Կրոսին հարց է ուղղվել Մբապեի և Հալանդի՝ «Ռեալ» հնարավոր տեղափոխության մասին

Մադրիդի «Ռեալի» կիսապաշտպան Տոնի Կրոսն անդրադարձել է հարձակվողներ Կիլիան Մբապեին (ՊՍԺ) և Էրլինգ Հալանդին («Բորուսիա Դորտմունդ»), որոնք, ըստ մամուլում շրջանառվող լուրերի, կարող են տեղափոխվել «Արքայական ակումբ»:

«Նրանք շատ լավ ֆուտբոլիստներ են և կարող են օգնել ցանկացած թիմի, բայց այդ տղաները չեն կարող խաղադաշտ դուրս գալ «Ատալանտայի» դեմ վաղը կայանալիք մրցավեճում:

Նրանց վերաբերող հարցերն ինձ հիմա չեն անհանգստացնում, այդ թեմայով պետք է դիմել ակումբի նախագահ Ֆլորենտինո Պերեսին»,- Կրոսի խոսքերը մեջբերում է Mundo Deportivo-ն:

Մբապեն Ֆրանսիայի ընթացիկ առաջնությունում և Չեմպիոնների լիգայի գավաթի 2020/21թթ․ խաղարկությունում համատեղ մասնակցել է 28 խաղի՝ դառնալով 21 գոլի ու 8 արդյունավետ փոխանցման հեղինակ:

Հալանդը Գերմանիայի Բունդեսլիգայի ընթացիկ առաջնությունում և Չեմպիոնների լիգայի գավաթի 2020/21թթ․ խաղարկությունում համատեղ անցկացրել է 22 մրցավեճ՝ իր ակտիվում գրանցելով 24 գոլ ու 4 գոլային փոխանցում:

«Ռեալը» կծախսի 852 միլիոն եվրո, եթե ձեռք բերի և՛ Մբապեին, և՛ Հալանդին

Միացի՛ր հայկական ամենասպորտային Instagram-ին: