Լևանդովսկի. «Որակի առումով ավելի ուժեղ ենք «Բորուսիայից»

«Բավարիայի» հարձակվող Ռոբերտ Լևանդովսկին մեկնաբանել է Դորտմունդի «Բորուսիայի» իրականացրած տրանսֆերներն ու համեմատել մյունխենյան ակումբի հետ:

«Դորտմունդը բավական լավ է աշխատել ու շատ բան արել: Նրանք երկար կազմ ունեն, բայց գլխավորը քանակը չէ, այլ՝ որակը: Եվ ես մի հարցում վստահ եմ. Որակի առումով մենք ավելի ուժեղ ենք նրանցից:

Ես շատ գոհ եմ մեր իրականացրած տրանսֆերային պատուհանից: Զրուցեցի ակումբի ղեկավարության հետ ու հասկացա, որ նրանք պատրաստվում են լավ ձեռքբերումներ կատարել: Մենք այժմ ունենք ոչ միայն հզոր մեկնարկային կազմ, այլ նաև ֆուտբոլիստների, որոնք կարող են փոխարինման դուրս գալով խաղի ելք վճռել», – լեհ հարձակվողի խոսքերն է փոխանցում Sport Bild-ը:

Միացի՛ր հայկական ամենասպորտային Instagram-ին: