Լեմպարդը՝ «Արսենալի» դեմ խաղի մասին. «Չելսին» խաղաց առանց էներգիայի ու կրքի»

Ինչպես արդեն տեղեկացրել ենք, լոնդոնյան դերբիում «Չելսին» 1-3 հաշվով զիջել է «Արսենալին»: Խաղից հետո «ազնվականների» գլխավոր մարզիչ Ֆրենկ Լեմպարդն ամփոփել է հանդիպումը:

«Երկրորդ խաղակեսում մենք ավելի ակտիվ էինք, սակայն արդեն ուշ էր: Առաջին կեսում մենք մեզ համար չափազանց շատ խնդիրներ ստեղծեցինք, թույլ էինք: Չի կարելի Պրեմիեր լիգայում խաղալ առանց էներգիայի ու կրքի, իսկ մենք այդպես էինք խաղում:

Երբ սկսում ես խաղալ պահանջվող մակարդակից ցածր, ապա Սակայի գոլի նման բաներ են լինում: Սա է կյանքը: Մեկ այլ օր մենք կարող էինք իրացնել 11-մետրանոցը, քամբեք կատարել, բայց ոչ այսօր»,- BBC-ն մեջբերում է Լեմպարդի խոսքը:

Միացի՛ր հայկական ամենասպորտային Instagram-ին: