Լևոն Արոնյանի վարկանիշը վատագույնն է վերջին 9 տարիների ընթացքում

ՖԻԴԵ-ն հրապարակել է հունիսի վարկանիշային աղյուսակը: Վերջին շրջանում վարկանիշային աղյուսակում ցուցանիշները կտրուկ վատթարացրած Լևոն Արոնյանը պահպանել է նախորդ ամսվա թե վարկանիշը (2764), թե զբաղեցրած 12-րդ հորիզոնականը:

Վերջին 9 տարիների ընթացքում սա Արոնյանի ամենացածր անհատական վարկանիշն է: Վերջին անգամ ավելի ցածր վարկանիշ (2754) հայ գրոսմայստերն ունեցել է 2009թ. ապրիլին՝ զբաղեցնելով 6-րդ հորիզոնականը:

Վարկանիշային ցուցակը նախկինի պես գլխավորում է աշխարհի գործող չեմպիոն Մագնուս Կառլսենը (2843), ով պահպանել է վարկանիշը: Լավագույն հնգյակում են նաև Ֆաբիանո Կարուանան (2816), Շահրիյար Մամեդյարովը (2808), Դին Լիժենը (2798) և Վլադիմիր Կրամնիկը (2792):

ՖԻԴԵ-ի հունիսի վարկանիշային աղյուսակի 100 ուժեղագույնների շարքում տեղ են զբաղեցրել Հայաստանի ևս երեք ներկայացուցիչներ՝ Գաբրիել Սարգսյանը, Հրանտ Մելքումյանը և Վլադիմիր Հակոբյանը:

Հետևե՛ք VNews.am-ին նաև Youtube-ում և Instagram-ում: