Մ16 օլիմպիադա. Հայ պատանիները հաղթեցին թուրքերին

Մեկօրյա հանգստից հետո Թուրքիայում ընթացող մինչև 16 տարեկանների շախմատային օլիմպիադայի մասնակիցներն անցկացրին 6-րդ տուրի հանդիպումները:

Հայաստանի հավաքականը 3-1 հաշվով պարտության մատնեց Թուրքիայի 3-րդ ընտրանուն: Մեր թիմից հաղթանակներ տոնեցին Արմեն Բարսեղյանը և Տիգրան Սարգսյանը, իսկ Մամիկոն Ղարիբյանն ու Աստղիկ Հակոբյանը հաշտություն կնքեցին մրցակիցների հետ:

6 տուրից հետո Հայաստանի հավաքականը վաստակած 8 միավորով 9-րդ տեղում է: 11-ական միավորով առաջատարներն են Ադրբեջանի և Ուզբեկստանի հավաքականները:

Հետևե՛ք VNews.am-ին նաև Youtube-ում և Instagram-ում: