Լուիս Էնրիկեն Իսպանիայի ֆուտբոլի ֆեդերացիային խնդրել է կրճատել իր աշխատավարձը

Իսպանիայի հավաքականի գլխավոր մարզիչ Լուիս Էնրիկեն դիմել է Իսպանիայի ֆուտբոլի ֆեդերացիային, որպեսզի իր աշխատավարձը նվազեցվի՝ հաղորդում է AS-ը։

Աղբյուրի տեղեկություններով՝ Էնրիկեն խնդրել է նվազեցնել իր աշխատավարձը 25 տոկոսով՝ պայմանավորված կորոնավիրուսի համաճարակի պատճառով ֆինանսական ծանր իրավիճակով։

Էնրիկեի տարեկան աշխատավարձի չափը կազմում է 1,5 միլիոն եվրո։ Ստացվում է, որ մասնագետի աշխատավարձը կնվազեցվի 375 հազար եվրոյով։

Հիշեցնենք, որ կորոնավիրուսի համաճարակի պատճառով ԵՎՐՈ 2020-ը հետաձգվել է մեկ տարով։

Միացի՛ր հայկական ամենասպորտային Instagram-ին: