Լևոն Արոնյանը պարտվեց Հիկարու Նակամուրային առաջին մրցախաղում - VNews
Բաժիններ

Լևոն Արոնյանը պարտվեց Հիկարու Նակամուրային առաջին մրցախաղում

Արոնյանը պարտվեց Հիկարու Նակամուրային առաջին մրցախաղում - Լևոն Արոնյանը պարտվեց Հիկարու Նակամուրային առաջին մրցախաղում
Խաղի մանրամասները

տուր

01 Հունվար 1970 - 21:29

-

-

Մեկօրյա հանգստից հետո մեկնարկեց արագ շախմատի Magnus Carlsen Chess Tour առցանց մրցաշարի քառորդ եզրափակիչ փուլը, որում 8 ուժեղագույն շախմատիստներն ըստ նախնական փուլում գրաված տեղերի բաժանվել են զույգերի: Նրանցից յուրաքանչյուրը 4-ական պարտիայից բաղկացած արագ շախմատի 3 մրցախաղ կանցկացնի:

Կիսաեզրափակչի ուղեգիր կստանան 3 մրցախաղերից առնվազն երկուսում հաղթած շախմատիստները: Մրցախաղում հավասար արդյունքի դեպքում կանցկացվի 5-րդ պարտիան կայծակնային շախմատի կանոններով, որում ոչ-ոքին սևերով խաղացող շախմատիստի համար հավասարազոր կլինի հաղթանակի:

Նախնական փուլում 8-րդ տեղը զբաղեցրած Լևոն Արոնյանի մրցակիցը քառորդ եզրափակչում Հիկարու Նակամուրան է, որը գրավել էր առաջին հորիզոնականը:

Արոնյանը շատ հաջող սկսեց Նակամուրայի հետ այսօր կայացած առաջին մրցախաղը: Առաջին պարտիայում Լևոնը սպիտակներով երկարատև պայքարից հետո 118-րդ քայլում հաղթանակ տոնեց: Հաջորդ երկու պարտիաներում մրցակիցները հաշտություն կնքեցին: Ցավոք, վճռորոշ՝ 4-րդ պատիայում Արոնյանը սևերով 47-րդ քայլին պարտվեց: Այնպես որ առաջին մրցախաղի ելքը որոշվեց արմագեդոնում, որում Լևոնը խաղում էր սպիտակներով:

Դա նշանակում էր, որ առաջին մրցախաղը շահելու համար Արոնյանին կայծակնային պարտիայում հաղթանակ էր անհրաժեշտ: Սակայն նա պարտվեց ու տանուլ տվեց առաջին մրցախաղը 2-3 հաշվով: Մայիսի 25-ին կկայանա Արոնյանի և Նակամուրայի 2-րդ մրցախաղը:

Այսօր կայացած քառորդ եզրափակիչ մյուս մրցախաղում Յու Յանյին արմագեդոնում 3-2 հաշվով հաղթեց Դին Լիժենին: Մրցախաղի առաջին 4 պարտիաներն էլ ավարտվել էին ոչ-ոքի:

Վաղը կկայանան Մագնուս Կառլսեն-Ուեսլի Սո, Դանիիլ Դուբով-Սերգեյ Կարյակին քառորդ եզրափակիչ առաջին մրցախաղերը:

Միացի՛ր հայկական ամենասպորտային Instagram-ին:


Արոնյանը եզրափակեց լավագույն եռյակը և 40 հազար դոլար պարգևավճար ստացավ

Արոնյանը վստահ հաղթանակ տոնեց աշխարհի չեմպիոնի նկատմամբ

Արոնյանը հաղթեց ու մոտեցավ առաջատար եռյակին

Արոնյանը կրկին պարտվեց

Լևոն Արոնյանը շարունակում է անկայուն ելույթները

Լևոն Արոնյանը երկրորդ հաղթանակը տոնեց

Լևոն Արոնյանը երկրորդ պարտությունը կրեց

Լևոն Արոնյանն առաջին հաղթանակը տոնեց

Արոնյանը պարտությամբ սկսեց Champions Chess Tour-ի եզրափակիչ փուլը

Արոնյանը կմասնակցի Champions Chess Tour-ի եզրափակիչ մրցաշարին

Արոնյանը բավարարվեց 7500 դոլար պարգևավճարով

Արոնյանը պարտվեց Գարրի Կասպարովին

Մեկնարկն այնքան էլ հաջող չէր Արոնյանի համար

Արոնյանը պարտվեց Կառլսենին ու կպայքարի 3-րդ տեղի համար

Ոչ-ոքի՝ աշխարհի գործող չեմպիոնի հետ կիսաեզրափակիչ առաջին մրցախաղում

Արոնյանը կրկին հաղթեց Մամեդյարովին և կիսաեզրափակչի ուղեգիր նվաճեց