fbpx

Լևոն Արոնյանը կմասնակցի Grand Chess Tour-ի հերթական փուլերին

Ամերիկյան Սենթ Լուիս քաղաքը մոտ երեք շաբաթ կհայտնվի շախմատասերների ուշադրության կենտրոնում: Օգոստոսի 11-15-ն այնտեղ կանցկացվի շախմատի Grand Chess Tour-2018 մրցաշարի 3-րդ փուլը, որում 10 մասնակիցներն իրենց հարաբերությունները կպարզեն արագ և կայծակնային շախմատի մրցախաղերում: Իսկ օգոստոսի 18-27-ը Սենթ Լուիսը կհյուրընկալի շախմատի Grand Chess Tour-2018 մրցաշարի 4-րդ փուլի մասնակիցներին, որոնք կվիճարկեն Սինկֆիլդի գավաթը:

Հայկական շախմատի առաջատար Լևոն Արոնյանը կմասնակցի երկու մրցաշարերին էլ: Առաջին մրցաշարում Արոնյանի մրցակիցները կլինեն Ֆաբիանո Կարուանան, Շահրիյար Մամեդյարովը, Ուեսլի Սոն, Մաքսիմ Վաշիե-Լագրավը, Սերգեյ Կարյակինը, Հիկարու Նակամուրան, Վիշվանաթան Անանդը, Ալեքսանդր Գրիշչուկը և Լենյեր Դոմինգեսը:

Սինկֆիլդի գավաթի խաղարկությունում մասնակիցների կազմում միայն մեկ փոփոխություն կկատարվի: Լենյեր Դոմինգեսի փոխարեն մրցաշարում հանդես կգա աշխարհի գործող չեմպիոն Մագնուս Կառլսենը:

Եվ այսպես, օգոստոսի 11-ին Սենթ Լուիսում արագ շախմատի մրցաշարով կտրվի Grand Chess Tour-2018-ի 3-րդ փուլի մեկնարկը: Մրցաշարը կանցկացվի մեկ շրջանով, յուրաքանչյուր օր կկայանա 3 տուր: Օգոստոսի 14-15-ին տեղի կունենան կայծակնային շախմատի մրցաշարի առաջին և երկրորդ շրջանների հանդիպումները:

Ընդ որում արագ շախմատի մրցաշարում հաղթանակի համար կտրվի երկու միավոր, ոչ-ոքին կգնահատվի մեկ միավորով: Հաղթողը կորոշվի երկու մրցաշարերի արդյունքում վաստակած ընդհանուր միավորներով: Մրցաշարի մրցանակային ընդհանուր հիմնադրամը 150 հազար դոլար է, որից 37500 դոլարը կհանձնվի առաջին հորիզոնականը զբաղեցրած շախմատիստին:

2 օր հանգստանալուց հետո շախմատիստները Սենթ Լուիսում կրկին կնստեն խաղասեղանների շուրջ՝ իրենց ուժերը փորձելով արդեն դասական շախմատի մրցախաղերում: Օգոստոսի 18-27-ը կայանալիք Սինկֆիլդի գավաթի խաղարկության մրցանակային ընդհանուր հիմնադրամը 300 հազար դոլար է, որից 75 հազարը կստանա հաղթողը:

Հետևե՛ք VNews.am-ին նաև Youtube-ում և Instagram-ում:


ՖԻԴԵ-ի վարկանիշային աղյուսակ. Արոնյանը դուրս է մնացել տասնյակից

Որքան են վաստակել առաջատար շախմատիստները 2018 թվականին. Արոնյանն այդ ցանկում 7-րդն է

Հայ շախմատիստների ցուցանիշները ՖԻԴԵ-ի վարկանիշային աղյուսակում

Արոնյանն ու Մելքումյանը հավակնում են դրամական մրցանակների

Արոնյանը հաշտություն կնքեց առաջատարի հետ

Արոնյանը նախընտրեց հանգիստը և զիջեց առաջատարի դիրքը

Ջիբրալթարի փառատոն․ Լևոն Արոնյանն առաջատարների խմբում է

Հայ շախմատիստների հաղթական օրը

Հայ շախմատիստներին չհաջողվեց հաղթանակ տոնել

Հայ շախմատիստներից միակ հաղթանակը տոնեց Լևոն Արոնյանը

Հրանտ Մելքումյանն առաջատարների խմբում է

Լևոն Արոնյանը հաղթանակով սկսեց իր տիտղոսի պաշտպանությունը

Հայ շախմատիստներից ամենահաջողը Լևոն Արոնյանի ելույթն էր

Հայ շախմատիստներից ամենահաջողը Լևոն Արոնյանի մեկնարկն էր

Հայ շախմատիստներից լավագույնը Տիգրան Պետրոսյանի ելույթն էր

Մեկնարկեց արագ շախմատի աշխարհի առաջնությունը