Կուլիբալին կարիերան շարունակելու նոր տարբերակ ունի

«Նապոլիի» պաշտպան Կալիդու Կուլիբալին մրցաշրջանի ավարտից հետո, հնարավոր է, փոխի ակումբային գրանցումը։ Իտալական ԶԼՄ-ները գորւմ են, որ սենեգալցի ֆուտբոլիստի ծառայություններով հետաքրքրված է անգլիական «Լիվերպուլը»։

Tuttomercadoweb-ը գրում է, որ «մերսիսայդցիների» ղեկավարությունը դիտարկում է Կուլիբալիին որպես թիմի հիմնական կազմի ֆուտբոլիստ ու ցանկանում է վան Դեյկի հետ ձևավորել կենտրոնական պաշտպանների անկոտրում զույգ։ Աղբյուրի պնդմամբ, եթե Կուլիբալին համաձայնի տեղափոխվել «Լիվերպուլ», անգլիական ակումբը տրանսֆերի պետք է հանի վան Դեյկի այսօրվա թիմակից Ժոել Մատիպին։

28-ամյա Կուլիբալին այս մրցաշրջանի բոլոր մրցաշարերում միասին անցկացրել է 21 հանդիպում, արդյունավետ գործողություններով աչքի չի ընկել, արժանացել է 5 դեղին ու 1 կարմիր քարտի։

Միացի՛ր հայկական ամենասպորտային Instagram-ին: