«Լիոնը» պաշտոնական հայտարարությամբ հերքել է նախագահի խոսքը

Ինչպես արդեն տեղեկացրել ենք, «Լիոնի» նախագահ Ժան-Միշել Օլասը հայտարարությամբ է հանդես եկել, ըստ որի՝ «Յուվենտուսի» ու «Լիոնի» միջև Չեմպիոնների լիգայի 1/8 եզրափակիչ պատասխան հանդիպումը տեղի է ունենալու օգոստոսի 7-ին։

Ֆրանսիական ակումբը, սակայն, պաշտոնական հայտարարություն է տարածել՝ հերքելով իր նախագահի խոսքը։

«Լիոնը» ցանկանում է պարզաբանել, որ «Յուվենտուսի» դեմ Չեմպիոնների լիգայի շրջանակում կայանալիք հանդիպման հստակ ժամանակացույցը դեռևս հայտնի չէ՝ չնայած նախորդող հայտարարությանը։

Այդ հանդիպման ժամանակացույցը որոշվելու է եզրափակիչ փուլերի անցկացման որոշման շրջանակում, որ կայացվելու է ՈՒԵՖԱ-ի կողմից։ Ժամանակացույցի մասին առաջիկայում հայտարարություն կտարածի հենց ՈՒԵՖԱ-ն»,- ասված է թիմի պաշտոնական հայտարարության մեջ։

Միացի՛ր հայկական ամենասպորտային Instagram-ին: