«Լոռիի» պահանջը չունի իրավական որևէ հիմք»․ ՀՖՖ պատասխանը «Լոռիի» հայտարարությանը - VNews
Բաժիններ

«Լոռիի» պահանջը չունի իրավական որևէ հիմք»․ ՀՖՖ պատասխանը «Լոռիի» հայտարարությանը

ՀՖՖ պաշտոնական կայքում հրապարակվել է հայտարարություն՝ վերաբերող «Լոռիի» ֆեյսբուքյան էջում այսօր կատարված գրառմանը: ՀՖՖ հայտարարությունը ներկայացնում ենք ձեր ուշադրությանը:

«Ի պատասխան «Լոռի ՖԱ»-ի ֆեյսբուքյան պաշտոնական էջում այսօր հրապարակված գրառմանը՝ տեղեկացնում ենք.

«Լոռի ՖԱ»-ն ս.թ. հուլիսի 27-ին նամակ էր ուղարկել Հայաստանի ֆուտբոլի ֆեդերացիա՝ հայտնելով, որ կրկնակի թեստավորումից հետո «Լոռի ՖԱ»-ում կորոնավիրուսային հիվանդության դեպքեր են հայտնաբերվել 8 ֆուտբոլիստների մոտ (ՀՀ Անձնական տվյալների պաշտպանության մասին օրենքի համաձայն՝ չենք կարող հրապարակել այդ ֆուտբոլիստների տվյալները):

Վերոնշյալ 8 ֆուտբոլիստներից միայն 3-ն ունեն գործող պայմանագրեր «Վանաձորի ֆուտբոլի ակադեմիա ՀԿ»-ի հետ, այսինքն հանդիսանում են «Լոռի ՖԱ» ֆուտբոլիստ:

Հատկանշական է, որ, չնայած «Լոռի ՖԱ»-ն իր նամակում նշել էր 8 ֆուտբոլիստի անուն, սակայն ՀՖՖ էր ուղարկել միայն 5 ֆուտբոլիստի թեստերի պատասխանների սկանավորված տարբերակները, այն դեպքում, որ նրանցից միայն մեկն ունի գործող պայմանագիր «Վանաձորի ֆուտբոլի ակադեմիա ՀԿ»-ի հետ:

Օգոստոսի 11-ին ՀՖՖ պաշտոնական կայքում հրապարակվեց 2020/2021 մրցաշրջանի ՀՖՖ Պրոֆեսիոնալ մրցումների անցկացման՝ կորոնավիրուսի կանխարգելման ուղեցույցը, որի հոդված 4-ի կետ 4-ում նշվում է, որ թիմում 1-3 ֆուտբոլիստների մոտ վարակի հայտնաբերման պարագայում (միայն PCR թեստի արդյունքներով) տվյալ ֆուտբոլիստները մեկուսացվում են, իսկ վարակակիրների հետ շփում ունեցած մնացած բոլոր անձինք (ֆուտբոլիստներ, մարզիչներ, պաշտոնյաներ)՝ թեստավորվում: Թիմի մնացած ֆուտբոլիստների մոտ թեստավորման բացասական պատասխանների դեպքում տվյալ թիմի մասնակցությամբ առաջիկա խաղը կայանում է:

Որևէ հանդիպում կարող է հետաձգվել միմիայն 3-ից ավելի ֆուտբոլիստների մոտ վարակի հայտնաբերման պարագայում, ինչն ամրագրված է հոդված 4-ի կետ 5-ում:

Սա նշանակում է, որ «Լոռի ՖԱ»-ի՝ «Ուրարտուի» հետ հանդիպումը հետաձգելու պահանջը չունի իրավական որևէ հիմք:

«Լոռի ՖԱ» հայտարարության մեջ, որպես օրինակ, նշվում է, որ 2019 թվականի օգոստոսի 4-ին նախատեսված ԲԽ 2019/2020 թթ մրցաշրջանի առաջին մրցափուլի «Փյունիկ»-«Լոռի ՖԱ» հանդիպումը հետաձգվեց, քանի որ ՀՖՖ նախագահը հիմք էր ընդունել դաշտի տեր ակումբի խնդրանքն ու առանց «Լոռի» ՖԱ դիրքորոշումը հարցնելու՝ որոշում կայացրել։ Տեղեկացնում ենք, որ ՈՒԵՖԱ Եվրոպա լիգայի 2019/2020 մրցաշրջանի որակավորման երկրորդ փուլի «Յաբլոնեց» (Չեխիա) – «Փյունիկ» հանդիպումը կայացել է 2019թ. օգոստոսի 1-ին՝ մեկնարկելով Երևանի ժամանակով 21:00-ին և ավարտվելով 23:00-ին; Դա նշանակում է, որ այդ և օգոստոսի 4-ին նախատեսված ԲԽ 2019/2020 թթ մրցաշրջանի առաջին մրցափուլի «Փյունիկ» – «Լոռի ՖԱ» հանդիպման միջև ընկած ժամանակահատվածը կազմում էր ավելի քիչ, քան 72 ժամ, ինչն անհնար էր դարձնում այդ հանդիպման անցկացումը:

Ավելացնենք, որ նույն ժամանակահատվածում հետաձգվել էր նաև առաջին մրցափուլի «Ալաշկերտ» – «Արարատ-Արմենիա» հանդիպումը:

Տեղեկացնենք նաև, որ ընդամենը մի քանի օր առաջ՝ ՀՖՖ գրասենյակում, կայացել է հանդիպում ՀՖՖ նախագահ Արմեն Մելիքբեկյանի և «Լոռի ՖԱ» հիմնադիր Թովմաս Գրիգորյանի միջև, որի ընթացքում քննարկվել են մի շարք հարցեր, այդ թվում՝ «Լոռի ՖԱ»-ի՝ առաջին երկու տուրերի հետաձգման հարցը:

Արմեն Մելիքբեկյանը տեղեկացրել է Թովմաս Գրիգորյանին, որ վերոնշյալ հանդիպումը չի կարող հետաձգվել, քանի որ «Լոռի ՖԱ»-ն չի տրամադրել հանդիպումների՝ կորոնավիրուսի համավարակով պայմանավորված հետաձգման հիմքերը:

Առնվազն զարմանալի է վերոնշյալ հանդիպումից հետո կարդալ «Լոռի ՖԱ»-ի այսօրվա հրապարակումը:

Նշենք, որ «Լոռի ՖԱ»-ի խնդրանքով ՀՖՖ-ն ընդառաջել է և միայն վանաձորյան ակումբի համար հետաձգել է ֆուտբոլիստների հայտավորման ժամկետը 2020/2021 մրցաշրջանի համար՝ երկարացնելով այն մինչև օգոստոսի 11-ը, սակայն մինչ օրս «Լոռի ՖԱ»-ն չի հայտավորել գեթ մեկ ֆուտբոլիստ:

Տեղեկացնում ենք նաև, որ ՀՖՖ-ն ընդառաջել է «Լոռի ՖԱ»-ին ևս մեկ հարցում՝ երկարացնելով նախորդ մրցաշրջանի ընթացքում կուտակված կարգապահական տույժերի մարման վերջնաժամկետը մինչև օգոստոսի 13-ը: «Լոռի ՖԱ»-ն միակն է բոլոր ակումբներից, որը մինչ օրս չի մարել 3.285.000 դրամի պարտքը: Շեշտենք, որ ՀՖՖ Պրոֆեսիոնալ ֆուտբոլի մրցումների անցկացման կանոնակարգի համաձայն՝ առաջնությանը կարող են մասնակցել միայն մինչ մրցաշրջանի մեկնարկը բոլոր պարտքերը մարած ակումբները:

Կոչ ենք անում «Լոռի ՖԱ»-ին զերծ մնալ մանիպուլյատիվ հայտարարություններ անելուց. ՀՖՖ-ն մշտապես հայտնել է, որ պատրաստ է ակումբների հետ բազմակողմանի համագործակցության՝ ընդունված կանոնակարգերի, որոշումների, ուղեցույցերի շրջանակում:

Ընդգծենք, որ կորոնավիրուսի համաճարակով պայմանավորված՝ VBET Հայաստանի Պրեմիեր լիգայի անցկացումը լրջագույն մարտահրավեր է: Առաջնությունը կարող է կայանալ միայն ՀՖՖ-ի և բոլոր ակումբների միջև լիակատար համագործակցության պարագայում»,- նշված է հրապարակման մեջ:

VBET Հայաստանի Պրեմիեր լիգա. Առաջնությունը նոր անուն և տարբերանշան ունի

Միացի՛ր հայկական ամենասպորտային Instagram-ին:


Արթուր Սերոբյան․ «Շատ ուրախ եմ առաջին անգամ մեկնարկային կազմում հայտնվելու և թիմի հաղթանակի կապակցությամբ» (տեսանյութ)

Ջեյսոն Մարտինեսի գոլը հաղթական էր «Լոռի» – «Արարատ-Արմենիա» խաղում (տեսանյութ)

«Լոռի» – «Արարատ-Արմենիա»․ Մեկնարկային կազմեր, ուղիղ հեռարձակում (տեսանյութ)

Զավեն Բադոյանը՝ իր, Ուդոյի և Նենադովիչի մասնակցությամբ հրաշալի գոլային կոմբինացիայի մասին (տեսանյութ)

Արտյոմ Սիմոնյան․ «Մեր այսօրվա խաղից գոհ ենք, բայց պատժվեցինք կենտրոնացվածությունը կորցնելու պատճառով» (տեսանյութ)

Վարդան Բիչախչյան. «Խոտանը շատ էր, հետևաբար ավելի շատ պետք է վազեինք, որպեսզի փակեինք գոտիները» (տեսանյութ)

Դմիտրի Գունկո. «Չէի ասի, թե ֆիզիկական առումով լավագույն վիճակում ենք, ուստի փորձում ենք գտնել ներքին ռեսուրսներ խնդիրները լուծելու համար» (տեսանյութ)

Սիմոնյանի և Նենադովիչի մեկական գոլերը վճռեցին «Արարատ» – «Նոա» խաղի ելքը (տեսանյութ)

«Արարատ» – «Նոա»․ Մեկնարկային կազմեր, ուղիղ հեռարձակում (տեսանյութ)

Կայացել է ՀՖՖ Գործկոմի հերթական նիստը

Սևադա Արզումանյան. «Մենք պարտադիր պետք է հաղթեինք, ինչը հոգեբանական բարդություն էր ստեղծում» (տեսանյութ)

Տիգրան Դավթյան. «Այս մրցաշրջանում մեր թիմի լավագույն խաղն էր» (տեսանյութ)

Էդգար Մովսեսյան․ «Շատ ուրախ եմ, որ կարողացա գոլ խփել Կասպարովի նման փորձառու դարպասապահին» (տեսանյութ)

«Ալաշկերտը» հաղթեց «Ուրարտուին» և բարձրացավ 1-ին հորիզոնական (տեսանյութ)

Կամպանյան կվերադառնա Վանաձոր․ Ամենաուշագրավ փաստերը՝ VBET ՀՊԼ 13-րդ տուրին ընդառաջ

VBET Հայաստանի Պրեմիեր լիգայի 12-րդ տուրի խորհրդանշական հավաքականը և լավագույն ֆուտբոլիստը