է 17 հազարը:

Միացի՛ր հայկական ամենասպորտային Instagram-ին: