fbpx

«Լոռին» պատասխանել է «Փյունիկի» հայտարարությանը

Բարձրագույն խմբի «Լոռի» – «Փյունիկ» խաղից հետո տեղի ունեցած միջադեպների վերաբերյալ ակումբների հեռակա վեճը շարունակվում է: «Փյունիկի» վերջին հայտարարությանը պատասխանել է «Լոռին»՝ հետևյալ տեքստով.

«Ի պատասխան «Փյունիկի»  «փաստերով լի» հայտարարությանը, եւս մեկ անգամ ընդգծում ենք․ «Լոռիի» ֆուտբոլիստ Ուդոհ Եթոպը հանդիպման ավարտից հետո չի հարվածել «Փյունիկի» մարզիչ Յուրի Նագայցեւին, թեպետ վերջինիս կողմից խաղի ընթացքում  եղել է պրովոկացիա՝ ռասիստական եւ վիրավորական արտահայտությունների տեսքով: «Փյունիկի» տեղադրած տեսագրության մեջ անգամ երեւում է, որ Ուդոհ Եթոպը գնում է դեպի Նագայցեւը, որպեսզի ճշտի վերջինիս պահվածքի պատճառները, բայց մրցակցի մարզչական շտաբի ներկայացուցիչները թույլ չեն տալիս մոտենալ նրան:

Խաղից հետո «Փյունիկի» մի քանի ներկայացուցիչներ մասնավոր զրույցների ժամանակ անգամ նշում էին, որ այդ երկուսը՝ Նագայցեւը եւ Տալալաեւը, թույլ չտվեցին իրենց թիմին վայելել հաղթանակը:

Վանաձորի ֆուտբոլի ակադեմիայում մեր թիմի տնային հանդիպումներին մշտապես ներկա է լինում ավելի քան 500 հանդիսական, եւ մենք հասկանում ենք, որ հայկական ֆուտբոլի ներկայացուցիչների համար վերջին տարիներին դա բացառիկ եւ անսովոր երեւույթ է, ու հորդորում ենք միջադեպը չտեղափոխել երկրպագուների հարթություն ու նրանց կողմից հանդիպման ընթացքում հնչեցրած արտահայտությունները չհամեմատել ձեր մարզիչների՝ ամբողջ հանդիպման ընթացքում ցուցաբերած վարքի հետ։ Ինչպես արդեն երեկ հորդորով դիմել էինք ձեր մարզչին, հիմա դիմում ենք նաեւ ակումբին՝ զբաղվե՛ք ձեր ակումբի ներկայացուցիչների կարգապահությամբ, այնուհետեւ որեւէ մեղադրանք հնչեցրեք ուրիշների հասցեին։

«Փյունիկը» մեծ թիմ է, մեծ պատմությամբ, հաճելի է մրցակցել երեւանյան ակումբի հետ խաղադաշտում»:

Հիշեցնենք, խաղից հետո Անդրեյ Տալալաևը հայտնել էր, որ մրցակցի ֆուտբոլիստը հարվածել է իր օգնականին, ինչին ի պատասխան «Լոռին» հայտնել էր «Փյունիկի» մարզիչների ռասիստական արտահայտությունների մասին: Հետագայում «Փյունիկը» հանդես էր եկել ևս մեկ հայտարարությամբ՝ ավելի շատ մանրամասներ ներկայացնելով խաղից հետո տեղի ունեցած միջադեպերի մասին:

Հետևե՛ք VNews.am-ին նաև Youtube-ում և Instagram-ում:


Արթուր Սողոմոնյան. «Ես մեծ հարգանքով եմ վերաբերվում «Լոռիին», և իմ խոսքերում ոչինչ չպետք է մեկնաբանվի որպես մեղադրանք»

Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 34-րդ տուրը

ՊԱՇՏՈՆԱԿԱՆ. «Լոռի»-«Փյունիկ» հանդիպման հայտնի մրցավարը որակազրկվեց

Նման երևույթները պետք է անհապաղ արմատախիլ արվեն հայկական ֆուտբոլից. «Փյունիկի» պաշտոնական հայտարարությունը

Ընդամենը 2 թիմ է Գյումրիում հաղթել «Շիրակին», իսկ Դենիս Թումասյանն «Ալաշկերտի» ռեկորդակիրն է

Վահե Գևորգյան. «Արդյունքը արդարացի էր»

Ալեքսանդր Տարխանով. «Խաղի ելքը վճռեց մրցավարը, մենք բողոք ենք ներկայացնելու»

Դեսիրեն «Փյունիկին» գցում է չեմպիոնական գրաֆիկից՝ ոչ-ոքի Վանաձորում (տեսանյութ)

«Լոռի» – «Փյունիկ». մեկնարկային կազմեր և ուղիղ հեռարձակում

Մարզչական «մենամարտ»․ «Ալաշկերտ» – «Լոռի» հանդիպման մարտավարական վերլուծությունը (տեսանյութ)

«Փյունիկն» իր առաջիկա մրցակցին արդեն 2 անգամ պարտվել է առաջնությունում․ Ամենահետաքրքիր փաստերը՝ ԲԽ-ի 34-րդ տուրին ընդառաջ

Տուրի լավագույն ֆուտբոլիստը և խորհրդանշական հավաքականը․ VNews-ն ամփոփում է ԲԽ-ի 33-րդ տուրը

«Լոռիի» գլխավոր տնօրենը հեռացել է զբաղեցրած պաշտոնից

«Արարատ-Արմենիայի» ռեկորդներից մեկը մնաց «անսասան», իսկ մյուսը գերազանցեց «Բանանցը»

«Փյունիկն» ու «Բանանցը» «քրտինք թափեցին», բայց երկուսն էլ չզգացին հաղթանակի համը․ VNews-ի ֆոտոշարքը

Իլշատ Ֆայզուլինը՝ «Փյունիկի» հետ ոչ-ոքիի և Կարեն Մելքոնյանի ցուցադրած խաղի մասին (տեսանյութ)