L’Équipe․ Մբապեն որոշում է կայացրել իր ապագայի վերաբերյալ

ՊՍԺ-ի հարձակվող Կիլիան Մբապեն կմնա «Ռեալի» գլխավոր տրանսֆերային թիրախը, սակայն ոչ թե առաջիկա, այլ 2021 թվականի ամառային տրանսֆերային պատուհանին՝ գրում է L’Équipe-ը։

Աղբյուրը նշում է, որ կորոնավիրուսի համաճարակի պատճառով ստեղծված ֆինանսական ծանր իրավիճակում Մբապեն չի պատրաստվում ՊՍԺ-ին ստիպել վաճառքի հանել իր տրանսֆերը։

Մբապեն, որի պայմանագրի ժամկետը լրանում է 2022 թվականի ամռանը, պատրաստվում է ևս մեկ մրցաշրջան անցկացնել ֆրանսիական ակումբի կազմում՝ անկախ Չեմպիոնների լիգայի ընթացիկ մրցաշրջանում թիմի արդյունքից։

«Ռեալն» իր հերթին համակերպվել է 2022 թվականին տրանսֆերի համար պայքար մղելու մտքին, ու թիմը գրեթե բացառում է, որ այս տարի Մբապեին թիմ հրավիրելու հնարավորությունն իրականությանը մոտ է։

Միաժամանակ նշվում է, որ ՊՍԺ-ի ու Մբապեի փոխհարաբերությունները շարունակում են լարված մնալ։ Ֆրանսիացին կարող է համաձայնել նոր պայմանագիր կնքելուն, եթե պայմանագրում հատուկ կետ լինի, որ Մբապեն կարող է ողջամիտ փոխհատուցման դիմաց տեղափոխվել «Ռեալ» կամ եվրոպական մեկ այլ գրանդ ակումբ։

Կավանի, Սիլվա, Վիլիան. 11 խաղացողներ, որոնք ամռանը կդառնան ազատ գործակալներ

Միացի՛ր հայկական ամենասպորտային Instagram-ին: