«Լիվերպուլի» առաջարկը մերժել են

«Լիվերպուլը» հետաքրքրված է «Նապոլիի» եզրային հարձակվող Լորենցո Ինսինյեի ծառայություններով:

Ինչպես հաղորդում է La Reppublica պարբերականը, մերսիսայդցիները ֆուտբոլիստի տրասնֆերը գնելու համար իտալական ակումբին առաջարկել են 70 միլիոն եվրո: Գործարքին կարող է մասնակցել նաև հայտնի գործակալ Մինո Ռայոլան, ում միջոցով էլ անգլիական գրանդն արել է առաջարկը:

Սակայն «Նապոլիի» նախագահ Աուրելիո Դե Լաուրենտիսը մտադիր չէ բաժանվել իտալացի խաղացողից 150 միլիոն եվրոյից պակաս գումարով:

Ինսինյեի գործող պայմանագիրն ակումբի հետ նախատեսված է մինչև 2022 թվականը:

Հետևե՛ք VNews.am-ին նաև Youtube-ում և Instagram-ում: